Technology: Wi-Fi ଦ୍ୱାରା ହ୍ୟାକର୍‌ ଚୋରି କରିପାରେ ଡାଟା; ଏମିତି କରନ୍ତୁ ସେଟିଂ, ମିଳିବ ରକ୍ଷା

ଟେକ୍ନୋଲୋଜୀ ଯେତେ ଉନ୍ନତି ହେଉଛି, ତାହା ସାଧାରଣ ଲୋକଙ୍କ ପାଇଁ ସେତେ ସମସ୍ୟା ଆଣୁଛି। ଆଜିର ଡିଜିଟାଲ୍ ଯୁଗରେ, ସ୍ପିଡ୍‌ ଇଣ୍ଟରନେଟ୍ ସମସ୍ତଙ୍କ ଆବଶ୍ୟକତା ହୋଇଯାଇଛି। ଏକ ସ୍ପିଡ୍‌ ଇଣ୍ଟରନେଟ୍ ସଂଯୋଗ ପାଇବାକୁ, ଲୋକମାନେ ନିଜ ଘରେ ୱାଇ-ଫାଇ ରାଉଟର୍‌ ଲଗାଉଛନ୍ତି। ଲୋକମାନେ ୱାଇ-ଫାଇ ରାଉଟର୍‌ ଲଗାନ୍ତି ସତ କିନ୍ତୁ ଏହାକୁ କିପରି ସୁରକ୍ଷିତ ରଖିବେ ତାହା ଜାଣନ୍ତି ନାହିଁ। ଏହି କାରଣରୁ ସେମାନଙ୍କୁ ପ୍ରାୟତଃ ସ୍ଲୋ ଇଣ୍ଟର୍‌ନେଟ୍, ସାଇବର ଆକ୍ରମଣ ଏବଂ ହ୍ୟାକିଂର ସାମ୍ନା କରିବାକୁ ପଡେ।

ଯଦି ଆପଣ ମଧ୍ୟ ଆପଣଙ୍କ ଘରେ ୱାଇ-ଫାଇ ଲଗାଉଛନ୍ତି, ତେବେ ଏହାକୁ ସୁରକ୍ଷିତ ରଖିବା ମଧ୍ୟ ଜରୁରୀ। ଏଥିପାଇଁ କିଛି ସହଜ ଟିପ୍ସ ମଧ୍ୟ ଅଛି। ଏହି ଉପାୟ ମାଧ୍ୟମରେ ଆପଣ ଅନାବଶ୍ୟକ କନେକ୍‌ସନ୍, ସାଇବର ଆକ୍ରମଣ ଏବଂ ହ୍ୟାକିଂ ଭଳି ବିପଦରୁ ରକ୍ଷା ପାଇପାରିବେ। ତେବେ ଆସନ୍ତୁ ଏ ବିଷୟରେ ଜାଣିବା।

ଅଧିକ ପଢ଼ନ୍ତୁ: ସ୍ମାର୍ଟଫୋନ୍ ହେଉଛି ବ୍ୟାକ୍ଟେରିଆର ବଡ଼ ଘର; ଜାଣନ୍ତୁ କିପରି ଏହାକୁ ସଫା କରିବେ?

ଷ୍ଟ୍ରଙ୍ଗ୍ ପାସ୍‌ୱାର୍ଡ:

• ୱାଇ-ଫାଇ ପାଇଁ ଏକ ଷ୍ଟ୍ରଙ୍ଗ୍ ପାସ୍‌ୱାର୍ଡ ସୃଷ୍ଟି କରିବା ହେଉଛି ପ୍ରଥମ ଏବଂ ଗୁରୁତ୍ୱପୂର୍ଣ୍ଣ ପଦକ୍ଷେପ
• ପାସ୍‌ୱାର୍ଡ ଅତିକମରେ ୧୨-୧୬ ଅକ୍ଷର ହେବା ଉଚିତ
• ଏଥିରେ ଅକ୍ଷର (A-Z, a-z), ସଂଖ୍ୟା (୦-୯) ଏବଂ ସ୍ପେଶାଲ୍ କ୍ୟାରେକ୍ଟର (ଯେପରିକି !, @, #, $ ଇତ୍ୟାଦି) ବ୍ୟବହାର କରନ୍ତୁ
• "୧୨୩୪୫", "password", "admin" କିମ୍ବା ଆପଣଙ୍କ ନା’ ପରି ସହଜ ପାସ୍‌ୱାର୍ଡ ବ୍ୟବହାର କରନ୍ତୁ ନାହିଁ

ଡିଫଲ୍ଟ ୟୁଜର୍ ନେମ୍ ଏବଂ ପାସୱାର୍ଡ ପରିବର୍ତ୍ତନ:

• ପ୍ରତ୍ୟେକ ୱାଇ-ଫାଇ ରାଉଟର୍‌ର ଏକ ଡିଫଲ୍ଟ ୟୁଜର୍ ନେମ୍ ଏବଂ ପାସ୍‌ୱାର୍ଡ ଥାଏ, ଯାହା ସହଜରେ ହ୍ୟାକ୍ ହୋଇପାରେ
• ରାଉଟର୍‌ ସେଟିଙ୍ଗ୍‌କୁ ଯାଇ ଡିଫଲ୍ଟ ୟୁଜର୍ ନେମ୍ ଏବଂ ପାସୱାର୍ଡ ପରିବର୍ତ୍ତନ କରନ୍ତୁ

WPA3 କିମ୍ବା WPA2 ଏନ୍‌କ୍ରିପସନ୍ ବ୍ୟବହାର କରନ୍ତୁ:

• Wi-Fiକୁ ସୁରକ୍ଷିତ ରଖିବା ପାଇଁ, ଆପଣ ଶକ୍ତିଶାଳୀ ଏନ୍‌କ୍ରିପ୍‌ସନ୍ ପ୍ରୋଟୋକଲ୍ ବ୍ୟବହାର କରିପାରିବେ
• ଏଥିପାଇଁ, ରାଉଟର୍‌ ସେଟିଙ୍ଗକୁ ଯାଆନ୍ତୁ ଏବଂ WPA3 (Wi-Fi Protected Access 3) କିମ୍ବା WPA2 ଏନ୍‌କ୍ରିପସନ୍ ଏନେବଲ୍ କରନ୍ତୁ
• WEP (Wired Equivalent Privacy) ବ୍ୟବହାର କରିବା ଠାରୁ ଦୂରେଇ ରୁହନ୍ତୁ କାରଣ ଏହି ଟେକ୍ନୋଲୋଜୀ ପୁରୁଣା ଏବଂ ଅସୁରକ୍ଷିତ

ଅଧିକ ପଢ଼ନ୍ତୁ: ଡିପ୍ ଫେକ୍ ପାଇଁ ଆପଣଙ୍କ ଫଟୋ/ଭିଡିଓ ହେଉନି ତ ଚୋରି… ଏମିତି କରନ୍ତୁ ସୁରକ୍ଷା

ଗେଷ୍ଟ୍ ନେଟୱାର୍କ ବ୍ୟବହାର:

• ଯଦି ଆପଣଙ୍କ ଘର କିମ୍ବା ଅଫିସକୁ ଅଧିକ ଲୋକ ଯିଆ-ଆସିବା କରୁଛନ୍ତି, ତେବେ ସେମାନଙ୍କ ପାଇଁ ଏକ ଗେଷ୍ଟ୍ ନେଟ୍‌ୱାର୍କ ସୃଷ୍ଟି କରିବା ଭଲ
• ଗେଷ୍ଟ୍ ନେଟୱାର୍କ ଆପଣଙ୍କ ମୁଖ୍ୟ ନେଟ୍‌ୱାର୍କକୁ ସୁରକ୍ଷା ଦିଏ
• ଗେଷ୍ଟ୍ ନେଟୱାର୍କ ପାଇଁ ଏକ ଅଲଗା ପାସୱାର୍ଡ ସେଟ୍ କରନ୍ତୁ ଏବଂ ଏହାକୁ ସମୟ ସମୟରେ ପରିବର୍ତ୍ତନ କରନ୍ତୁ

MAC ଆଡ୍ରେସ୍ ଫିଲ୍ଟରିଂ ବ୍ୟବହାର:

• ଆପଣ କେବଳ କିଛି ମନୋନୀତ ଡିଭାଇସ୍‌କୁ ରାଉଟର୍‌ ସହିତ ସଂଯୋଗ କରିବାକୁ ଆକ୍ସେସ୍ କରିପାରିବେ। ଏଥିପାଇଁ, ଆପଣ ରାଉଟର ସେଟିଙ୍ଗକୁ ଯାଇ MAC ଆଡ୍ରେସ୍ ତାଲିକାରୁ ଡିଭାଇସକୁ ରିମୁଭ୍ କିମ୍ବା ଆଡ୍ କରିପାରିବେ
• ଏହା କରିବା ଦ୍ୱାରା କେବଳ ମନୋନୀତ ଡିଭାଇସ୍‌କୁ ଆପଣଙ୍କର ୱାଇଫାଇ ସହିତ ସଂଯୋଗ ହେବ

ସମୟ ସମୟରେ ପାସ୍‌ୱାର୍ଡ ପରିବର୍ତ୍ତନ:

• ପ୍ରତି ୩-୬ ମାସରେ ୱାଇଫାଇ ପାସୱାର୍ଡ ବଦଳାନ୍ତୁ
• ନୂଆ ପାସୱାର୍ଡରେ ଆପଣଙ୍କ ଡିଭାଇସ୍‌କୁ ସଂଯୋଗ କରନ୍ତୁ

ଅଧିକ ପଢ଼ନ୍ତୁ: ଆପଣ ପ୍ରଥମ ଥର ପାଇଁ ଲାପ୍‌ଟପ୍ କିଣୁଛନ୍ତି କି… ଏହି ୬ଟି ଜିନିଷକୁ ଧ୍ୟାନ ଦିଅନ୍ତୁ; ଅସୁବିଧାରେ ପଡ଼ିବେ ନାହିଁ