ମୁଖ୍ୟମନ୍ତ୍ରୀଙ୍କୁ କାହିଁକି ଓଡ଼ିଆଙ୍କ ଭଗବାନ କହିଲେ ଉପବାଚସ୍ପତି ? ତେଜିଲା ବିବାଦ..

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ’ଣ ସାଢ଼େ ଚାରି କୋଟି ଓଡ଼ିଆଙ୍କ ଭଗବାନ ? ଯଦି ନା ତେବେ ଏଭଳି କହିଁକି କହିଲେ ଉପବାଚସ୍ପତି ରାନୀକାନ୍ତ ସିଂହ ? ଏଭଳି କହିବାର ଉଦେଶ୍ୟ କ’ଣ ? ଉପବାଚସ୍ପିତିଙ୍କ ଏହି ବୟାନ୍‌କୁ ନେଇ ଏବେ ରାଜ୍ୟ ରାଜନୀତି ସରଗରମ ହୋଇଛି ।

ମୁଖ୍ୟମନ୍ତ୍ରୀଙ୍କୁ ସାଢ଼େ ୪ କୋଟି ଓଡ଼ିଆଙ୍କ ଠାକୁର କହି ବିବାଦରେ ଉପବାଚସ୍ପତି ରଜନୀକାନ୍ତ ସିଂହ । ଅନୁଗୁଳ ସଭାରେ ଉପବାଚସ୍ପତିଙ୍କ ଏପରି ବୟାନକୁ ନେଇ ତେଜିଛି ରାଜନୀତି । ବିରୋଧୀ ବିଜେପି ଏନେଇ ବିଜେଡିକୁ ଟାଗେର୍ଟ କରିଛି । ମୁଖ୍ୟମନ୍ତ୍ରୀଙ୍କୁ ଖୁସି କରିବାକୁ ଉପବାଚସ୍ପତି ଏପରି କରିଥିବା କହିଛନ୍ତି ବିଜେପି ନେତା କାଳନ୍ଦୀ ସାମଲ ।

ମୁଖ୍ୟମନ୍ତ୍ରୀ ମଧ୍ୟ ଏହାକୁ ଚୁପ ଚାପ୍ ଶୁଣି ଏଥିପ୍ରତି ସହମତି ପ୍ରକାଶ କରିଛନ୍ତି । ଖାଲି ଏତିକି ନୁହେଁ ବାଚସ୍ପତିଙ୍କ ଏପରି ବୟାନକୁ ଲୋକେ ଆଦୌ ସହ୍ୟ କରିବେନି, ଠିକ୍ ସମୟରେ କଡ଼ା ଜବାବ୍ ଦେବେ ବୋଲି ଦୋହରାଇଛନ୍ତି କାଳନ୍ଦୀ ସାମଲ । ଗତକାଲି ଅନୁଗୁଳରେ BSKY କାର୍ଡ ବଣ୍ଟନ କାର୍ଯ୍ୟକ୍ରମରେ ଯୋଗଦେଇଥିଲେ ମୁଖ୍ୟମନ୍ତ୍ରୀ । ଏହି ଅବସରରେ ମୁଖ୍ୟମନ୍ତ୍ରୀ ସାଢ଼େ ୪ କୋଟି ଓଡ଼ିଆଙ୍କ ଠାକୁର ବୋଲି କହିଥିଲେ ଉପବାଚସ୍ପତି ।