Public Outrage: ଚିକିତ୍ସା ଅବହେଳାରୁ ପ୍ରସୂତୀଙ୍କର ମୃତ୍ୟୁ; ନର୍ସିଂହୋମରେ ଭଙ୍ଗାରୁଜା କଲେ ପରିବାର ଲୋକ...

ପ୍ରସୂତୀଙ୍କ ମୃତ୍ୟୁକୁ ନେଇ ଉତେଜନା । ଚିକିତ୍ସା ଅବହେଳାରୁ ପ୍ରସୂତୀଙ୍କର ମୃତ୍ୟୁ ଅଭିଯୋଗ କରି ଜଗତସିଂହପୁର ଚର୍ଚ୍ଚିକା ବଜାରଠାରେ ଥିବା ଘରୋଇ ନର୍ସିଂହୋମରେ ଉତ୍ତଜେନା ପ୍ରକାଶ ପାଇଛି । ସ୍ଥାନୀୟ ତରଡା ଗାଁର ରଞ୍ଜିତ ସ୍ୱାଇଁଙ୍କ ସ୍ତ୍ରୀ ସସ୍ମିତା ସାଇ ଶ୍ରଦ୍ଧା ନାମକ ଏକ ଘରୋଇ ନର୍ସିଂହୋମରେ ଭର୍ତ୍ତି ହୋଇଥିଲେ । ହେଲେ ଚିକିତ୍ସା ଅବହେଳାରୁ ତାଙ୍କର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ ଆଣିବା ସହିତ ମୃତ ଦେହକୁ ରଖି ଗଣ ଧାରଣାରେ ବସିଛନ୍ତି ସମ୍ପର୍କୀୟ ଓ ଗ୍ରାମବାସୀ ।

ଉତ୍ୟକ୍ତ ଲୋକେ ନର୍ସିଂହୋମ ଭିତରେ ପଶି ବ୍ୟାପକ ଭଙ୍ଗାରୁଜା କରିଛନ୍ତି । କ୍ଷତି ପୂରଣ ଦାବି ଓ ସମ୍ପୃକ୍ତ ଡାକ୍ତରଙ୍କୁ ଗିରଫ କରିବା ଦାବିରେ ଜଗତସିଂହପୁର-ପାରାଦୀପ ମୁଖ୍ୟ ରାସ୍ତା କୁ ଅବରୋଧ କରି ରଖିବାରୁ ଯାନ ବାହନ ଚଳାଚଳ ରେ ବାଧା ସୃଷ୍ଟି ହୋଇଥିଲା । ଘଟଣାସ୍ଥଳରେ ପୋଲିସ ମୁତୟନ କରାଯାଇଛି । ଅନ୍ୟପଟେ ଝିଅର ଏଭଳି ଅବସ୍ଥା ଦେଖି ମୃତ ସସ୍ମିତାଙ୍କ ବାପା ଆତ୍ମହତ୍ୟା କରିବା ଉଦ୍ୟମ କରୁଥିବା ବେଳେ ପୋଲିସ ତାଙ୍କ ହାତରୁ ଛୁରୀ ଛଡାଇଥିଲା ... ଏଥିରେ ପୋଲିସ ଆହତ ହୋଇଥିବା ଜଣାପଡିଛି ।

ଅଧିକ ପଢନ୍ତୁ: ରେଭେନ୍ସାରେ ଅଜବ ନିଷ୍ପତ୍ତି ନେଲେ, ଘଣ୍ଟାକ ପରେ ୟୁ-ଟର୍ଣ୍ଣ ମାରିଲେ...