Viral Video: ୟୁଟ୍ୟୁବର୍ସଙ୍କ ପ୍ରଶ୍ନରେ ରାଗିଗଲେ ସାଧୁ; ଚୁମୁଟାରେ ପିଟି ପକେଇଲେ

ବିଶ୍ୱର ସବୁଠୁ ବଡ ଧାର୍ମିକ ଘଟଣା ଆୟୋଜନ ଭିତରେ ଗୋଟିଏ ହେଉଛି ମହାକୁମ୍ଭ ମେଳା। ଏହି ପବିତ୍ର ଦିନ ସୋମବାର ଠାରୁ ଉତ୍ତରପ୍ରଦେଶର ଗଙ୍ଗା, ଯମୁନା ଏବଂ ସରସ୍ୱତୀ ନଦୀର ପବିତ୍ର ମିଳନ ସ୍ଥଳରେ ଆନୁଷ୍ଠାନିକ ଭାବେ ଆରମ୍ଭ ହୋଇଛି। ପ୍ରବଳ ଶୀତ ସତ୍ତ୍ୱେ କୋଟି କୋଟି ଭକ୍ତ ପ୍ରଥମ ପବିତ୍ର ସ୍ନାନରେ ଭାଗ ନେଇଛନ୍ତି।

ପିଟିଆଇ ରିପୋର୍ଟରେ ଦର୍ଶାଯାଇଛି ଯେ ଏହି କାର୍ଯ୍ୟକ୍ରମ ୪୫ କୋଟିରୁ ଅଧିକ ଲୋକଙ୍କୁ ଆକର୍ଷିତ କରିବ ଏବଂ ଏହା ଧାର୍ମିକ ଇତିହାସରେ ଏକ ସ୍ମରଣୀୟ ଧାର୍ମିକ ସମାବେଶ ହେବ।

ଆଧ୍ୟାତ୍ମିକ ଉତ୍ସାହ ମଧ୍ୟରେ ମେଳାର ଏକ ଭିଡିଓ ଏବେ ଭାଇରାଲ୍‌ ହେବାରେ ଲାଗିଛି, ଯାହା ସୋସିଆଲ ମିଡିଆରେ ଉତ୍ତେଜନା ସୃଷ୍ଟି କରିଛି। ଏହି କ୍ଲିପ୍‌ରେ ଜଣେ ସାଧୁ ତାଙ୍କ ତମ୍ବୁ ତଳେ ଜଣେ ୟୁଟ୍ୟୁବର୍ ଦ୍ୱାରା ସାକ୍ଷାତକାର ଦେଉଥିବା ନଜର ଆସନ୍ତି।

କଥାବାର୍ତ୍ତା ସମୟରେ ସେତେବେଳେ ଟ୍ୱିଷ୍ଟ୍ ଆସିଲା ଯେତେବେଳେ ସାଧୁ ଜଣଙ୍କ ତାଙ୍କ ପ୍ରଶ୍ନରେ ବିରକ୍ତ ହୋଇ ୟୁଟ୍ୟୁବରଙ୍କ ଉପରେ ଆକ୍ରମଣ କଲେ। ତାଙ୍କୁ ଚୁମୁଟାରେ ପିଟି ପିଟି ତମ୍ବୁ ତଳୁ ବାହାର କରିଦେଲେ। ଏହି ସମୟରେ ସାଧୁ ଜଣଙ୍କ ଦର୍ଶକଙ୍କୁ କୁହନ୍ତି ଯେ, “ଆପଣମାନେ ଦେଖୁଛନ୍ତି, ସେ କ’ଣ ଭୁଲ୍ କହୁଛି?”

ଇନ୍‌ଷ୍ଟାଗ୍ରାମ୍‌ ଆକାଉଣ୍ଟ @ janta_darbaar123 ଦ୍ୱାରା ଶେୟାର ହୋଇଥିବା ଏହି ଭିଡିଓକୁ ହଜାର ହଜାର ମତ ଆସିଛି। ଖବର ଲେଖାହେବା ବେଳକୁ ଏହାକୁ ପ୍ରାୟ ୧୯ ମିଲିୟନ୍ ଭିୟ୍ୟୁ ମିଳିସାରିଥିଲା। ଭିଡିଓ ଉପରେ ଲୋକଙ୍କ ଠାରୁ ବିଭିନ୍ନ ପ୍ରତିକ୍ରିୟା ମଧ୍ୟ ଆସିଛି। ଅନେକ ଏହି ଭିଡିଓକୁ ମଜାଳିଆ ମନେ କରୁଥିବାବେଳେ ଅନ୍ୟମାନେ ଘଟଣାର ନୈତିକତା ଉପରେ ତର୍କ କରିଛନ୍ତି।

ଜଣେ ପ୍ରଶ୍ନ କରିଛନ୍ତି, "ଯେତେବେଳେ ଆପଣ ଜଣେ ସାଧୁଙ୍କୁ ଏଭଳି ମୂର୍ଖତାପୂର୍ଣ୍ଣ ପ୍ରଶ୍ନ ପଚାରିବେ, ଏମିତି ହିଁ ହେବ!" ଅନ୍ୟ ଜଣେ କହିଛନ୍ତି, “ସେମାନଙ୍କ ସ୍ଥାନକୁ ସମ୍ମାନ ଦିଅ।” ଅନ୍ୟ ଜଣେ ଲେଖିଛନ୍ତି, “ୟୁଟ୍ୟୁବର୍ ନିଶ୍ଚିତ ଭାବରେ ତାଙ୍କ ସୀମା ଅତିକ୍ରମ କରିଛନ୍ତି।”

ଅନ୍ୟ ଜଣେ ଯୁକ୍ତି କରିଛନ୍ତି, “ହିଂସା ଏହାର ଉତ୍ତର ନୁହେଁ। ସାଧୁଙ୍କୁ ମଧ୍ୟ ଏହାକୁ ଭଲ ଭାବରେ ପରିଚାଳନା କରିବା ଉଚିତ।

ଆଉ ଜଣେ ହାସ୍ୟାସ୍ପଦ ଭାବରେ ମନ୍ତବ୍ୟ ଦେଇଛନ୍ତି, “ଲାଗୁଛି ଯେ ୟୁଟ୍ୟୁବର୍‌ ଯେତିକି ପଚରାଉଚରା କରିଛନ୍ତି ତା’ଠାରୁ ଅଧିକ ବିଷୟବସ୍ତୁ ପାଇଯାଇଛନ୍ତି!” ଅନ୍ୟ ଜଣେ ଲେଖିଛନ୍ତି, “ଏହି କ୍ରିଏଟର୍ସମାନେ ନିଜର ସୀମା ଶିଖିବା ଆବଶ୍ୟକ। ସବୁକିଛି କ୍ଲିକ୍ ଏବଂ ଭିୟୁ ପାଇଁ ନୁହେଁ।”