Fake website; ଅନଲାଇନରେ ମହାପ୍ରଭୁଙ୍କ ପୂଜା ପାଇଁ ୱେବସାଇଟ ଖୋଲି ବିଜ୍ଞାପନ

ଜଗନ୍ନାଥଙ୍କ ସେବା ପୂଜା ନାଁରେ ପୁଣି ଠକେଇ ଉଦ୍ୟମ । ଅନଲାଇନରେ ହେବ ମହାପ୍ରଭୁଙ୍କ ପୂଜା। ସାଇବର ଠକ ଏମିତି ଏକ PUJAPARISEVA.COM ସାଇଟ ଖୋଲି ଭକ୍ତଙ୍କୁ ନିବେଦେନ କରିଛନ୍ତି । ଚାରି ପ୍ରକାର ପୂଜା ହେବା ନେଇ ଅନଲାଇନରେ ବିଜ୍ଞପ୍ତି ଦିଆଯାଇଛି। ଅଭିଷେକ ପୂଜା, ତୁଳସୀ ଦାନ ପୂଜା, ସାଧାରଣ ଦର୍ଶନ ଓ ପୂଜା ସହ ଚତୁର୍ଦ୍ଧାବିଗ୍ରହଙ୍କ ପୂଜା ହେବ ବୋଲି ଉଲ୍ଲେଖ କରିଛନ୍ତି। ଚାରି ପ୍ରକାର ପୂଜା ପାଇଁ ଅଲଗା ଅଲଗା ମୂଲ୍ୟ ବିଜ୍ଞପ୍ତିରେ ଉଲ୍ଲେଖ ରହିଛି ।

ଶୁଖୁଲି ଭୋଗ ଦିଆଯିବା ନେଇ ବି ଓ୍ୱେବସାଇଟରେ ଦର୍ଶାଯାଇଛି। ଏପଟେ ସାଇବର ଟିମ୍ ସହ ଆଲୋଚନା କରି ପଦକ୍ଷେପ ନେବୁ ବୋଲି କହିଛନ୍ତି ପୁରୀ ଏସପି । ଏମାନଙ୍କ କଥାରେ ପ୍ରଲୋଭିତ ନହେବାକୁ ଅପିଲ୍ କରିଛନ୍ତି ଏସପି ପ୍ରତୀକ ସିଂ।