‘ସୁଭଦ୍ରା’ ଯୋଜନାକୁ ନେଇ ଆସିଲା ବଡ଼ ଖବର । ପୋର୍ଟାଲରେ ମିଳିବ ‘ସୁଭଦ୍ରା’ ଯୋଜନାର ସମସ୍ତ ସୂଚନା । ତେବେ ଏନେଇ ସୁଭଦ୍ରା ପୋର୍ଟାଲ ଉନ୍ମୋଚନ କଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । ସୁଭଦ୍ରା ପୋର୍ଟାଲରେ ଉପଲବ୍ଧ ହେବ ସୁଭଦ୍ରାର ସମସ୍ତ ସୂଚନା । ସୁଭଦ୍ରା ପୋର୍ଟାଲ- subhadra.odisha.gov.inରେ ସମସ୍ତ ସୂଚନା ପାଇ ପାରିବେ । କିଛି ତଥ୍ୟ ଜାଣିବାକୁ ଚାହୁଁଥିଲେ କି କୌଣସି ପ୍ରକାର ସଂଶୟ ଥିଲେ ପୋର୍ଟାଲରୁ ହିଁ ଜାଣିହେବ ବୋଲି କହିଲେ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।
ସୂଚନା ଦେଇ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଆହୁରି କହିଛନ୍ତି ଯେ, ଫର୍ମ ବଣ୍ଟନ ଆରମ୍ଭ ହୋଇଛି, ୪ରୁ ଫର୍ମ ସଂଗ୍ରହ ଆରମ୍ଭ ହେବ । ଫର୍ମ ପୂରଣ କରି ଆଧାର କାର୍ଡ ନକଲ ସହ ଦାଖଲ କରିବାକୁ ହେବ । ମୋ ସେବା କେନ୍ଦ୍ର ବା ଜନସେବା କେନ୍ଦ୍ରରେ ଫର୍ମ ଦାଖଲ କରିବାକୁ ହେବ । ଫର୍ମ ବଣ୍ଟନ ଓ ଦାଖଲ ସଂପୂର୍ଣ୍ଣ ମାଗଣାରେ ହେବ ବୋଲି ମଧ୍ୟ କହିଛନ୍ତି।
Also Read
ଅଧିକ ପଢ଼ନ୍ତୁ: ବାଂଲାଦେଶୀ ଅନୁପ୍ରବେଶକାରୀଙ୍କୁ ଚିହ୍ନଟ ପାଇଁ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
ରାକ୍ଷୀ ପୂର୍ଣ୍ଣିମାରେ ମିଳିବାକୁ ଥିବା କିସ୍ତି ୧୭ରୁ ଆରମ୍ଭ ହେବ । ପ୍ରଧାନମନ୍ତ୍ରୀଙ୍କ ଜନ୍ମ ଦିନରେ ନିଜେ ପ୍ରଧାନମନ୍ତ୍ରୀ ଶୁଭାରମ୍ଭ କରିବେ । ସବୁ ଯୋଗ୍ୟ ମହିଳାଙ୍କୁ ମିଳିବା ପର୍ଯ୍ୟନ୍ତ ଏହା ଚାଲୁ ରହିବ କହିଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।
ଏପଟରେ ଅଙ୍ଗନବାଡି କେନ୍ଦ୍ରରେ ଲମ୍ୱା ଲାଇନ । ମୋ ସେବା କେନ୍ଦ୍ରରେ ବି ଭିଡ଼। କାହିଁକି ନା, ସୁଭଦ୍ରା ଯୋଜନା ପାଇଁ ଆରମ୍ଭ ହୋଇଛି ଆବେଦନ । ଅଙ୍ଗନବାଡି କେନ୍ଦ୍ର ବ୍ୟତୀତ ବ୍ଲକ ଅଫିସ୍, ମୋ ସେବା କେନ୍ଦ୍ର ଏବଂ ଜନସେବା କେନ୍ଦ୍ରରୁ ମିଳୁଛି ମାଗଣା ଫର୍ମ । ଏମିତି କି ଗାଁରେ ଘର ଘର ବୁଲି ଫର୍ମ ବାଣ୍ଟୁଛନ୍ତି ଅଙ୍ଗନବାଡି ଦିଦି । ତା ସହିତ ଫର୍ମ କେମିତି ପୂରଣ କରିବେ, ଆଉ କେଉଁ କେଉଁ ପ୍ରମାଣ ପତ୍ର ଦେଇ ଆବେଦନ କରିବେ ସେ ନେଇ ବି ସଚେତନ କରୁଛନ୍ତି।
ଗତକାଲି ବାଲେଶ୍ୱର ମୁନ୍ୟସିପାଲିଟି ଅଫିସରେ ପ୍ରାୟ ୨୬ ହଜାର ଫର୍ମ ନେଇ ବାଣ୍ଟିଥିଲେ ଅଙ୍ଗନବାଡି ଦିଦି । ଆଉ ଜଗତସିଂହପୁରରେ ଅଙ୍ଗନବାଡି ଖୋଲୁ ଖୋଲୁ ଲାଇନ୍ ଲଗାଇ ସୁଭଦ୍ରା ଫର୍ମ ନେଇଥିଲେ ମହିଳାମାନେ । ସେହିପରି ଅନଲାଇନରେ ଫର୍ମ ଆବେଦନ ପାଇଁ ମୋ ସେବା କେନ୍ଦ୍ରରେ ପହଞ୍ଚିଥିଲେ ଆବେଦନକାରୀ । ଏପଟେ ଭୁବନେଶ୍ୱରରେ ବିଏମ୍ସି କାର୍ଯ୍ୟାଳୟରେ ଅଧିକାରୀମାନଙ୍କୁ ଦିଆଯାଇଛି ପ୍ରଶିକ୍ଷଣ ।