ଥାନାରେ ପହଞ୍ଚିଲା ବିଜେଡି କଳି। ଫାଇଭ ଟି ଅଧ୍ୟକ୍ଷ ପାଣ୍ଡିଆନଙ୍କ ଗସ୍ତବେଳେ ବାଲେଶ୍ୱର ବିଜେଡିର ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା। ପୂର୍ବତନ ସାଂସଦଙ୍କ ସମର୍ଥକ କୁହାଯାଉଥିବା ମହିଳା କାଉନସିଲରଙ୍କୁ ସଭାସ୍ଥଳକୁ ଦିଆଯାଇନଥିଲା। ତାଙ୍କୁ ଦୁର୍ବ୍ୟବହାର ଓ ଅସଦାଚରଣ କରାଯାଇଥିବା ମଧ୍ୟ ଅଭିଯୋଗ କରିଛନ୍ତି ୩୧ ନମ୍ବର ୱାର୍ଡର କାଉନସିଲର ରଂଜିତା ମହାପାତ୍ର। ଏ ସଂପର୍କରେ ସେ ସହଦେବଖୁଣ୍ଟା ଥାନାରେ ଲିଖିତ ଭାବେ ଅଭିଯୋଗ କରିଛନ୍ତି। ବିଧାୟକ ସ୍ବରୂପ ଦାସଙ୍କ ପ୍ରତିନିଧି ମନୋଜ ରାଉତ, ସତ୍ୟରଂଜନ ଦାସ, ଶେଖ୍ ଆୟୁବ, ବିଜେଡି ମିଡିଆସେଲ୍ ର ସଂଯୋଜକ ଧୀରେନ ନାୟକଙ୍କ ବିରୋଧରେ ଅଭିଯୋଗ କରାଯାଇଛି। ଏ ସଂପର୍କରେ ପୋଲିସ କି ଅଭିଯୁକ୍ତଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି।