କ୍ରିକେଟର ଜଗତରେ ଘରୋଇ ଟୁର୍ଣ୍ଣାମେଣ୍ଟରେ ବିଦେଶୀ ଖେଳାଳିଙ୍କୁ ସାମିଲ କରିବା ଅତି ସାଧାରଣ । ଇଂଲଣ୍ଡର କାଉଣ୍ଟି ଚାମ୍ପିଅନସିପ୍ ଓ ଅଷ୍ଟ୍ରେଲିଆର ସେଫିଲ୍ଡ ସିଲ୍ଡ ଟୁର୍ଣ୍ଣାମେଣ୍ଟରେ ଅନ୍ତର୍ଜାତୀୟ କ୍ରିକେଟ ତାରକା ଲଗାତାର ଅଂଶଗ୍ରହଣ କରିଥାନ୍ତି । ତେବେ ଭାରତର ଘରୋଇ କ୍ରିକେଟ ପ୍ରତିଯୋଗିତା ଐତିହାସକ ରଣଜୀ ଟ୍ରଫି ଓ ଦୁଲ୍ଲୀପ ଟ୍ରଫିରେ ଏହାର ବ୍ୟତିକ୍ରମ ଦେଖିବାକୁ ମିଳେ । ଏହାର କାରଣ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡର(BCCI) କଠୋର ନିୟମ । ବିଦେଶୀ ଖେଳାଳିଙ୍କୁ ଘରୋଇ ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିବାକୁ ଅନୁମତି ଦିଏନାହିଁ ବିସିସିଆଇ, ଯାହା ଭାରତୀୟ କ୍ରିକେଟର ଉନ୍ନତିର ଏକ ରଣନୀତି ବୋଲି କୁହାଯାଏ ।
ବିସିସିଆଇର ଏହି ନିୟମ ପଛରେ ରହିଛି ଏକ ମହତ ଉଦ୍ଦେଶ୍ୟ । ଦେଶରେ ଉପଲବ୍ଧ ଥିବା କ୍ରିକେଟ ପ୍ରତିଭାଙ୍କୁ ସଠିକ୍ ସୁଯୋଗ ଓ ପ୍ରୋତ୍ସାହନ ଦେବା ଏହାର ଲକ୍ଷ୍ୟ । ସାରା ଦେଶରେ ଯୁବ କ୍ରିକେଟରଙ୍କ ବିଶାଳ ସମୂହ ଓ ବୋର୍ଡର ବିଚାରଧାରା ଏହା ଯେ ରଣଜୀ ଟ୍ରଫି ଓ ଦୁଲ୍ଲୀପ ଟ୍ରଫିରେ ବିଶେଷ ଭାବେ ଭାରତୀୟ ଖେଳାଳିଙ୍କୁ ସେବା ମିଳିବା ଆବଶ୍ୟକ । ଯେଉଁଠି ସେମାନେ ନିଜର ପ୍ରତିଭା ଓ କୌଶଳ ପ୍ରଦର୍ଶିତ କରିବାକୁ ମଞ୍ଚ ପାଇପାରିବେ । ଏଥିସହ ନିଜ ପ୍ରଦର୍ଶନରେ ପ୍ରଭାବିତ କରି ଜାତୀୟ ଟିମରେ ସ୍ଥାନ ହାସଲ କରିବାକୁ ସମର୍ଥ ହୋଇପାରିବେ ।
କେବଳ ଏତିକି ନୁହେଁ, ବିସିସିଆଇର ବିଦେଶୀ ଖେଳାଳିଙ୍କୁ ବାରଣ ନିଷ୍ପତ୍ତି ପଛରେ ରହିଛି ଆହୁରି ଏକ ବଡ଼ ମହତ ଉଦ୍ଦେଶ୍ୟ । ଯୁବ ଖେଳାଳିଙ୍କ ଉପରେ ଅନ୍ତର୍ଜାତୀୟ ଖେଳାଳିଙ୍କ ଚାପ ଯେମିତି ରହିବ ନାହିଁ ଓ ସ୍ଥାନୀୟ କ୍ରିକେଟରଙ୍କୁ ନିଜର ପରିଚୟ ବନାଇବାକୁ ଅବସର ମିଳିପାରିବ ସେଥିପାଇଁ ଏପରି ନିଷ୍ପତ୍ତି ଦ୍ୱାରା ଘରୋଇ ଟୁର୍ଣ୍ଣାମେଣ୍ଟକୁ ସ୍ୱତନ୍ତ୍ର କରାଯାଇଛି । ଭାରତର ଘରୋଇ କ୍ରିକେଟ ଅତ୍ୟନ୍ତ ପ୍ରତିଦ୍ୱନ୍ଦ୍ୱୀତାପୂର୍ଣ୍ଣ । ସାରା ଦେଶରୁ ୩୮ଟି ଟିମ ଏଥିରେ ସାମିଲ ହୋଇଥାନ୍ତି । ବିସିସିଆଇର ରଣନୀତି ଏହା ସୁନିଶ୍ଚିତ କରିଥାଏ ଯେ, ଭବିଷ୍ୟତର ଅନ୍ତର୍ଜାତୀୟ ତାରକାଙ୍କ ପାଇଁ ଏହି ପ୍ରତିଯୋଗିତା ଏକ କଠୋର ପରୀକ୍ଷଣର ମୈଦାନ ହେବ ।
Also Read
ଅନ୍ୟପଟେ କାଉଣ୍ଟି କ୍ରିକେଟ ଇଂଲଣ୍ଡରେ ଖେଳାଯାଉଥିବା ଅନ୍ତଃରାଜ୍ୟ ଟୁର୍ଣ୍ଣାମେଣ୍ଟ । ଏହାର ସଂଚାଳନ ଇଂଲଣ୍ଡ କ୍ରିକେଟ ବୋର୍ଡ ବା ଇସିବି କରିଥାଏ । ଟୁର୍ଣ୍ଣାମେଣ୍ଟ ଦୁଇ ଡିଭିଜନ ଲିଗ ଫର୍ମାଟରେ ୧୮ଟି ଟିମ ମଧ୍ୟରେ ଖେଳାଯାଇଥାଏ ।
କ୍ରିକେଟ ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ କ୍ରିକେଟ ଯଥାକ୍ରମେ ସେମାନଙ୍କର ଘରୋଇ କ୍ରିକେଟ ଟୁର୍ଣ୍ଣାମେଣ୍ଟ ପ୍ରତ୍ୟେକ ସେଫିଲ୍ଡ ସିଲ୍ଡ ଓ ପ୍ଲଙ୍କେଟ୍ ସିଲ୍ଡ ଟିମରେ ଅତି କମରେ ଜଣେ ଖେଳାଳିଙ୍କୁ ସାମିଲ ପାଇଁ ଅନୁମତି ଦେଇଥାନ୍ତି । ଏପରିକି ଦକ୍ଷିଣ ଆଫ୍ରିକା, ବାଂଲାଦେଶ, ୱେଷ୍ଟଇଣ୍ଡିଜ, ପାକିସ୍ତାନ ଓ ଶ୍ରୀଲଙ୍କା କ୍ରିକେଟ ବୋର୍ଡ ସେମାନଙ୍କର ଘରୋଇ ରେଡ୍-ବଲ୍ ଟୁର୍ଣ୍ଣାମେଣ୍ଟରେ ବିଦେଶୀ ଖେଳାଳିଙ୍କୁ ଅଂଶଗ୍ରହଣ ପାଇଁ ଅନୁମତି ଦେଇଥାନ୍ତି । ଅବଶ୍ୟ, ଏହା ବହୁତ କ୍ୱଚିତ୍ ସମୟରେ ହୋଇଥାଏ ।
ତେବେ ଭାରତରେ ଏହାର ବିପରୀତ ଦେଖାଯାଏ । ବିଦେଶୀ କ୍ରିକେଟରଙ୍କ ପାଇଁ ଭାରତର ଘରୋଇ ସର୍କିଟରେ ଖେଳିବାର ଅବସର ବନ୍ଦ କରିଦେଇଛି ବିସିସିଆଇ । ତେବେ ଅତୀତରେ ବିଦେଶୀ ଖେଳାଳି ଭାରତର ଘରୋଇ କ୍ରିକେଟରେ ଅଂଶଗ୍ରହଣ କରିଛନ୍ତି । ରଣଜୀ ଟ୍ରଫିରେ ଖେଳିଥିବା ବିଦେଶୀ କ୍ରିକେଟରଙ୍କ ମଧ୍ୟରେ ରହିଛନ୍ତି, ତନ୍ମୟ ମିଶ୍ର, ଜର୍ଜ ଆବେଲ, କବିର ଅଲି, ଏନାମୁଲ ହକ୍ ଜୁନିୟର, ରୟ ଗିଲଖ୍ରୀଷ୍ଟ, ଡେନିସ୍ କମ୍ପଟନ୍ ଓ ବିକ୍ରମ ସୋଲାଙ୍କି । ୨୦୦୭ ଦିନିକିଆ ବିଶ୍ୱକପରେ କେନିୟା ପାଇଁ ଖେଳିଥିବା ତନ୍ମୟ ମିଶ୍ର, ରଣଜୀ ଟ୍ରଫିର ୨୦୧୯-୨୦ ସିଜିନରେ ତ୍ରିପୁରା ପକ୍ଷରୁ ଖେଳିଛନ୍ତି ।
ତେବେ ପରବର୍ତ୍ତୀ ସମୟରେ ବିସିସିଆଇକୁ କ୍ରିକେଟ ଜଗତରୁ କଡ଼ା ସମାଲୋଚନାର ସାମ୍ନା କରିବାକୁ ପଡ଼ିଥିଲା । ଏହାପରେ କ୍ରିକେଟର ଲମ୍ବା ଫର୍ମାଟରେ ଘରୋଇ ଖେଳାଳିଙ୍କ ସହ ବିଦେଶୀ କ୍ରିକେଟର ଖେଳିବା ନିୟମ ଉପରେ କଟକଣା ଲଗାଇଥିଲା ବୋର୍ଡ ।