ହାତରେ ବହି.. ଗୁରୁଙ୍କ ପରି ସାନ ସାନ ପିଲାଙ୍କୁ ପାଠ ପଢ଼ାଉଛନ୍ତି ବଡ଼ ଶ୍ରେଣୀର ପିଲାମାନେ.. ଶିକ୍ଷକ ଅଭାବ ଯୋଗୁଁ ଏବେ ସେମାନଙ୍କୁ ଶିକ୍ଷକ ସାଜିବାକୁ ପଡ଼ୁଛି..ନିଜେ ପାଠ ପଢ଼ିବେ କ’ଣ ପିଲାଙ୍କୁ ପାଠ ପଢ଼ାଉଛନ୍ତି । କାରଣ ସେମାନଙ୍କ ସ୍କୁଲରେ ପ୍ରାୟ ୨୦୦ ଛାତ୍ରଛାତ୍ରୀଙ୍କ ପାଇଁ ମାତ୍ର ୨ ଜଣ ଶିକ୍ଷୟିତ୍ରୀ ରହିଛନ୍ତି । କେବଳ ଯେ ଏଠାରେ ଶିକ୍ଷକ ମରୁଡ଼ି ତା’ ନୁହେଁ ସ୍କୁଲର ଅବସ୍ଥା ମଧ୍ୟ ତଦ୍ରୁପ । କେଉଁଠୁ କାନ୍ଥରୁ ମାଟି ଖସୁଛି ତ କେଉଁଠି ଭାଙ୍ଗି ପଡ଼ିଛି । କେତେବେଳେ ଯେ କ’ଣ ହେବ କହିହେବ ନାହିଁ ।
ଭବାନୀ ପାଟଣା ସହର ମଝିରେ ଥିବା ବାହାଦୁର ବଗିଚାପଡା ଆଉଟପୋଷ୍ଟ ଉଚ୍ଚ ପ୍ରାଥମିକ ବିଦ୍ୟାଳୟ । ୧୯୬୨ମସିହାରେ ତିଆରି ହୋଇଥିବା ବେଳେ ବର୍ତ୍ତମାନ ଦିନରେ ସୂର୍ଯ୍ୟ ଓ ରାତିରେ ତାରା ଦିଶୁଛି । ଏହି ଭଙ୍ଗା ଦଦରା ସ୍କୁଲଘରେ ୧୮୪ ଜଣ ଛାତ୍ରଛାତ୍ରୀ ପାଠ ପଢ଼ନ୍ତି । ପ୍ରଥମ ଶ୍ରେଣୀରେ ୧୯ ଜଣ, ଦ୍ୱିତୀୟ ଶ୍ରେଣୀରେ ୧୯ ଜଣ, ତୃତୀୟ ଶ୍ରେଣୀରେ ୧୯ ଜଣ, ଚତୁର୍ଥ ଶ୍ରେଣୀରେ ୧୩ ଜଣ,ପଞ୍ଚମ ଶ୍ରେଣୀରେ ୨୬ ଜଣ,ଷଷ୍ଠ ଶ୍ରେଣୀରେ ୨୭ ଜଣ,ସପ୍ତମ ଶ୍ରେଣୀରେ ୩୮ ଜଣ ଓ ଅଷ୍ଟମ ଶ୍ରେଣୀରେ ୨୩ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି ।
Also Read
ଏତେ ସବୁ ପିଲାଙ୍କ ପାଇଁ ତଥା ପ୍ରଥମରୁ ଅଷ୍ଟମ ଶ୍ରେଣୀ ପାଇଁ ଅଛନ୍ତି ମାତ୍ର ୩ ଜଣ ଶିକ୍ଷୟତ୍ରୀ ଅଛନ୍ତି । ସେମାନଙ୍କ ମଧ୍ୟରୁ ଦୁଇ ଜଣ ପାଠ ପଢ଼ାଉଥିବା ବେଳେ ଅନ୍ୟ ଜଣେ ଶିକ୍ଷୟତ୍ରୀ ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ଲମ୍ବା ଛୁଟିରେ ଅଛନ୍ତି । ୧୮୪ ଜଣ ଛାତ୍ରଛାତ୍ରୀଙ୍କୁ ୨ ଜଣ ଶିକ୍ଷୟତ୍ରୀ ଥିବା ଯୋଗୁଁ ଶିକ୍ଷାଦାନ ବାଧାପ୍ରାପ୍ତ ହେବାରେ ଲାଗିଛି । ସିନିୟର ପିଲାମାନେ ଜୁନିୟରଙ୍କୁ ପାଠ ପଢ଼ାଉଛନ୍ତି ।
ଶିକ୍ଷାର ବିକାଶ ପାଇଁ ରାଜ୍ୟ ସରକାର ବିଭିନ୍ନ ଯୋଜନା କରୁଥିବାବେଳେ ଶିକ୍ଷକ ଅଭାବ ଯୋଗୁଁ ଅଭିଭାବକ ମାନେ ଘରୋଇ ସ୍କୁଲ ମାନଙ୍କରେ ପିଲାଙ୍କୁ ପାଠ ପଢ଼ାଇବାକୁ ଚାହୁଁଛନ୍ତି । ଏନେଇ ଭବାନୀପାଟଣା ସହର ସ୍ଥିତ ବାହାଦୁର ବଗିଚା ପଡା ଆଉଟ ପୋଷ୍ଟ ଉଚ୍ଚ ପ୍ରାଥମିକ ବିଦ୍ୟାଳୟର ପରିଚାଳନା କମିଟି ସଭାପତି ପ୍ରଦୀପ ସିଂ ଆମେ ବାରମ୍ବାର ଶିକ୍ଷକ ଅଭାବ ଓ ସ୍କୁଲର ବିଭିନ୍ନ ସମସ୍ୟା ନେଇ ଜିଲ୍ଲା ପ୍ରଶାସନ ଙ୍କୁ ଅବଗତ କରିଛୁ ।
କିନ୍ତୁ ଏପର୍ଯ୍ୟନ୍ତ କୌଣସି ସୁଫଳ ମିଳି ନଥିବା କଥା ପ୍ରକାଶ କରିଛନ୍ତି । ଏନେଇ ବିଇଓ ସୁନନ୍ଦା ପଣ୍ଡାଙ୍କୁ ପଚାରିବାରୁ ବାହାଦୁର ବଗିଚାପଡା ସ୍କୁଲ ପାଇଁ DEOଙ୍କ ସହିତ ଆଲୋଚନା କରାଯାଇଛି । ଖୁବ ଶୀଘ୍ର ଶିକ୍ଷକ ନିଯୁକ୍ତି କରାଯିବ ବୋଲି କହିଛନ୍ତି । ଶୀଘ୍ର ଏଠାରେ ଶିକ୍ଷକ ଶିକ୍ଷୟତ୍ରୀ ଯୋଗାଇ ଦେଲେ ଛାତ୍ରଛାତ୍ରୀ ମାନଙ୍କ ପାଠପଢ଼ାରେ ବ୍ୟାଘାତ ସୃଷ୍ଟି ହେବ ନାହିଁ ବୋଲି ଦାବି ହେଉଛି ।