ପୁଣି ବିଜେପି ନିଶାନାରେ ରାହୁଲ ଗାନ୍ଧି

ପୁଣି ବିଜେପିର ନିଶାନାରେ ରାହୁଲ ଗାନ୍ଧି । ବର୍ଷିଲେ ବରିଷ୍ଠ ବିଜେପି ନେତା ରବିଶଙ୍କର ପ୍ରସାଦ । କହିଲେ ମୁହଁ ଖୋଲନ୍ତୁ ମଲ୍ଲିକାର୍ଜୁନ ଓ ସୋନିଆ । ଲଣ୍ଡନ ଗସ୍ତ ଅବସରରେ ଏକ କାର୍ଯ୍ୟକ୍ରମରେ ଯୋଗ ଦେଇ କଂଗ୍ରେସ ନେତା ରାହୁଲ ଗାନ୍ଧି କହିଥିଲେ ଯେ, ଭାରତରେ ଗଣତନ୍ତ୍ରର ସୁରକ୍ଷା ପାଇଁ ଆମେରିକା ଓ ୟୁରୋପ ହସ୍ତକ୍ଷେପ କରିବା ଦରକାର । କିନ୍ତୁ ବିଭିନ୍ନ ବାଣିଜ୍ୟ ଓ ଟଙ୍କା ମିଳୁଥିବାରୁ

ସେମାନେ ଚୁପ୍ ଅଛନ୍ତି ବୋଲି କହିଥିଲେ ରାହୁଲ । ଏହି ମନ୍ତବ୍ୟକୁ ତୀବ୍ର ସମାଲୋଚନା କରିଛି ବିଜେପି । ବିଦେଶ ମାଟିରେ ରାହୁଲ ଭାରତକୁ ଅପମାନିତ କରିଛନ୍ତି ବୋଲି କହିଛନ୍ତି ବିଜେପି ନେତା ରବି ଶଙ୍କର ପ୍ରସାଦ । ସେ ବିଦେଶ ରାଷ୍ଟ୍ରଗୁଡ଼ିକୁ ଦେଶରେ ହସ୍ତକ୍ଷେପ କରିବାକୁ କହି ସବୁ ମର୍ଯ୍ୟାଦାକୁ ଭୁଲି ଯାଇଥିବା ରବି ଶଙ୍କର କହିଛନ୍ତି । ସରକାର ଯାହାର ବି ଥାଉ ଦେଶର ଆଭ୍ୟନ୍ତରୀଣ ବ୍ୟାପାରରେ ତୃତୀୟ ପକ୍ଷର ହସ୍ତକ୍ଷେପ ଠିକ ନୁହେଁ । ଏହାକୁ ଆମେ ଦୃଢ଼ତାର ସହ ବିରୋଧ କରୁଛୁ ବୋଲି ରବି ଶଙ୍କର ପ୍ରସାଦ କହିଛନ୍ତି ।...

କେବଳ ଏତିକି ନୁହେଁ, ରାହୁଲ ଗାନ୍ଧିଙ୍କ ମନ୍ତବ୍ୟ ଉପରେ କଂଗ୍ରେସର ଆଭିମୁଖ୍ୟ କଣ ବୋଲି ସିଧାସଳଖ ପଚାରିଛି ବିଜେପି । ଦଳୀୟ ମୁଖପାତ୍ର ତଥା ବରିଷ୍ଠ ନେତା ରବି ଶଙ୍କର ପ୍ରସାଦ କହିଛନ୍ତି, ରାହୁଲ ଗାନ୍ଧି ବିଦେଶ ଗଲା ପରେ ଗଣତନ୍ତ୍ରର ସବୁ ପରମ୍ପରା ଓ ମର୍ଯ୍ୟାଦା ଭୁଲି ଯାଉଛନ୍ତି । ଆମେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ ଏବଂ ସୋନିଆ ଗାନ୍ଧିଙ୍କୁ ପଚାରିବାକୁ ଚାହୁଁଛୁ ଯେ ସେମାନେ ରାହୁଲ ଗାନ୍ଧିଙ୍କ ଏହି ଦାୟିତ୍ୱହୀନ ଓ ଲଜ୍ଜାଜନକ ବୟାନକୁ ସମର୍ଥନ କରୁଛନ୍ତି କି? ଯଦି ସମର୍ଥନ କରୁ ନାହାନ୍ତି, ତା’ହେଲେ ଏହାକୁ ବିରୋଧ କରନ୍ତୁ ବୋଲି କହିଛନ୍ତି ରବିଶଙ୍କର ପ୍ରସାଦ। ଅନ୍ୟପକ୍ଷରେ କଂଗ୍ରେସ ନେତା ପ୍ରତିକ୍ରିୟା ରଖିଛନ୍ତି ଯେ, ରାହୁଲ ଯାହା କହିଛନ୍ତି ଠିକ୍ କହିଛନ୍ତି ।...

ଗତ ୪ ତାରିଖରେ ୩ ଦିନିଆ ଲଣ୍ଡନ ଗସ୍ତରେ ଯାଇଥିଲେ ରାହୁଲ । ତେବେ ଏହି ଅବସରରେ କେମ୍ବ୍ରିଜ୍ ବିଶ୍ୱବିଦ୍ୟାଳୟରେ ଦେଇଥିବା ବିଭିନ୍ନ ମନ୍ତବ୍ୟକୁ ନେଇ ମଧ୍ୟ ତାଙ୍କୁ ସମାଲୋଚନା କରିଥିଲା ବିଜେପି ।