Viral: ଛାତ୍ରଙ୍କୁ ନେଇ ଯାଇଥିଲେ ଷ୍ଟଡି ଟୁର୍; ଜଙ୍ଗଲ ମଝିରେ ଚାଲିଲା ରୋମାଣ୍ଟିକ୍ ଫଟୋସୁଟ୍ !

ଜଣେ ଶିକ୍ଷୟିତ୍ରୀ ଏବଂ ତାଙ୍କର ଜଣେ ଛାତ୍ରଙ୍କ ମଧ୍ୟରେ ଫଟୋସୁଟ୍‌ର କିଛି ଫଟୋ ଏବେ ସୋସିଆଲ ମିଡିଆରେ ଭାଇରାଲ୍‌ ହେବାରେ ଲାଗିଛି। ଏହା ଏବେ ସୋସିଆଲ୍ ମିଡିଆରେ ଆଲୋଡ଼ନ ସୃଷ୍ଟି କରୁଛି। ଶିକ୍ଷୟିତ୍ରୀ ଏବଂ ଛାତ୍ରଙ୍କ ଏହି ଫଟୋସୁଟକୁ ନେଇ ଲୋକେ ଅସନ୍ତୋଷ ବ୍ୟକ୍ତ କରୁଛନ୍ତି।

ସୂଚନା ଅନୁଯାୟୀ, ଏହି ଫଟୋସୁଟ୍‌ ଏକ ଷ୍ଟଡି ଟୁର୍ ସମୟର ହୋଇଥିବା ବେଳେ ଶିକ୍ଷୟିତ୍ରୀ ଜଣକ ମୁରୁଗାମଲ୍ଲା ସରକାରୀ ହାଇସ୍କୁଲର ଏବଂ ଛାତ୍ର ଜଣକ ଦଶମ ଶ୍ରେଣୀର। ଭାଇରାଲ୍ ହେଉଥିବା ଫଟୋରେ ଉଭୟ ଉଭୟଙ୍କୁ ଆଲିଙ୍ଗନ କରି ଚୁମ୍ବନ ଦେଉଥିବାର ନଜର ଆସିଛନ୍ତି ଏବଂ ଗୋଟିଏ ଫଟୋରେ ଛାତ୍ର ଜଣଙ୍କ ଶିକ୍ଷୟିତ୍ରୀଙ୍କୁ ନିଜ ବାହୁରେ ଟେକୁ ଧରିଥିବା ମଧ୍ୟ ଦେଖାଯାଏ। ଏହି ଫଟୋ କୋଲାଜ୍‌କୁ ଅମିତ ସିଂହ ରାଜୱାରତ X ରେ ପୋଷ୍ଟ କରିଛନ୍ତି।

ଅମିତ ସିଂହ ତାଙ୍କ ପୋଷ୍ଟରେ କହିଛନ୍ତି, "ଏକ ଆମେ ସମାଜ ଭାବରେ ଆମେ କୁଆଡେ ଯାଉଛୁ? କର୍ଣ୍ଣାଟକର ମୁରୁଗମଲ୍ଲା ଚିକ୍କାବାଲ୍ଲାପୁର ଜିଲ୍ଲାର ଜଣେ ଦଶମ ଶ୍ରେଣୀ ଛାତ୍ରଙ୍କ ସହ ସରକାରୀ ସ୍କୁଲର ଜଣେ ଶିକ୍ଷୟିତ୍ରୀଙ୍କ ରୋମାଣ୍ଟିକ ଫଟୋସୁଟର ଫଟୋ ଏବଂ ଭିଡିଓ ଭାଇରାଲ ହେଉଛି।"

ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ଛାତ୍ରଙ୍କ ପିତାମାତା ବ୍ଲକ ଶିକ୍ଷା ଅଧିକାରୀ (ବିଏଓ) ନିକଟରେ ଅଭିଯୋଗ କରି କହିଛନ୍ତି ଯେ ଶିକ୍ଷୟିତ୍ରୀଙ୍କ ଆଚରଣକୁ ପୁଙ୍ଖାନୁପୁଙ୍ଖ ତଦନ୍ତ ଦାବି କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ।

ଭାଇରାଲ୍‌ ହୋଇଥିବା ଏହି ଫଟୋଗୁଡ଼ିକରେ ଥିବା ଶିକ୍ଷୟିତ୍ରୀ ଏବଂ ଛାତ୍ରଙ୍କ ପରିଚୟ ପ୍ରକାଶ ପାଇ ନାହିଁ। ଏହି ପୋଷ୍ଟ୍‌ ସୋସିଆଲ ମିଡିଆ ବ୍ୟବହାରକାରୀଙ୍କ ଠାରୁ ଅନେକ ପ୍ରତିକ୍ରିୟା ମଧ୍ୟ ପାଉଛି। ଜଣେ ବ୍ୟକ୍ତି ମନ୍ତବ୍ୟ ଦେଇ କହିଛନ୍ତି ଯେ "ଛାତ୍ରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ। ସେ ନିର୍ଦ୍ଦୋଷ ନୁହଁନ୍ତି।" ଅନ୍ୟ ଜଣେ ହାସ୍ୟତ୍ମକ ଢଙ୍ଗରେ କହିଛନ୍ତି୍ ଯେ ଶିକ୍ଷୟିତ୍ରୀ ଜଣକ ପ୍ରକୃତରେ ନିଜ ଛାତ୍ରଙ୍କୁ ପ୍ରେମ କରିବାର ମୁଦ୍ରା ବିଷୟରେ ପ୍ରଶିକ୍ଷଣ ଦେଉଛନ୍ତି।

ଏହାକୁ ନେଇ ଆଉ ଜଣେ ସୋସିଆଲ୍ ମିଡିଆ ବ୍ୟବହାରକାରୀ ପ୍ରଶ୍ନ କରିଛନ୍ତି ଯେ, ଫଟୋସୁଟ୍‌କୁ ନେଇ କାହିଁକି ଏତେ ଉତ୍ତେଜନା ଦେଖାଦେଇଛି, ଏଥିରେ କିଛି ଭୁଲ ନାହିଁ ଏବଂ ଯଦି କାର୍ଯ୍ୟାନୁଷ୍ଠାନ ଗ୍ରହଣ କରାଯାଏ, ତେବେ ଉଭୟଙ୍କୁ ଦଣ୍ଡ ଦିଆଯିବା ଉଚିତ।”

ରିପୋର୍ଟ ଅନୁଯାୟୀ, ଅଭିଯୋଗ ପାଇବା ପରେ BEO ଭି ଉମାଦେବୀ ବିଦ୍ୟାଳୟ ପରିଦର୍ଶନ କରି ପଚରାଉଚରା କରିଛନ୍ତି। ଅଧିକାରୀ ଜଣକ କହିଛନ୍ତି ଯେ ସେ ସଠିକ୍ ଅନୁସନ୍ଧାନ ନ କରି କିଛି କହିବାକୁ ଚାହୁଁନାହାଁନ୍ତି।