Badri Patra
ଆଉ ଲଢ଼ିବେନି କି ବଦ୍ରୀ ? ବିଜେଡିର ବରିଷ୍ଠ ନେତା ତଥା ବାହୁବଳି ନେତା କୁହାଯାଉଥିବା ବଦ୍ରୀ ନାରାୟଣ ପାତ୍ର ଆଗାମୀ ୨୦୨୪ ନିର୍ବାଚନ ଲଢ଼ିବେ ନାହିଁ କି ? ଏଭଳି ପ୍ରଶ୍ନ ଏବେ ଉଠିବା ସ୍ୱାଭାବିକ୍ । କାରଣ ବଦ୍ରୀ ଯେଉଁ ବୟାନ୍ ଦେଇଛନ୍ତି, ତାହା ଶୁଣିଲେ ଯେକେହି ଏଭଳି ଅନୁମାନ କରିବ ।
ବଦ୍ରୀ କହିଛନ୍ତି, ଯୁବବର୍ଗଙ୍କୁ ମୁଖ୍ୟମନ୍ତ୍ରୀଙ୍କ ଅଗ୍ରାଧିକାର ଦେଉଛନ୍ତି । ଆଉ ଏହାକୁ ନେଇ ବଦ୍ରୀ ପାତ୍ର ଦେଇଛନ୍ତି ବଡ଼ ବୟାନ । ସେ କହିଛନ୍ତି ୨୦୨୪ରେ ଯୁବକମାନଙ୍କୁ ବାଟ ଛାଡ଼ିବାକୁ ପଡ଼ିବ । ଯୁବକମାନଙ୍କୁ ମୁଖ୍ୟମନ୍ତ୍ରୀ ଅଗ୍ରାଧିକାର ଦେଉଛନ୍ତି, ଏହା ଭଲ କଥା । ୨୦୨୪ରେ ଆବଶ୍ୟକ ହେଲେ ଯୁବକମାନଙ୍କୁ ବାଟ ଛାଡ଼ିବାକୁ ପଡ଼ିବ ବୋଲି ସେ କହିଛନ୍ତି ।
ଏହାସହ ସେ ଆହୁରି କହିଛନ୍ତି, ‘ଦଳ ଯଦି ଏଭଳି ଆଭିମୁଖ୍ୟ ରଖୁଛି, ତେବେ ଆମର ଆଉ ଆବଶ୍ୟକତା କଣ ଅଛି ବୋଲି ସେ କହିଛନ୍ତି । ଦଳ ସେହି ଲାଇନରେ ବଢ଼ିଲେ ୨୦୨୪ ନିର୍ବାଚନ ଆମପାଇଁ ସୁଗମ ହେବ ।’
୨୦୨୪ରେ ଲଢ଼ିବେ କି ବୋଲି ବଦ୍ରୀଙ୍କୁ ପ୍ରଶ୍ନ କରାଯିବାରୁ ସେ କହିଛନ୍ତି, ‘ଲଢ଼ିପାରେ ଆଉ ନଲଢ଼ିପାରେ ।’ ଦଳର ଆଭିମୁଖ୍ୟକୁ ସମ୍ମାନ ଦେବାକୁ ହେବ ବୋଲି ସେ କହିଛନ୍ତି ।
/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
Follow Us/odishatv-khabar/media/post_attachments/uploadimage/library/16_9/16_9_0/IMAGE_1655810085.jpg)