ବିଶ୍ୱକପ୍ କ୍ରିକେଟରେ ଭାରତର କ୍ରମାଗତ ଚତୁର୍ଥ ବିଜୟ, ୭ ୱିକେଟରେ ହାରିଲା ବାଂଲାଦେଶ

ବିଶ୍ୱକପ୍ କ୍ରିକେଟରେ ଭାରତର କ୍ରମାଗତ ଚତୁର୍ଥ ବିଜୟ। ଗତକାଲି ପୁଣେରେ ଖେଳାଯାଇଥିବା ମ୍ୟାଚରେ ବାଂଲାଦେଶକୁ ୭ ୱିକେଟରେ ହରାଇ ବୃହତ ବିଜୟ ହାସଲ କରିଛି ଟିମ୍ ଇଣ୍ଡିଆ। କୋହଲିଙ୍କ ଚମତ୍କାର ଶତକ ବଳରେ ଭାରତ ସହଜ ବିଜୟ ହାସଲ କରିଛି।

ମ୍ୟାଚରେ ପୁଣି କମାଲ କରିଛନ୍ତି ଟପ୍ ଅର୍ଡର ବ୍ୟାଟର । ସୁବମନ ଗିଲ ୫୩ ଓ ରୋହିତ ଶର୍ମା ୪୮ ରନ କରି ଆଉଟ୍ ହୋଇଥିଲେ । ବିରାଟ କୋହଲି ୯୭ ବଲରେ ୧୦୩ ରନ କରିଥିଲେ। ତେବେ ୪୧ ତମ ଓଭରରେ ବିରାଟ ଏକ ବିଶାଳ ଛକା ମାରି ତାଙ୍କ ଶତକ ପୂରଣ କରିବା ସହ ଭାରତକୁ ବିଜୟ ଆଣିଦେଇଥିଲେ।

ପୂର୍ବରୁ ବାଂଲାଦେଶ ପ୍ରଥମେ ବ୍ୟାଟିଂ କରି ୮ ୱିକେଟ୍ ବିନିମୟରେ ୨୫୬ ରନ୍ କରିଥିଲା। ୨୫୭ ରନର ବିଜୟ ଲକ୍ଷ୍ୟ ନେଇ ମଇଦାନକୁ ଓହ୍ଲାଇଥିବା ଭାରତ ମାତ୍ର ୩ ୱିକେଟ୍ ହରାଇ ବିଜୟୀ ହୋଇଥିଲା।...