ପ୍ଲେ ଅଫ୍‌ରେ ସାମିଲ ହେବା ପାଇଁ ଜୋର୍‌ ଲଗାଇବ ଦିଲ୍ଲୀ; ଟସ୍‌ ଜିତି ଋଷଭ୍‌ ପନ୍ତଙ୍କ ବୋଲିଂ ନିଷ୍ପତ୍ତି

ଇଣ୍ଡିଆନ୍ ପ୍ରିମିୟର ଲିଗ୍‌ର ୫୮ତମ ମ୍ୟାଚରେ ଆଜି ମୁହାଁମୁହିଁ ହେବେ ରାଜସ୍ଥାନ ରୟାଲ୍ସ ଏବଂ ଦିଲ୍ଲୀ କ୍ୟାପିଟାଲ୍ସ । ଭାରତୀୟ ସମୟ ସଂଧ୍ୟା ୭ଟା ୩୦ରେ ମୁମ୍ବାଇର ଡି ୱାଇ ପାଟିଲ୍‌ ଷ୍ଟାଡିୟମରେ ଏହି ମ୍ୟାଚ୍‌ ଖେଳାଯିବ । ଦିଲ୍ଲୀ କ୍ୟାପିଟାଲ୍ସ ଜିତି ବୋଲିଂ କରିବାର ନିଷ୍ପତ୍ତି ନେଇଛି ।

ଋଷଭ ପନ୍ତ ଟସ୍ ଜିତି ରାଜସ୍ଥାନ ରୟାଲ୍ସକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ ଦେଇଛନ୍ତି। ଏହି ମ୍ୟାଚ୍‌ରେ ଦିଲ୍ଲୀ ୨ ଟି ପରିବର୍ତ୍ତନ କରିଛି । ରିପଲ ପଟେଲଙ୍କ ସ୍ଥାନରେ ଦଳରେ ଲଲିତ ଯାଦବଙ୍କୁ ଖେଳା ଯାଇଥିବା ବେଳେ ଖଲିଲ ଅହମ୍ମଦଙ୍କ ସ୍ଥାନରେ ଚେତନ ସାକରିଆଙ୍କୁ ସୁଯୋଗ ଦିଆଯାଇଛି।

ରାଜସ୍ଥାନ ବର୍ତ୍ତମାନ ସୁଦ୍ଧା ୧୧ ଟି ମ୍ୟାଚରୁ ୭ ଟି ମ୍ୟାଚ୍‌ ଜିତି ୧୪ ପଏଣ୍ଟ ସହ ଟେବୁଲରେ ତୃତୀୟ ସ୍ଥାନରେ ରହିଛି । ଏଥି ସହିତ ଦିଲ୍ଲୀ ୧୧ ଟି ମ୍ୟାଚରୁ ମାତ୍ର ୫ ଟି ମ୍ୟାଚ୍‌ ଜିତିଥିବାବେଳେ ୬ ଟି ରେ ହାରିଛି । ଦଳ ୧୦ ପଏଣ୍ଟ ସହ ୫ ମ ସ୍ଥାନରେ ରହିଛି ।

ରାଜସ୍ଥାନ ରୟାଲ୍ସ : ଯଶସ୍ୱୀ ଜେସୱାଲ, ଜସ୍ ବଟଲର, ସଞ୍ଜୁ ସାମସନ, ଦେବଦତ୍ତ ପାଡିକଲ, ରସି ଭାନଡେର୍ ଡୁସେନ୍, ରିୟାନ୍ ପରାଗ, ରବିଚନ୍ଦ୍ରନ୍ ଅଶ୍ୱିନ୍, ଟ୍ରେଣ୍ଟ ବୋଲ୍ଟ , ପ୍ରଶାନ୍ତ କୃଷ୍ଣ, ଯୁଜଭେନ୍ଦ୍ର ଚହଲ, କୁଲଦୀପ ସେନ୍

ଦିଲ୍ଲୀ କ୍ୟାପିଟାଲ୍ସ : ଡେଭିଡ୍‌ ୱାର୍ଣ୍ଣର, ଶ୍ରୀକର୍‌ ଭରତ, ମିଚେଲ୍‌ ମାର୍ଶ, ଋଷଭ୍‌ ପନ୍ତ, ଲଲିତ ଯାଦବ, ରୋମେନ୍‌ ପାୱେଲ୍‌, ଅକ୍ଷର ପଟେଲ, ଶାର୍ଦୁଲ ଠାକୁର, ଚେତନ ସାକରିଆ, କୁଲଦିପ୍‌ ଯାଦବ, ଏନ୍‌ରିକ୍‌ ନର୍କିଆ