Viral Video: ବାପା ହେବା ସହଜ ନୁହେଁ; ଏହି ଭିଡିଓ ଆପଣଙ୍କ ଆଖିକୁ କରିଦେବ ଛଳଛଳ

ପ୍ରତି ମଣିଷର ଜୀବନରେ ଏମିତି ଦୁଇଟି ସମ୍ପର୍କ ଥାଏ ଯାହାର ସ୍ଥାନ କେହି ବି କେବେ ନେଇ ପାରିବେ ନାହିଁ କି ପିଲାମାନଙ୍କୁ ସେମାନଙ୍କ ଅପେକ୍ଷା ଅଧିକ କେହି ଭଲପାଇବା ଦେଇ ପାରିବେ ନାହିଁ। ଏତିକିରି ଆପଣ ନିଶ୍ଚିତ ବୁଝିସାରିବେଣି ଯେ ଆମେ ମା’ ଏବଂ ବାପାଙ୍କ ବିଷୟରେ କହୁଛୁ।

ଜଣେ ମା’ ନିଜ ପିଲାମାନଙ୍କୁ ନିଜ ମାତୃତ୍ୱ ପ୍ରେମର ଛାଇରେ ପାଳୁଥିବାବେଳେ ବାପା ଆଙ୍ଗୁଠି ଧରି ଜୀବନରେ ଆଗକୁ ଯିବାର ଶିଖାନ୍ତି। ବାପାମାନେ ନିଜ ପିଲାମାନଙ୍କ ପାଇଁ ଯାହା ବି କରିବାକୁ ପଡେ ତାହା ପ୍ରସ୍ତୁତ ଥାଆନ୍ତି। ଏହାର ପ୍ରମାଣ ହେଉଛି ଆଜିକାଲି ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯାହା ଆପଣଙ୍କ ଆଖିରୁ ଲୁହ ଆଣିଦେବ।

Zindagi.gulzar.h ଆକାଉଣ୍ଟରୁ ଇନଷ୍ଟାଗ୍ରାମରେ ଶେୟାର ହୋଇଥିବା ଏହି ଭିଡିଓରେ ଆପଣ ଦେଖିବାକୁ ପାଇବେ ଯେ ଜଣେ ବ୍ୟକ୍ତିଙ୍କର ଦୁଇଟି ହାତ ନାହିଁ। ସେ ତାଙ୍କର କୃତ୍ରିମ ହାତ ସାହାଯ୍ୟରେ ଏକ ଡ଼୍ରମ୍ ବଜାଉଥିବା ଦେଖିବାକୁ ମିଳେ। ଏମିତି କରି ସେ ପରିବାର ପାଇଁ କିଛି ରୋଜଗାର କରନ୍ତି। ଏହି ଭାଇରାଲ୍ ଭିଡିଓର କ୍ୟାପ୍‌ସନ୍‌ରେ ଲେଖା ଅଛି, “ଜଣେ ବାପା ନିଜ ପରିବାର ଚଳାଇବା ପାଇଁ ବହୁତ କିଛି କରନ୍ତି।” ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓ ଦେଖିବା ପରେ ଲୋକମାନେ ଭାବପ୍ରବଣ ହେଉଥିବା ଦେଖାଯାଏ।

ଏହି ଭିଡିଓ ହେଉଛି ଏକ ପ୍ରମାଣ ଯେ ଯେତେ ଅସୁବିଧା କିମ୍ବା ସମସ୍ୟା ଆସୁ ନା କାହିଁକି, ବାପାମାନେ ନିଜ ପିଲାମାନଙ୍କ ପାଇଁ ସାହସର ସହିତ ପ୍ରତ୍ୟେକ ଅସୁବିଧାର ସମ୍ମୁଖୀନ ହୁଅନ୍ତି। ଏହି ଭିଡିଓରେ ଜଣେ ବାପାର ପିଲାମାନଙ୍କ ପ୍ରତି ଥିବା ଭଲପାଇବା ଏବଂ ସମର୍ପଣ ଭାବକୁ ଜାଣିହେବ ଯେ ଦୁଇ ହାତ ନଥିଲେ ମଧ୍ୟ ସେ ନିଜ ପରିବାର ପ୍ରତିପୋଷଣ ପାଇଁ କିପରି ଏକ ଉପାୟ ବାଛି ନେଇଛନ୍ତି।

ଖବର ଲେଖାହେବା ବେଳକୁ ଏହି ଭିଡିଓକୁ ୧୩୦ ହଜାରରୁ ଅଧିକ ଲୋକ ପସନ୍ଦ କରିଛନ୍ତି। ପାଖାଆଖି ହଜାରେ ଲୋକ ଏହା ଉପରେ ମତ ଦେଇଛନ୍ତି ଏବଂ ଏହି ଭିଡିଓକୁ ପାଖାପାଖି ୪୦୦ ଜଣ ଶେୟାର କରିଛନ୍ତି। ଏହି ଭିଡିଓ ଦେଖିବା ପରେ ଅନେକ ଲୋକ ନିଜ ବାପାଙ୍କୁ ସ୍ମରଣ କରି ଭାବପ୍ରବଣ ମନ୍ତବ୍ୟ ଦେଇଛନ୍ତି।

ଜଣେ କହିଛନ୍ତି, “ବାପାଙ୍କ ଦାୟିତ୍ୱ ଯନ୍ତ୍ରଣାଠାରୁ ବଡ ହୋଇଥାଏ।” ଅନ୍ୟ ଜଣେ କହିଛନ୍ତି, “ମୋ ବାପା ଏହି ସମୟରେ ମୋ ସହିତ ଥାଆନ୍ତେ କି। ଆମେ ତୁମକୁ ମନେ ପକାଉଛୁ ବାପା।” ଅନ୍ୟ ଜଣେ ଲେଖିଛନ୍ତି, “ସେଥିପାଇଁ ବାପାଙ୍କୁ ଆକାଶଠାରୁ ବଡ ବୋଲି କୁହାଯାଏ।”