ପାର୍ବଣ ପାଇଁ ରାଜଧାନୀରେ ପୋଲିସ ଛାଉଣୀ । ଦୁର୍ଗାପୂଜା ଲାଗି ସହରରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଥିବାବେଳେ ସୁରକ୍ଷା ବ୍ୟବସ୍ଥାର ଯାଞ୍ଚ କରିଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂ। ନୟାପଲ୍ଲୀ ପୂଜା ମଣ୍ଡପ ଠାରୁ ଆରମ୍ଭ କରି ବିଭିନ୍ନ ପୂଜା ମଣ୍ଡପ ବୁଲି ସୁରକ୍ଷା ଯାଞ୍ଚ କରିଛନ୍ତି । ଏଥିସହ ପୂଜା ସମୟରେ ଘରୁ ବାହାରକୁ ଯାଉଥିଲେ କ’ଣ କରିବେ ରାଜଧାନୀବାସୀଙ୍କୁ ଦେଇଛନ୍ତି ସୁରକ୍ଷିତ ଆଉ ସତର୍କ ରହିବାର ଟିପ୍ସ।
Also Read
ଘରୁ ବାହାରିବା ସମୟରେ ଆପଣଙ୍କର ଘରେ ସଠିକ୍ ଭାବେ ତାଲା ବ୍ୟବହାର କରନ୍ତୁ। ଯଦି ଆପଣ ଛୁଟିରେ ବାହାରକୁ ଯାଉଛନ୍ତି ଘରକୁ ଅନ୍ୟ କାହା ଦାୟିତ୍ୱରେ ଛାଡ଼ନ୍ତୁ । ଘରେ କୌଣସି ମୂଲ୍ୟବାନ ସାମଗ୍ରୀ ରଖନ୍ତୁ ନାହିଁ । ଘର ଆଖପାଖରେ ଯଦି କୌଣସି ସନ୍ଦିଗ୍ଧ ବ୍ୟକ୍ତିଙ୍କୁ ଦେଖୁଛନ୍ତି ତେବେ ତୁରନ୍ତ 112 କୁ ଫୋନ କରି ଜଣାଇବା ଲାଗି ଡିସିପି ସୂଚନା ଦେଇଛନ୍ତି। ..
ପୂଜା ସମୟରେ ସହରରେ ସ୍ୱଚ୍ଛତା ରକ୍ଷା ଲାଗି ପଦକ୍ଷେପ
ପୂଜା ସମୟରେ ସହରରେ ସ୍ୱଚ୍ଛତା ରକ୍ଷା କରିବା ଲାଗି ବିଏମସିର ବ୍ୟାପକ ପ୍ରସ୍ତୁତି । ଦିନକୁ ତିନିଥର ଉଠିବ ଅଳିଆ । ଜିରୋ ଡମ୍ପିଂକୁ ଗୁରୁତ୍ୱ । ଏହାକୁ ୱାର୍ଡ ସ୍ତରରୁ ସୂଚାରୁ ରୂପେ ପରିଚାଳନା କରିବା ଲାଗି ନିର୍ଦ୍ଦେଶ ଦେଇଛନ୍ତି ବିଏମସି କମିଶନର। ବିଏମସି ମୁଖ୍ୟାଳୟରେ ଅନୁଷ୍ଠିତ ବୈଠକରେ ରାଜଧାନୀ ଭୁବନେଶ୍ୱରର ସ୍ୱଚ୍ଛତା ଉପରେ ଗୁରୁତ୍ୱ ଦିଆଯାଇଛି ।