ଆସନ୍ତା ଫେବ୍ରୁୟାରୀ ୯ ତାରିଖରେ ବାରବାଟୀରେ ହେବ ଭାରତ-ଇଂଲଣ୍ଡ ଦିନିକିଆ ମ୍ୟାଚ୍ । ଏଥିପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ତେବେ ଚଳିତବର୍ଷ ବାରବାଟୀରେ ଉପସ୍ଥିତ ଦର୍ଶକଙ୍କ ରୋମାଞ୍ଚ ବଢାଇବା ପାଇଁ ପ୍ରସ୍ତୁତ ହୋଇଛି ଏକ ସୁନ୍ଦର ଓଡ଼ିଆ ଥିମ୍ସଙ୍ଗ୍। ଯାହାକୁ ଆଜି ଷ୍ଟାଡିୟମରେ ସ୍ଥିତି ସମୀକ୍ଷା ବେଳେ ଉନ୍ମୋଚିତ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଦୀର୍ଘ ୬ ବର୍ଷ ବ୍ୟବଧାନରେ ସାଂସ୍କୃତିକ ସହର କଟକ ବାରବାଟୀ ଷ୍ଟାଡିୟମରେ ଖେଳାଯିବ ଦିନିକିଆ ମ୍ୟାଚ୍ ।
Also Read
ଏଥିପାଇଁ ଦିନ ପାଖେଇବା ସହ କ୍ରିକେଟ ପ୍ରେମୀଙ୍କ ଉତ୍କଣ୍ଠା ବଢିବାରେ ଲାଗିଛି । ଉଭୟ ଦଳକୁ ସ୍ବାଗତ କରିବା ପାଇଁ ଉନ୍ମୋଚିତ ହୋଇଛି ଏକ ସୁନ୍ଦର ଥିମ୍ ସଙ୍ଗ୍ । ଯାହା ମ୍ୟାଚ୍ ସମୟରେ ଦର୍ଶକଙ୍କ ଯୋଶ୍ ବଢ଼ାଇବ । ସୁନ୍ଦର ଥିମ୍ ସଙ୍ଗ୍ରେ କମ୍ପିବ ବାରବାଟୀ ଷ୍ଟାଡିୟମ । ଉପସ୍ଥିତ ଦର୍ଶକ ଉଠାଇବେ ଭରପୁର ମଜା । ତେବେ ଆସନ୍ତା ଫ୍ରେବୁଆରୀ ୯ ତାରିଖ ରେ ହେବାକୁ ଥିବା ଭାରତ ଇଂଲଣ୍ଡ ଏକଦିବସିୟ ମ୍ୟାଚ ପାଇଁ ଷ୍ଟାଡିଅମରେ ସ୍ଥିତି ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ।
ଏହାସହିତ ମ୍ୟାଚ୍ ପାଇଁ ପ୍ରେମାନନ୍ଦଙ୍କ ସଙ୍ଗୀତ ନିର୍ଦେଶନା ଓ ଋତୁରାଜ ଓ ରାପର ବିଗ ଡିଲଙ୍କ କଣ୍ଠଦାନ ରେ ପ୍ରସ୍ତୁତ ହୋଇଥିବା ଥିମ୍ସଙ୍ଗ୍କୁ ଉନ୍ମୋଚିତ କରିଛନ୍ତି ମୁଖ୍ୟମନ୍ତ୍ରୀ । ଆଜି ମୁଖ୍ୟମନ୍ତ୍ରୀ ଓ କ୍ରୀଡାମନ୍ତ୍ରୀ ବାରବାଟୀ ଆସି ପ୍ରସ୍ତୁତି ଦେଖିବା ପରେ ଓସିଏ କର୍ମକର୍ତ୍ତାଙ୍କ ସହ ଆଲୋଚନା କରିଥିଲେ ।
ଏହି ଅବସରେ ମୁଖ୍ୟମନ୍ତ୍ରୀ କହିଥିଲେ 'ବାରବାଟୀରେ ମ୍ୟାଚ୍ ଆମ ଓଡ଼ିଶା ପାଇଁ ସୌଭାଗ୍ୟର କଥା । ନୂଆ ସରକାର ଆସିବା ପରେ ଏହା ଆମ ପାଇଁ ପ୍ରଥମ ମ୍ୟାଚ୍ । କଟକ ବାରବାଟୀ ଏକଦିବସୀୟ ପାଇଁ ଆୟୋଜନ ସନ୍ତୋଷ ଜନକ ।' ଅପରପକ୍ଷରେ ବାରବାଟୀ ଦିନିକିଆକୁ ଆଉ ମାତ୍ର ଦିନ କେଇଟା ବାକି ଅଛି । ମ୍ୟାଚର ସଫଳ ପରିଚାଳନା ପାଇଁ ଜୋରଦାର ପ୍ରସ୍ତୁତି ଚଳାଇଛି ଓସିଏ । ଗ୍ୟାଲେରୀରେ ନମ୍ବର ଷ୍ଟିକରିଂ, ପ୍ରେସ ବକ୍ସ , ପାଭିଲିୟନ ଓ ଅନ୍ୟାନ୍ୟ କାମ ଆଗେଇ ଚାଲିଛି । ତେବେ ପୂର୍ବରୁ ଗ୍ୟାଲେରୀ ରେ ବାଉଁଶରେ ନେଟ୍ ବନ୍ଧା ଯାଉଥିବା ବେଳେ ଚଳିତବର୍ଷ ଆଉ ଗ୍ୟାଲେରୀରେ ନେଟ୍ ବନ୍ଧାହେବ ନାହିଁ ଯାହାଦ୍ୱାରା ଦର୍ଶକ ଭଲ ଭାବରେ ମ୍ୟାଚ୍ ଦେଖିପାରିବେ ।
ଅଧିକ ପଢ଼ନ୍ତୁ: ଦିନିକିଆ ପାଇଁ ସଜେଇ ହେଲାଣି ବାରବାଟୀ, କଳାହାଣ୍ଡିର କଳାମାଟିରେ ତିଆରି ହୋଇଛି ପିଚ୍
ଅନ୍ୟପଟେ ପ୍ରଥମଥର ପାଇଁ କୌଣସି ମୁଖ୍ୟମନ୍ତ୍ରୀ ଓସିଏ ମ୍ୟାଚ୍ ପାଇଁ ସମୀକ୍ଷା କରିଥିବାରୁ ବେଶ୍ ଖୁସି ପ୍ରକଟ କରିଛନ୍ତି ଓସିଏ ସମ୍ପାଦକ । ବାରବାଟୀର ସମ୍ପ୍ରସାରଣ ଓ ପୁନର୍ବିନାସ ଆଗାମୀ ଦିନରେ ପର୍ଯ୍ୟାୟକ୍ରମେ କରାଯିବା ପାଇଁ ସରକାର ସମସ୍ତ ସହଯୋଗ ଯୋଗାଇଦେବେ ବୋଲି ମୁଖ୍ୟମନ୍ତ୍ରୀ ପ୍ରତିଶ୍ରୁତି ଦେଇଥିବା ଓସିଏ ସମ୍ପାଦକ ସଞ୍ଜୟ ବେହେରା କହିଛନ୍ତି ।
ଆଜି ପଡିଆରେ ସ୍ଥିତି ସମୀକ୍ଷା କରିବା ଅବସରରେ ନିଜେ ବ୍ୟାଟ୍ ଧରି ମୈଦାନକୁ ଓହ୍ଲାଇଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଯାହାକୁ ଖୁବ୍ ଉପଭୋଗ କରିଥିଲେ ଉପସ୍ଥିତ ଅଧିକାରୀ ଓ କର୍ମକର୍ତ୍ତା ।
ଅଧିକ ପଢ଼ନ୍ତୁ: ଅରୁଣ ଜେଟଲୀ ଷ୍ଟାଡିୟମରେ ଫ୍ୟାନ୍ସଙ୍କ ଡିମାଣ୍ଡ; ନାରା ଲଗାଇ କହିଲେ, ବିରାଟ କୋହଲିଙ୍କୁ ଦିଅ ବୋଲିଂ