ରାହୁଲ ଗାନ୍ଧୀଙ୍କ 'ଜଳଖିଆ ରାଜନୀତି’ : ମୋଦିଙ୍କ ବିରୋଧରେ ଏକାଠି ହେଲେ ୧୪ ବିରୋଧୀ ଦଳ

ନୂଆଦିଲ୍ଲୀ : ମୋଦି ସରକାରଙ୍କୁ ଘରିବାକୁ ବିରୋଧୀଙ୍କ ମେଳି । ରାହୁଲ ଗାନ୍ଧୀଙ୍କ 'ଜଳଖିଆ ରାଜନୀତି'ରେ ଏକାଠି ହେଲେ ବିରୋଧୀ । ସରକାରଙ୍କ ବିରୋଧରେ ସଂଗଠନକୁ ମଜବୁତ କରିବା ପାଇଁ ରାହୁଲ ଗାନ୍ଧୀ ବିରୋଧୀ ଦଳ ନେତାଙ୍କୁ ଜଳଖିଆ ପାଇଁ ଡାକିଛନ୍ତି । ସଂସଦର ମୌସୁମୀ ଅଧିବେଶନରେ ସରକାର ଏବଂ ବିରୋଧୀଙ୍କ ମଧ୍ୟରେ ହଙ୍ଗାମା ଲାଗି ରହିଥିବା ବେଳେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃତ୍ୱରେ ବିରୋଧୀ ଦଳ ବିରୋଧୀ ଏକତାକୁ ମଜବୁତ କରିବାକୁ ଚେଷ୍ଟା କରୁଛନ୍ତି । ଏଥିରେ ସାମିଲ ହୋଇଛନ୍ତି ୧୪ ବିରୋଧୀ ଦଳର ନେତା ।

ରାହୁଲ ଗାନ୍ଧୀଙ୍କ ନିମନ୍ତ୍ରଣ ରକ୍ଷା କରି ଦିଲ୍ଲୀ କମ୍ୟୁନିଟି କ୍ଲବରେ ତୃଣମୂଳ କଂଗ୍ରେସ, ଶିବସେନା, ସମାଜବାଦୀ ପାର୍ଟି, ଏନସିପି, ସିପିଏମ, ସିପିଆଇ, ଆଇୟୁଏମଏଲ, ଆରଏସପି, କେସିଏମ, ନ୍ୟାସନାଲ କନଫ୍ରେନ୍ସ,, ଝାଡଖଣ୍ଡ ମୁଖୀ ମୋର୍ଚ୍ଚା ଏବଂ ଡିଏମକେର ନେତାମାନେ 'ଜଳଖିଆ ରାଜନୀତି'ରେ ଯୋଗ ଦେଇଥିଲେ।

କଂଗ୍ରେସର 'ଜଳଖିଆ ରାଜନୀତି'ରେ ୧୪ଟି ବିରୋଧୀ ଦଳର ନେତା ଯୋଗ ଦେଇଥିବା ବେଳେ ମାୟାବତୀଙ୍କ ବାହୁଜନ ସମାଜ ପାର୍ଟି ଏବଂ ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି (ଏଏପି) ଏହି ବୈଠକରୁ ନିଜକୁ ଦୂରେଇ ରଖିଥିଲେ । ରାହୁଲଙ୍କ ବୈଠକରେ AAP ଏବଂ BSP ନେତାମାନେ ଯୋଗ ଦେଇନଥିଲେ ।

Also Read

ପରୀକ୍ଷା ପୂର୍ବରୁ ବାପା ଓ ଭାଇଙ୍କ ମୃତ୍ୟୁ : ହାରିଗଲେନି, କଠିନ ପରିଶ୍ରମ କରି ପ୍ରଥମ ପ୍ରୟାସରେ ଆଇଏଏସ୍ ପାଇଲେ ହିମାଂଶୁ

ଖୋଲିଲା ନନ୍ଦନକାନନ, ୧୦ ନିୟମ ମାନନ୍ତୁ

ବଞ୍ଚି ଥାଉ ଥାଉ ପ୍ରେମକୁ ମିଳିଲାନି ସ୍ୱୀକୃତି : ମୃତ୍ୟୁ ପରେ ବିବାହ କରାଇଲେ ପରିବାର ଲୋକ

ରାହୁଲ ଗାନ୍ଧୀଙ୍କ 'ଜଳଖିଆ ରାଜନୀତି’ ବୈଠକରେ ଉତ୍ତରରୁ ଦକ୍ଷିଣ ପର୍ଯ୍ୟନ୍ତ ନେତାଙ୍କୁ ଦେଖିବାକୁ ମିଳିଥିଲା । ଏହି ବୈଠକରେ ଉତ୍ତର ଭାରତରୁ ଦକ୍ଷିଣ ଭାରତ ପର୍ଯ୍ୟନ୍ତ ନେତାମାନେ ଯୋଗ ଦେଇଥିଲେ ଏବଂ ସେମାନଙ୍କ ପାଇଁ ଜଳଖିଆ ବ୍ୟବସ୍ଥା କରାଯାଇଥିଲା । ଜଳଖିଆ ମେନୁରେ ଛୋଲେ-ଭଟୁରେ, ଉପମା, ଇଡଲି, ସ୍ୟାଣ୍ଡୱିଚ୍, ବଡା-ସମ୍ବର୍ ଅନ୍ତର୍ଭୁକ୍ତ କରାଯାଇଥିଲା |