ହ୍ୱିଲ ଚେୟାରରେ ବସି ସାତ ଫେରା ସାଙ୍ଗକୁ ହାତଗଣ୍ଠି ପକାଇଲେ ନବବଧୂ, ଦେଖନ୍ତୁ ଭିଡିଓ..

ପ୍ରେମ ଶାଶ୍ୱତ ଆଉ ଚିରନ୍ତନ । ଥରେ ଯିଏ ଯାହାକୁ ମନ ଦେଇଛି ତାକୁ ଭୁଲିବା ଅସମ୍ଭବ କହିଲେ ଅତ୍ୟୁକ୍ତି ହେବନି । କଥାରେ ଅଛି ବିବାହ ସାତଜନ୍ମର । ବିବାହ ମନର ମିଳନ । ୧୦ ଦିଗପାଳ ଓ ଅଗ୍ନିଙ୍କୁ ସାକ୍ଷୀ ରଖି ହିନ୍ଦୁ ଧର୍ମରେ ହୁଏ ବାହାଘର । ହେଲେ ଏମିତି ବାହାଘର କେବେ ଆପଣ ଦେଖିନଥିବେ ।

ପ୍ରେମ କେତେ ପବିତ୍ର ଏହି କାହଣା ହିଁ ବୟାନ କରୁଛି । ୭ ବର୍ଷ ପ୍ରେମରେ ବାଧକ ସାଜିପାରିନି ଦିବ୍ୟାଙ୍ଗ । ପଣ୍ଡିତଙ୍କ ବେଦମନ୍ତ୍ର ଉଚ୍ଚାରଣ ହେଉଛି ଦେବସ୍ମିତାଙ୍କ ମଥାରେ ସିନ୍ଦୁର ଦେଉଛନ୍ତି ଶୁଭ୍ରାଂଶୁ । କନିଆ ବେକରେ ବରଣମାଳାର ଅଦଳବଦଳ ବି ହେଉଛି, ଆଉ ଶେଷରେ ସାତ ଜନ୍ମ ପାଇଁ ସାଥି ହୋଇ ରହିବା ପାଇଁ ଅଗ୍ନିକୁ ସାକ୍ଷୀ ରଖି ଶୁଭ୍ରାଂଶୁ ୭ ଫେରା ନେଉଛନ୍ତି । ଆଉ ହ୍ୱିଲ ଚେୟାରରେ ବସିଛନ୍ତି ଦେବସ୍ମିତା ।

କୌଣସି କାରଣରୁ ହଠାତ୍‌ ଦେବସ୍ମିତାଙ୍କ ଗୋଡ ଆଉ ଚାଲିଲା ନାହିଁ, ହେଲେ ଶୁଭ୍ରାଂଶୁ ତାଙ୍କ ହାତ ଛାଡିନଥିଲେ । ଏବେ ସେହି ହାତ ଧରି ୭ ଜନ୍ମ ପାଇଁ ଏକ ହୋଇ ଚାଲିବାକୁ ଉଭୟ ନିଷ୍ପତ୍ତି ନେଇଛନ୍ତି । ଯାହାର ଭିଡିଓ ଏବେ ଭାଇରାଲ ହେଉଛି ।