ପାଣି ଅଭାବରୁ ହାତୀ ମଲା । ନରସିଂହପୁର ପୂର୍ବ ବନାଞ୍ଚଳ ଅଧିନ ବ୍ରାହ୍ମଣୀ ବିଟ ନୂଆଗଡ଼ ସେକ୍ସନରେ ଏକ ହାତୀର ଗଳିତ ମୃତଦେହ ଉଦ୍ଧାର ହୋଇଛି । ପ୍ରଚଣ୍ଡ ଗ୍ରୀଷ୍ମ ପ୍ରବାହ ଓ ପାଣି ଅଭାବରୁ ହାତୀର ମୃତ୍ୟୁ ହୋଇଥିବା ବନ ଅଧିକାରୀ ସୂଚନା ଦେଇଛନ୍ତି । ପାଣି ଅଭାବରୁ ହାତୀଟି ୨୦ରୁ ୨୫ ଦିନ ତଳେ ମୃତ୍ୟୁ ବରଣ କରିଥିପା ସୂଚନା ମିଳିଛି ।
ବନ ବିଭାଗ ପକ୍ଷରୁ ଶୁକ୍ରବାର ଦିନ ହାତୀର ଗଳିତ ଶବକୁ ଠାବ କରାଯାଇଥିଲା । ଏହା ପରେ ବ୍ୟବଚ୍ଛେଦ କରାଯାଇ ହାତୀର ମୃତଦେହକୁ ପୋତି ଦିଆଯାଇଥିବା ବନ ଅଧିକାରୀ ସୂଚନା ଦେଇଛନ୍ତି । ହାତୀଟିର ବୟସ ଦୁଇରୁ ତିନି ବର୍ଷ ହେବ ବୋଲି ବିଭାଗ ପକ୍ଷରୁ ସ୍ପଷ୍ଟ ହୋଇଛି । ହାତୀ ବହୁ ଦିନ ପୂର୍ବରୁ ପାଣି ଅଭାବରୁ ମରିଥିବାରୁ ହାତୀ ଶରୀରର ବିଭିନ୍ନ ଅଂଶ ନଷ୍ଟ ହୋଇ ଯାଇଥିବା ଚିତ୍ରରୁ ସ୍ପଷ୍ଟ ହୋଇଛି ।
Also Read
ସୂଚନା ଥାଉ କି ନରସିଂହପୁର ବଡମ୍ବା ବନ ବିଭାଗ ଏବଂ ସାତକୋଶିଆ ଜିଲିଣ୍ଡା ଜଙ୍ଗଲରେ ୨୦ ରୁ ୨୫ ଟି ହାତୀଙ୍କ ମୃତ୍ୟୁ ଘଟିଥିବା ବେଳେ ପୁଣି ଆଉ ଏକ ହାତୀ ମୃତ୍ୟୁ ପ୍ରଶାସନ ପ୍ରତି ପ୍ରଶ୍ନବାଚୀ ସୃଷ୍ଟି କରିଛି ।