ଜନତା ମଇଦାନରୁ କଂଗ୍ରେସକୁ ନଡ୍ଡାଙ୍କ ଟାର୍ଗେଟ : ପରିବାର ରାଜନୀତିକୁ କଡ଼ା ସମାଲୋଚନା

ଜନତା ମଇଦାନ ଶକ୍ତିକେନ୍ଦ୍ର ସମାବେଶରେ ନଡ୍ଡା ଉଦବୋଧନ ଦେଇ କଂଗ୍ରେସର କଡ଼ା ସମାଲୋଚନା କରିବା ସହ ବିଜେପିର ଆଗାମୀ କାର୍ଯ୍ୟପନ୍ଥା ଉପରେ ସୂଚନା ଦେଇଛନ୍ତି । ନଡ୍ଡା କହିଛନ୍ତି, ପ୍ରଭୁ ଜଗନ୍ନାଥଙ୍କ ପ୍ରଦେଶକୁ ଆସିବା ମୋ ପାଇଁ ସୌଭାଗ୍ୟର ବିଷୟ । ତେବେ ନିମ୍ନୋକ୍ତ ବିଷୟ ଗୁଡ଼ିକ ବିଜେପିର ରାଷ୍ଟ୍ରିୟ ଅଧ୍ୟକ୍ଷ ଜେପି ନଡ୍ଡା ଙ୍କ ଉଦବୋଧନର ପ୍ରମୁଖ ପ୍ରସଙ୍ଗ ରହିଛି । 

• ଆଜି ସାରା ଓଡ଼ିଶା ଶକ୍ତିକେନ୍ଦ୍ରର ପ୍ରଭାରୀ ଏକାଠି ହୋଇଛନ୍ତି
• ପ୍ରଭୁ ଜଗନ୍ନାଥଙ୍କ ପ୍ରଦେଶକୁ ଆସିବାକୁ ମୋତେ ସୌଭାଗ୍ୟ ମିଳିଲା
• ଉତ୍କଳ ଗୌରବ, ଉତ୍କଳମଣି ଏବଂ ବକ୍ସି ଜଗବନ୍ଧୁଙ୍କୁ ସ୍ମରଣ କଲେ 
• ଆମେ ବିଶ୍ୱର ସବୁଠୁ ବଡ଼ ପାର୍ଟି, ଏତେ ବଡ଼ ପାର୍ଟି ଦୁନିଆରେ ନାହିଁ
• ଭାରତୀୟ ଜନତା ପାର୍ଟି ବିଚାରକୁ ନେଇ ଚାଲିଛି, ବିଚାର ଛାଡ଼ିନି
• ଭାରତୀୟ ଜାତୀୟ କଂଗ୍ରେସ ନା ଜାତୀୟ ଅଛି ନା ଭାରତୀୟ ଅଛି
• କଂଗ୍ରେସ ଏବେ ଭାଇଭଉଣୀଙ୍କ ପାର୍ଟି ହୋଇଯାଇଛି
• ଭାଇଭଉଣୀଙ୍କ ମର୍ଜିରେ ପାର୍ଟି ଚାଲିବ, କର୍ମୀ କେବଳ ଥାଳି ପିଟିବେ
• ପରିବାର ରାଜନୀତିକୁ କଡ଼ା ସମାଲୋଚନା କଲେ ନଡ୍ଡା
• ଫାରୁକ ଅବଦୁଲା, ଲାଲୁ ଯାଦବ, ଅଖିଳେଶ ଯାଦବ; ସବୁଠି ପରିବାର
• ଏଠି ଓଡ଼ିଶାରେ ବି ପରିବାର ପାର୍ଟି ଚାଲିଛି, ବିଜୁଙ୍କର ପାର୍ଟି
• କେବଳ ବିଜେପି ପରିବାର ପାର୍ଟି ନୁହେଁ, ବିଚାରର ପାର୍ଟି 

ସୂଚନାଯୋଗ୍ୟ ଦୁଇ ଦିନିଆ ଓଡ଼ିଶା ଗସ୍ତରେ ଆସି ୨୦୨୪ ନିର୍ବାଚନ ପାଇଁ ବିଗୁଲ ଫୁଙ୍କିଛନ୍ତି ନଡ୍ଡା । ତୃଣମୂଳ ସ୍ତରରେ ଗଠନ ହୋଇଥିବା ଶକ୍ତି କେନ୍ଦ୍ରରୁ ଆସିଥିବା କାର୍ଯ୍ୟକର୍ତ୍ତାଙ୍କୁ ଆଜି ସେ ଗୁରୁମନ୍ତ୍ର ମଧ୍ୟ ଦେଇଛନ୍ତି ।   ଏହି କାର୍ଯ୍ୟକ୍ରମ ପରେ ଦଳୀୟ କାର୍ଯ୍ୟାଳୟରେ ବିଧାୟକ, ସାଂସଦ, ଦଳର ପଦାଧିକାରୀଙ୍କ ସହ ବିସ୍ତୃତ ଭାବେ କଥା ହେବେ । ଏହାପରେ ସଂଧ୍ୟାରେ ନଡ୍ଡା ପୁରୀ ଗସ୍ତ କରି ରହଣୀ କରିବେ । ଆସନ୍ତାକାଲି ମହାପ୍ରଭୁଙ୍କୁ ଦର୍ଶନ କରିବା ପରେ ଭଦ୍ରକ ଯିବେ ନଡ୍ଡା  ।