ମଣିଷ ଖରା, ବର୍ଷା ଆଦି ପ୍ରାକୃତିକ ଦୁର୍ବିପାକ ଏବଂ ବାଘ, ଭାଲୁ ଆଦି ହିଂସ୍ର ଜୀବଜନ୍ତୁମାନଙ୍କ ଠାରୁ ରକ୍ଷା ପାଇବା ପାଇଁ ପାହାଡ଼, ପର୍ବତରେ ଥିବା ଗୁମ୍ଫା ଓ ବଡ଼ ବଡ଼ ଗଛର କୋରଡ଼ ମଧ୍ୟରେ ରହିବାକୁ ଲାଗିଲା । କାଳକ୍ରମେ ମଣିଷ ବୁଦ୍ଧିର ବିକାଶ ହେବାଦ୍ୱାରା ସୁନ୍ଦର ସୁନ୍ଦର ବାସଗୃହମାନ ନିର୍ମାଣ କରି ରହିବାକୁ ଲାଗିଲା । ଏହି ବାସଗୃହର ସଠିକ୍ ନିର୍ମାଣ ପାଇଁ ଆମ ପ୍ରାଚୀନ ମୁନିଋଷିମାନେ ବାସ୍ତଶାସ୍ତ୍ରର ରଚନା କଲେ ।
ଏହି ବାସ୍ତୁଶାସ୍ତ୍ରର ନିୟମ ମାନିବା ଦ୍ୱାରା ଗୃହସ୍ଥ ଲୋକମାନେ ସୁଖ ଶାନ୍ତିରେ ରହିବାକୁ ଲାଗିଲେ । ଧିରେ ଧିରେ ଜନସଂଖ୍ୟ ବୃଦ୍ଧି ହେବାକୁ ଲାଗିଲା, ଫଳରେ ଜାଗା ବାଡ଼ିର ଦରଦାମ୍ ମଧ୍ୟ ବହୁଳ ମାତ୍ରାରେ ବଢ଼ିବାକୁ ଲାଗିଲା । ଫଳରେ ସାଧାରଣ ଲୋକମାନଙ୍କ ବାସସ୍ଥାନର ଅକାର ମଧ୍ୟ ଛୋଟ ହୋଇଗଲା । ଆଗରୁ ଲୋକମାନେ ଶୌଚ ହେବା ପାଇଁ ନଦୀ, ପୋଖରୀର ବ୍ୟବହାର କରୁଥିଲେ ।
କାଳକ୍ରମେ ପରିସ୍ଥିତିର ପରିବର୍ତ୍ତନକୁ ନେଇ ଏବେ ଶୌଚାଳୟ ଗୃହ ମଧ୍ୟରେ ନିର୍ମାଣ କରାଯାଉଛି । ଏହି ଶୌଚାଳୟ ପାଇଁ ଯେଉଁ ସେପ୍ଟିକ୍ ଟ୍ୟାଙ୍କ୍ ନିର୍ମାଣ କରାଯାଉଛି, ସେହି ସେପ୍ଟିକ୍ ଟ୍ୟାଙ୍କ୍ ନିର୍ମାଣର ବାସ୍ତୁ ନିୟମ ବିଷୟରେ ଜାଣିବା । ଯେଉଁ ନିୟମକୁ ଅବମାନନା କରି ସେପ୍ଟିକ୍ ଟ୍ୟାଙ୍କ୍ ନିର୍ମାଣ କଲେ ଗୃହକୁ ମହାବିପଦ ଆସିଥାଏ ।
Also Read
ଆମେ ଜାଣିଲେ ଜାଗାର ଅଭାବରୁ ଶୌଚାଳୟ, ସେପ୍ଟିକ ଟାଙ୍କ୍ ଆଦି ଗୃହ ମଧ୍ୟରେ ହେବାକୁ ଲାଗିଲାଣି । ସହରାଞ୍ଚଳ ଆଦିରେ ସରକାରଙ୍କ ଦ୍ୱାରା ସ୍ୱରେଜ ସୁବିଧା ଥିବା ଯାଗାରେ ଗୃହ ନିର୍ମାଣ କଲେ ଏହାକୁ ସଂଯୋଗ କରାଯାଇ ମଇଳାପାଣି ଛଡ଼ାଯାଇଥାଏ। ଫଳରେ ବଡ଼ ବଡ଼ ସେପ୍ଟିକ୍ ଟ୍ୟାଙ୍କ୍ ନ କରି ଛୋଟ ସେପ୍ଟିକ୍ ଟ୍ୟାଙ୍କ୍ଟିଏ କରିଦେଲେ ହୋଇଯିବ । ବହୁତ ଜାଗାରେ ସ୍ୱରେଜର ବ୍ୟବସ୍ଥା ନାହିଁ । ତେଣୁ ବଡ଼ ବଡ଼ ସେପ୍ଟିକ୍ ଟ୍ୟାଙ୍କ୍ କରିବାକୁ ପଡ଼ୁଛି । ଏହି ପରିସ୍ଥିତିରେ ବାସ୍ତୁର ନିୟମକୁ ମାନିବା କଷ୍ଟ ହେଉଛି । ଏବେ ଜାଣିବା ସେପ୍ଟିକ୍ ଟ୍ୟାଙ୍କ୍ର ପ୍ରକୃତ ବାସ୍ତୁ ନିୟମ ବିଷୟରେ ।
ନିଜ ଜାଗା ଭିତରେ ସେପ୍ଟିକ୍ ଟ୍ୟାଙ୍କ୍ କରିବାକୁ ହେଲେ ସର୍ବ ପ୍ରଥମେ ଦିଗ ନିର୍ଣ୍ଣୟ କରି ନିଜ ଜାଗାର ଦିଗ ଏବଂ କୋଣକୁ ଚିହ୍ନଟ କରିଦିଅନ୍ତୁ ।
୧. ଉତ୍ତର ଦିଗରେ ସେପ୍ଟିକ୍ ଟ୍ୟାଙ୍କ୍ କଲେ ସବୁବେଳେ ଆର୍ଥିକ ସ୍ଥିତି ଖରାପ ରୁହେ । ସରକାରୀ ଚାକିରୀ କରିଥିବା ଲୋକଙ୍କ ପକ୍ଷରେ ହଠାତ୍ ଜଣା ପଡ଼େନାହିଁ କିନ୍ତୁ ବ୍ୟବସାୟ କିମ୍ବା ଅସ୍ଥାୟୀ ବେସରକାରୀ ସଂସ୍ଥାରେ ଚାକିରୀ କରିଥିବା ଲୋକମାନେ ବେଶି ହଇରାଣ ହୋଇଥାନ୍ତି ।
୨. ଦକ୍ଷିଣ ଦିଗରେ ସେପ୍ଟିକ୍ ଟ୍ୟାଙ୍କ୍ ମୃତ୍ୟୁତୁଲ୍ୟ କଷ୍ଟ ଦେଉଥିବା ରୋଗ ସୃଷ୍ଟି କରିଥାଏ ।
୩. ପୂର୍ବ ଦିଗରେ ସେପ୍ଟିକ୍ ଟ୍ୟାଙ୍କ କଲେ ସରକାରଙ୍କ ସହିତ ଭଲ ସମ୍ପର୍କ ରହେନାହିଁ । ଆର୍ଥାତ୍ ସରକାରୀ ଚାକିରୀ ମିଳିବାକୁ କଷ୍ଟ ହୋଇଥାଏ ।
୪. ପଶ୍ଚିମ ଦିଗରେ ସେପ୍ଟିକ୍ ଟ୍ୟାଙ୍କ୍ ଥିଲେ ଧନର ଅପବ୍ୟୟ ହୋଇଥାଏ ।
୫. ଐଶାନ୍ୟ କୋଣରେ ସେପ୍ଟିକ ଟ୍ୟାଙ୍କ୍ କ୍ୟାନସର ସୃଷ୍ଟି କରିବା ସହିତ ଆର୍ଥିକ ସ୍ଥିତି ଖରାପ କରିଥାଏ ।
୬. ଅଗ୍ନିକୋଣରେ ସେପ୍ଟିକ୍ ଟ୍ୟାଙ୍କ୍ କଲେ ଅଜଣାରୋଗ ଏବଂ ଗୃହବାସୀଙ୍କ ମଧ୍ୟରେ ସମ୍ପର୍କରେ ତିକ୍ତତା ସୃଷ୍ଟି କରିଥାଏ ।
୭. ନୈଋତ କୋଣରେ ସେପ୍ଟିକ୍ ଟ୍ୟାଙ୍କ୍ କଲେ ଅକାଳ ମୃତ୍ୟୁ ଆସିଥାଏ ।
୮. ବାୟବ୍ୟ କୋଣରେ ସେପ୍ଟିକ୍ ଟ୍ୟାଙ୍କ୍ କଲେ ଶୁଭଫଳ ମିଳିଥାଏ କିନ୍ତୁ ଏହାର ନିୟମ ହେଲା ଉତ୍ତର ପଟକୁ ସମାନ ୯ ଭାଗ କରି ବାୟବ୍ୟ କୋଣରୁ ଉତ୍ତର ପଟକୁ ଦୁଇଭାଗ ଛାଡ଼ି ତୃତୀୟ ଭାଗରେ ସେପ୍ଟିକ୍ ଟ୍ୟାଙ୍କ୍ କରିବେ । ନହେଲେ ପଶ୍ଚିମ ପଟକୁ ସମାନ ୯ ଭାଗ କରି ଭୋଗ କରି ବାୟବ୍ୟ କୋଣରୁ ପଶ୍ଚିମକୁ ୨ ଭାଗ ଭିତରେ ସେପ୍ଟିକ୍ ଟ୍ୟାଙ୍କ୍ କରିବେ । ସାରାଂଶରେ କହିଲେ ଉତ୍ତର-ପଶ୍ଚିମର (ବାୟବ୍ୟ କୋଣ) ପଶ୍ଚିମ ପଟରେ କିମ୍ବା ଉତ୍ତର ପଟରେ ସେପ୍ଟିକ୍ ଟ୍ୟାଙ୍କ୍ କଲେ ଶୁଭଫଳ ମିଳିଥାଏ ।