ମଣିଷ ବଞ୍ଚି ରହିବାକୁ ହେଲେ ତିନୋଟି ମୌଳିକ ବସ୍ତୁର ଆବଶ୍ୟକତା ରହିଛି । ତା’ହେଲା ଖାଦ୍ୟ, ବସ୍ତ୍ର ଓ ବାସସ୍ଥାନ । ଏଣୁ ବାସ୍ତୁଶାସ୍ତ୍ରରେ ବାସସ୍ଥାନ ଏକ ମୂଖ୍ୟ ଭୂମିକା ଗ୍ରହଣ କରିଥାଏ । ଏଣୁ ବାସ୍ତୁସ୍ଥାନ ସଦାସର୍ବଦା ବାସ୍ତୁଦୋଷ ମୁକ୍ତ ହେବା ଦରକାର । ବାସ୍ତୁଦୋଷ ଥିଲେ ଆମର ଇଛା ପୂରଣ ହେବାରେ ବାଧା ସୃଷ୍ଟି ହୋଇଥାଏ । ଗୃହବାସୀମାନେ ସବୁବେଳେ ଦୁଃଖ କଷ୍ଟରେ ରହିଥାନ୍ତି । ସବୁ ପ୍ରକାର ସମସ୍ୟା ଭିତରୁ ଆର୍ଥିକ ସମସ୍ୟା ଅତ୍ୟନ୍ତ କଷ୍ଟଦାୟକ ।
ଆର୍ଥିକ ସମସ୍ୟା ଥିଲେ ବର୍ତ୍ତମାନ ଯୁଗରେ ଗୃହସ୍ଥ ଜୀବନକୁ ସଠିକ ଭାବରେ ଚଲାଇବା କଷ୍ଟ । ବର୍ତ୍ତମାନ ଯୁଗରେ ଯଦି ଆପଣଙ୍କ ପାଖରେ ଧନ ନାହିଁ ତେବେ ନିଜ ରକ୍ତ ସମ୍ପର୍କ ଲୋକମାନେ ବି ଆପଣଙ୍କ ପାଖରୁ ଦୁରେଇ ଯାଇଥାନ୍ତି । ଏହା ହେଉଛି ଜୀବନର ବାସ୍ତବତା । ଏହି ବିଷୟ ଆପଣମାନେ ଅଧିକ ବୁଝିପାରୁଥିବେ । ଏଣୁ ମୁଁ ଆପଣମାନଙ୍କୁ କହିବି ବାସ୍ତୁରେ କେଉଁସବୁ ଦୋଷ ଥିବାରୁ ଆର୍ଥିକ ସମସ୍ୟା ଆସିଥାଏ ।
Also Read
ପ୍ରଥମେ ଜାଣିବା ଭୂମିର ଦୋଷ ବିଷୟରେ ଯେଉଁ କାରଣରୁ ଆର୍ଥିକ ସମସ୍ୟା ଆସିଥାଏ ।
ଯେଉଁ ସ୍ଥାନରେ ଭୂମିରେ ଘାସ କିମ୍ବା ଗଛଲତାଟିଏ ନଥାଏ ବା ଉଠୁ ନଥାଏ ଏବଂ ଉଈହୁଙ୍କା, ସାପ ହୁଙ୍କା ଆଦି ଥାଏ କେବେବି ସେହି ସ୍ଥାନରେ ଗୃହ ନିର୍ମାଣ କରିବା କଥା ନୁହେଁ । ଯଦି ଗୃହ ନିର୍ମାଣ କରିବାକୁ ପଡ଼େ, ତେବେ ସେହି ସ୍ଥାନର ମାଟିକୁ ୬ ଫୁଟ୍ ଖୋଳି ସେହି ମାଟିକୁ ଅନେକ ଦୂରରେ ଫୋପାଡ଼ି ଦେବେ ଏବଂ ସେହି ସ୍ଥାନରେ ଭଲ ମାଟି କିମ୍ବା ବାଲି ଫିଲିଙ୍ଗ କରିଦେବେ ଏବଂ କିଛି ଦିନ ପରେ ଏହି ସ୍ଥାନକୁ ବାସ୍ତୁଶାସ୍ତ୍ର ମତରେ ଶୋଧନ କରି ଗୃହନିର୍ମାଣ କରିବେ । ଯଦି ଏହିପରି ନକରି ଗୃହ ନିର୍ମାଣ କରନ୍ତି ତେବେ ଆପଣ ସେହି ଗୃହରେ ବସବାସ କଲାପରେ ଧିରେ ଧିରେ ଆର୍ଥିକ ସ୍ଥିତି ବିଗିଡ଼ିବାରେ ଲାଗିଥାଏ ଫଳରେ ଘୋର ଆର୍ଥିକ ସଂଙ୍କଟ ଦେଖାଦେଇଥାଏ । ଏବେ ଜାଣିବା ବାସ୍ତୁରେ କେତେକ ସ୍ଥାନ ରହିଛି ଯେଉଁସ୍ଥାନରେ ବାସ୍ତୁ ଦେଷ ଥିଲେ ଆର୍ଥିକ ସମସ୍ୟା ଆସିଥାଏ ।
୧. ଗୃହର ଉତ୍ତର ଦିଗ : ଏହି ଦିଗ ଗୃହବାସୀଙ୍କ ଆର୍ଥିକ ସ୍ଥିତି କୁ ବହୁ ମାତ୍ରାରେ ପ୍ରଭାବିତ କରିଥାଏ । ଉତ୍ତର ଦିଗ ହେଉଛି ବୁଧ ଗ୍ରହ ଏବଂ କୁବେର ଦେବାତାଙ୍କ ଦିଗ । ଏହି ଦିଗ ଆମକୁ ଅନେକ ପ୍ରକାର ସୁଯୋଗ ପ୍ରଦାନ କରିଥାଏ । ଯଦି ବ୍ୟବସାୟ କରୁଛନ୍ତି ତେବେ ନୂଆ ନୂଆ ପ୍ରୋଜେକ୍ଟମାନ ସବୁ ଏହି ଦିଗର ଶୁଭ ପ୍ରଭାବ ଯୋଗୁ ଆସିଥାଏ । ଯଦି ଏହି ଦିଗରେ ପାଇଖାନା, ମଇଳା ଟାଙ୍କି କିମ୍ବା ଅଳିଆ ଆବର୍ଜନା ଆଦି ରଖୁଛନ୍ତି ତେବେ ଏହି ଦିଗରେ ଘୋର ବାସ୍ତୁ ଦୋଷ ସୃଷ୍ଟି ହୋଇଥାଏ । ଫଳରେ ଆମକୁ ଯେଉଁ ରୋଜଗାର ପାଇଁ ସୁଯୋଗ ଆସିବା କଥା ତାହା ଆସି ନଥାଏ, ଫଳରେ ଆର୍ଥିକ ଅଭିବୃଦ୍ଧି ହୋଇ ନଥାଏ । ଯାହାକି ଆର୍ଥିକ ସମସ୍ୟାର ମୁଖ୍ୟ କାରଣ ହୋଇଥାଏ ।
ଏଣୁ ଏହି ଦିଗରୁ ପାଇଖାନା, ମଇଳା ଟାଙ୍କି ଆଦି ହଟେଇ ଦିଅନ୍ତୁ ଏବଂ ଏହାକୁ ବାୟକୋଣକୁ ସ୍ତାନାନ୍ତର କରିଦିଅନ୍ତୁ । ଯଦି ଏହା କରିପାରୁ ନାହାନ୍ତି ତେବେ ଏହି ସ୍ଥାନରେ ବାସ୍ତୁଦୋଷ ନିବାରଣ ଯନ୍ତ୍ର ବିଧିବିଧାନର ସହ ସ୍ଥାପନା କରନ୍ତୁ ଫଳରେ ଏହି ସ୍ଥାନରେ ଅଶୁଭତ୍ୱ କମିଯିବ ଏବଂ ଶୁଭ ଫଳ ପ୍ରାପ୍ତ ହେବ । ଏହି ଦିଗକୁ କେବେବି ଗୃହର ଅନ୍ୟସ୍ଥାନ ଅପେକ୍ଷା ଭାରି ବା ଉଚ୍ଚା କରନ୍ତୁନାହିଁ । ଏହା ଦ୍ୱାରା ମଧ୍ୟ ଆର୍ଥିକ ସମସ୍ୟା ସୃଷ୍ଟି ହୋଇଥାଏ । ଏହି ଦିଗରେ କଦାପି ନାଲି ରଙ୍ଗ କରନ୍ତୁ ନାହିଁ । ଯଦି ଉତ୍ତର ଦିଗରେ ନାଲି ରଙ୍ଗ ହୋଇଥାଏ ତେବେ ମଧ୍ୟ ଆର୍ଥିକ ସମସ୍ୟା ହୋଇଥାଏ । ଏଣୁ ଉତ୍ତର ଦିଗର ନାଲି ରଙ୍ଗ ହଟେଇ ନୀଳ ରଙ୍ଗ କରିଦିଅନ୍ତୁ ।
ଯଦି ଏହି ସବୁ ନିମୟ ମାନି ଗୃହ ନିର୍ମାଣ କରନ୍ତି ତେବେ ଆର୍ଥିକ ସମସ୍ୟା ହେବନାହି ଏବଂ ଅନେକ ଶୁଭଫଳ ପାଇବେ ।