ବ୍ରହ୍ମପୁର ମହାନଗର ନିଗମର ୪ଜଣ ବିଜେପି କର୍ପୋରେଟର ବିଜେଡିରେ ସାମିଲ ହେବାପରେ ବ୍ରହ୍ମପୁର ରାଜନୈତିକ ମାହୋଲରେ ହଟଚମଟ । ଏହି ଘଟଣାକୁ ବିଜେପିରେ ଥିବା ଅନ୍ୟ କର୍ପୋରେଟର ନିନ୍ଦା କରିଛନ୍ତି । ସେପଟେ ଦଳ ବଦଳପରେ ବିକାଶର ସ୍ବର ଆଉ ଶୁଭିବ କି ନାହିଁ ବୋଲି ପ୍ରଶ୍ନ ଉଠାଇଛନ୍ତି ଲୋକେ । ଦଳ ଡିଆଁ ରାଜନୀତିକୁ ନେଇ ବ୍ରହ୍ମପୁରରେ ଏବେ ବେଶ୍ ଚର୍ଚ୍ଚା ।
ବିଜେପିରୁ ଟିକେଟ ପାଇଥିଲେ... ଲୋକଙ୍କ ଭୋଟ୍ ପାଇ ଜିତିଥିଲେ। ହେଲେ ଦିନକତଳେ ହଠାତ୍ ବ୍ରହ୍ମପୁର ମହାନଗର ନିଗମର ୪ ଜଣ ବିଜେପି କର୍ପୋରେଟର ଭୁବନେଶ୍ବର ଯାଇ ବିଜେଡିରେ ସାମିଲ ହୋଇଗଲେ । ଆଉ ଗତକାଲି ବ୍ରହ୍ମପୁର ସାଂସଦ, ବିଧାୟକ ମେୟର ପ୍ରମୁଖ ସେମାନଙ୍କୁ ସମ୍ବର୍ଦ୍ଧିତ ବି କଲେ । ଯାହାକୁ ନେଇ ଏବେ ବ୍ରହ୍ମପୁର ରାଜନୀତିରେ ଦେଖାଦେଇଛି ହଟଚମଟ ।