ମୋଦିଙ୍କ ଅଭେଦ୍ୟ ଗଡ଼ ଉପରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ନଜର । ଗୁଜରାଟ ହାତେଇବା ଉଦ୍ଦେଶ୍ୟରେ ମାଗଣା ବିଜୁଳି ଯୋଗାଇବା ପାଇଁ ଘୋଷଣା କରିଛନ୍ତି ଅରବିନ୍ଦ କେଜ୍ରିୱାଲ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ଗୁଜୁରାଟ ଗସ୍ତରେ ଅଛନ୍ତି । ବିଧାନସଭା ନିର୍ବାଚନ ପୂର୍ବରୁ ଆମ୍ ଆଦମୀ ପାର୍ଟି ପ୍ରତିଶ୍ରୁତି ବର୍ଷା କରିଛି । ଗୁଜରାଟ ଜିତଲେ ଗୁଜୁରାଟରେ ମାଗଣା ବିଦ୍ୟୁତ ଦିଆଯିବ ବୋଲି ପ୍ରତିଶୃତି ଦେଇଛନ୍ତି ।
ସେ କହିଛନ୍ତି, ଦେଶରେ ନିତି ପ୍ରତିଦିନ ଦରଦାମ୍ ମହଙ୍ଗା ହେବାରେ ଲାଗିଛି । ସାଧାରଣ ଜନତାଙ୍କ ପାଇଁ ଏହା ଏକ ବଡ ସମସ୍ୟା । ଖାଇବା ତେଲ ଠାରୁ ଆରମ୍ଭ କରି ପେଟ୍ରୋଲ୍, ଡିଜେଲ, ଗ୍ୟାସର ମୂଲ୍ୟ ବୃଦ୍ଧି କରିବାରେ ଲାଗିଛି । ଏହି କ୍ରମରେ ବିଦ୍ୟୁତ୍ ମୂଲ୍ୟ ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି । ବର୍ତ୍ତମାନ ଦିଲ୍ଲୀରେ ଲୋକଙ୍କୁ ମାଗଣା ବିଦ୍ୟୁତ ବଣ୍ଟନ କରାଯାଇଛି । ପଞ୍ଜାବରେ ମଧ୍ୟ ପ୍ରତିଶ୍ରୁତି ଅନୁସାରେ ତିନି ମାସ ମଧ୍ୟରେ ମାଗଣା ବିଦ୍ୟୁତ୍ ପ୍ରଦାନ କରାଯାଇଥିଲା । ସେହିଭଳି ଗୁଜରାଟରେ ଆମ୍ ଆଦମୀ ପାର୍ଟି ସରକାର ଗଠନ ପରେ ମାଗଣା ବିଦ୍ୟୁତ୍ ପ୍ରଦାନ କରାଯିବ ।
जनता को फ़्री रेवड़ी देने से श्रीलंका जैसे हालात नहीं होते। अपने दोस्तों/मंत्रियों को देने से होते हैं। श्री लंका वाला अपने दोस्तों को फ़्री रेवड़ी देता था।अगर जनता को देता तो जनता उसके घर में घुसके उसे ना भगाती
जनता को फ़्री रेवड़ी भगवान का प्रसाद है।दोस्तों को फ़्री रेवड़ी पाप— Arvind Kejriwal (@ArvindKejriwal) July 21, 2022
ଅରବିନ୍ଦ କେଜ୍ରୱାଲ କହିଛନ୍ତି, ପ୍ରଥମ ଗ୍ୟାରେଣ୍ଟି ଭାବରେ ଗୁଜୁରାଟରେ ମାଗଣା ବିଦ୍ୟୁତ୍ ଦେବା ପାଇଁ ପ୍ରତିଶ୍ରୁତି ଦେଉଛି । ଆପ୍ ସରକାର ପ୍ରତିଶ୍ରୁତି ଅନୁସାରେ କାମ କରେ । ରାଜ୍ୟରେ କାମ ନହେଲେ ପରବର୍ତ୍ତୀ ସମୟରେ ଭୋଟ୍ ଦିଅନ୍ତୁ ନାହିଁ ।
ବିଜୁଳିକୁ ନେଇ ଦିଲ୍ଲୀରେ ୩ଟି କାମ କରିଛି ଦଳ । ଗୁଜରାଟରେ ମଧ୍ୟ କରାଯିବ . .
ସରକାର ଗଠନର ତିନିମାସ ପରେ ପ୍ରତ୍ୟେକ ପରିବାରକୁ ୩୦୦ ୟୁନିଟ୍ ମାଗଣା ବିଦ୍ୟୁତ୍
୨୪ ଘଣ୍ଟା ବିଦ୍ୟୁତ୍ ଉପଲବ୍ଧ ହେବ ଏବଂ ମାଗଣାରେ ବିଦ୍ୟୁତ୍ ପ୍ରଦାନ କରାଯିବ । ବିଦ୍ୟୁତ କାଟ ହେବ ନାହିଁ ।
ଡିସେମ୍ବର ୩୧, ୨୦୨୧ ପର୍ଯ୍ୟନ୍ତ ପୁରୁଣା ଘରୋଇ ବିଲ୍ ଛାଡ କରାଯିବ ।