Viral Video: କୋଟିଏ ଲୋକ ଦେଖିସାରିଲେଣି ଭିଡିଓ, ଛୋଟ ଛୁଆ ନୁହେଁ ସୋସିଆଲ ମିଡିଆ ଷ୍ଟାର....ଆପଣ ବି ହସିବେ

କିଛି ଭାଇରାଲ ଭିଡିଓ ଏପରି ହୋଇଥାଏ ଯାହା ସିଧାସଳଖ ହୃଦୟକୁ ଛୁଇଁଯାଏ । ଆଉ ମୁହଁରେ ହସ ଆସିଯାଏ । ଏପରି ଭିଡିଓ ଅଧିକାଂଶ ସମୟରେ ଛୋଟ ପିଲାମାନଙ୍କର ହୋଇଥାଏ । ଛୋଟ ପିଲାଙ୍କ ହସ ପ୍ରାୟ ସମସ୍ତଙ୍କ ମୁହଁରେ ହସ ଭରିଦିଏ  । ଏପରି ଏକ ଭିଡିଓ ଖୁବ୍ ଭାଇରାଲ ହେଉଛି, ଯେଉଁଥିରେ ଏକ ବର୍ଷରୁ କମ୍ ବୟସର ଗୋଟିଏ ପିଲାର ହସ ପୁରା ଇଣ୍ଟରନେଟକୁ ନିଜ ନାଁରେ କରିଦେଇଛି । ଦେଖୁ ଦେଖୁ ଏହି ଭିଡିଓ ଉପରେ ଦର୍ଶକ ସଂଖ୍ୟା ଏକ କୋଟି ଅତିକ୍ରମ କରିଯାଇଛି।

ଏହି ଭିଡିଓ ଟ୍ରେନର ଏସି କୋଚରୁ ଭାଇରାଲ ହୋଇଛି ଯାହା ଏବେ ଦେଖୁଥିବା ପ୍ରତ୍ୟେକ ବ୍ୟକ୍ତିଙ୍କ ହୃଦୟରେ ସ୍ଥାନ ପାଇଛି।ଏହି ଭିଡିଓରେ ଆପଣ ଦେଖିବେ କିପରି ଜଣେ ପିଲା ଟ୍ରେନର ସିଟ୍ ଉପରେ ଶୋଇ ହସୁଛି । ପିଲାଟି କଳା ରଙ୍ଗର ପ୍ୟାଣ୍ଟ ଓ ଧଳା ରଙ୍ଗର ଟିସର୍ଟ ପିନ୍ଧିଛି ।

ଭିଡିଓରେ ପିଲାର ମା’ ପୁଅକୁ କହୁଛନ୍ତି "ଉଠ ବାପା, ପାପା ଓ ମମ୍ମି କେଉଁଠି ବସିବେ?" ପିଲାଟି ବିଚାରା ତା’ର ମା’ଙ୍କୁ ଦେଖି ହସୁଛି । ପିଲାଟିର ମା ମଜାରେ ଛୁଆଟିକୁ ଉଠିବାକୁ କହୁଛନ୍ତି । ପିତା ମଧ୍ୟ ତାଙ୍କ ପିଲାର ଏହି ମୁହୂର୍ତ୍ତକୁ ନିଜ ଫୋନ୍ କ୍ୟାମେରାରେ କଏଦ କରି ସୋସିଆଲ ମିଡିଆରେ ଅପଲୋଡ୍ କରିଦେଇଛନ୍ତି।

ଏହାପରେ ଲୋକମାନେ ଏହି ଭିଡିଓକୁ ଏତେ ପସନ୍ଦ କରିଛନ୍ତି ଯେ ଦେଖୁ ଦେଖୁ ଏହି ଛୋଟ ପିଲାଟି ସୋସିଆଲ ମିଡିଆର ଷ୍ଟାର ହୋଇଗଲା। ଏହି ଭିଡିଓ ୨୮ ସେକେଣ୍ଡର ଏବଂ ଏହାକୁ ଏପର୍ଯ୍ୟନ୍ତ ୧ କୋଟିରୁ ଅଧିକ ଲୋକ ଦେଖିସାରିଲେଣି । ୧ ମିଲିୟନରୁ ଅଧିକ ଲୋକେ ଏହାକୁ ଲାଇକ୍ କରିଛନ୍ତି।

ଏହି ଭିଡିଓ ଉପରେ ଜଣେ ୟୁଜର୍ସଆ ଲେଖିଛନ୍ତି, "ବିନା ଟିକେଟର କ୍ୟୁଟ ଯାତ୍ରୀ"। ଦ୍ୱିତୀୟ ଜଣେ ୟୁଜର୍ସ ଲେଖିଛନ୍ତି, "ଭଗବାନ ମୋତେ ମଧ୍ୟ ଏତେ ପ୍ରେମ ଦିଅ ବାବୁ"। ତୃତୀୟ ଜଣେ ଲେଖିଛନ୍ତି, "ବହୁତ ସୁନ୍ଦର ପିଲା"। ଚତୁର୍ଥ ଜଣେ ଲେଖିଛନ୍ତି, "ଲାଗୁଛି ସମଗ୍ର ଟ୍ରେନ ଭାଇର"। ଆଉ ଜଣେ ଲେଖିଛନ୍ତି, "ଟ୍ରେନର ସବୁଠାରୁ ଭିଆଇପି ଯାତ୍ରୀ"। ଏବେ ଲୋକମାନେ ଏହି ଭିଡିଓ ଉପରେ ଏଭଳି ପ୍ରେମ ବର୍ଷା କରୁଛନ୍ତି। ଏହାସହ, ଭିଡିଓର କମେଣ୍ଟ ବକ୍ସ ଲାଲ୍ ହୃଦୟ ଇମୋଜିରେ ଭରି ଯାଇଛି।