ଇଂଲଣ୍ତ ବିପକ୍ଷ ସେମିଫାଇନାଲ ମ୍ୟାଚ୍‌ରେ ଗ୍ରାଉଣ୍ତକୁ ଓହ୍ଲାଇବେ ତ ରୋହିତ?

ବିଶ୍ୱକପ ସେମିଫାଇନାଲ ପୂର୍ବରୁ ଭାରତୀୟ ଦଳକୁ ବଡ଼ ଝଟକା । ଆଡିଲେଡରେ ପ୍ରାକ୍ଟିସ ବେଳେ ଭାରତୀୟ ଅଧିନାୟକ ରୋହିତ ଶର୍ମା ଆହତ ହୋଇଛନ୍ତି । ରୋହିତଙ୍କ ହାତରେ ବଲ ବାଜିବାରୁ ସେ ପ୍ରାକ୍ଟିସ ବନ୍ଦ କରିଛନ୍ତି । ହାତରେ ଆଇସ ପେକ୍ ଦେବା ପରେ ଫିଜିଓ ତାଙ୍କର ଚିକିତ୍ସା କରିଥିଲେ ।

କିଛି ସମୟ ପରେ ସେ ପୁଣି ପ୍ରାକ୍ଟିସ ଲାଗି ଫେରିଛନ୍ତି । ଚଳିତ ବିଶ୍ୱକପରେ ଅଧିନାୟକ ରୋହିତ ଶର୍ମା ବେଶ କିଛି ଭଲ ପ୍ରଦର୍ଶନ କରିନାହାନ୍ତି । ଭାରତ ଇଂଲଣ୍ଡ ବିପକ୍ଷରେ ସେମିଫାଇନାଲ ଖେଳିବାକୁ ଥିବା ବେଳେ ରୋହିତ ପ୍ରାକ୍ଟିସ ସେସନରେ ଝାଳ ବୁହାଉଛନ୍ତି ।

ସେପଟେ ପୁରା ଭାରତୀୟ ଦଳକୁ କୋଚ ରାହୁଲ ଦ୍ରାଭିଡ୍ ଟିପ୍ସ ଦେଉଥିବା ଦେଖିବାକୁ ମିଳିଥିଲା । ଗତକାଲି ସିଡନୀରେ ଖେଳାଯିବାକୁ ଥିବା ପ୍ରଥମ ସେମିଫାଇନାଲରେ ନ୍ୟୁଜିଲାଣ୍ଡକୁ ଭେଟିବ ପାକିସ୍ତାନ । ସେହପରି ଆସନ୍ତା ୧୦ ତାରିଖରେ ଆଡିଲେଡରେ ଇଂଲଣ୍ଡ ସହ ଭାରତର ମୁକାବିଲା ହେବ ।