ତାଲିବାନ ଓ ପଞ୍ଜଶୀର ନେତାଙ୍କ ଆଲୋଚନା ବିଫଳ

ନୂଆଦିଲ୍ଲୀ : ତାଲିବାନ ଓ ପଞ୍ଜଶୀର ନେତାଙ୍କ ମଧ୍ୟରେ ଚାଲିଥିବା ଆଲୋଚନା ବିଫଳ ହୋଇଛି। ନ୍ୟୁଜ୍ ଏଜେନ୍ସି ଏଏଫ୍‌ପି ବୁଧବାର ଏହି ସୂଚନା ଦେଇଛି। ତାଲିବାନର ଆୟୋଗ ତଥା ମାର୍ଗଦର୍ଶନ ଆୟୋଗର ମୁଖ୍ୟ ମୁଲ୍ଲା ଅମୀର ଖାନ ମୁତ୍ତକି କହିଛନ୍ତି ଯେ ପରୱାନ ପ୍ରଦେଶରେ ବୟସ୍କ ଆଦିବାସୀ ତଥା ପଞ୍ଜଶୀର ନେତାଙ୍କ ସହ ଆଲୋଚନା କରିବା ବୃଥା ହୋଇଛି। ପଞ୍ଜଜୀର ଲୋକଙ୍କ ପାଇଁ ଟ୍ୱିଟରରେ ପୋଷ୍ଟ୍‌ କରାଯାଇଥିବା ଏକ ଅଡିଓରେ ମୁତ୍ତକି କହିଛନ୍ତି ଯେ ମୋର ଭାଇମାନେ, ଆମେ ଆଲୋଚନା ମାଧ୍ୟମରେ ପଞ୍ଜଶୀର ସମସ୍ୟାର ସମାଧାନ ପାଇଁ ଆମେ ସବୁ ପ୍ରକାର ଚେଷ୍ଟା କରୁଛୁ ... କିନ୍ତୁ ଦୁର୍ଭାଗ୍ୟବଶତଃ ସବୁ କିଛି ବୃଥା ହୋଇଛି।

ଅଗଷ୍ଟ ୧୫ରେ ତାଲିବାନ ଆଫଗାନିସ୍ତାନର ରାଜଧାନୀ କାବୁଲକୁ ଦଖଲ କରିବା ପରଠାରୁ ତାଲିବାନ ବିରୋଧରେ ପ୍ରତିରୋଧର କେନ୍ଦ୍ର ପାଲଟିଛି। ପଞ୍ଜଶୀର ଘାଟିରେ କେନ୍ଦ୍ରିତ ଜାତୀୟ ଉଜ୍‌ବେକି ଓ ତାଜିକ୍ ସୈନ୍ୟବାହିନୀର ଉତ୍ତର ଗଠବନ୍ଦନ ତାଲିବାନ ସହିତ ଯୁଦ୍ଧ ଜାରି ରଖିବାକୁ ଶପଥ ନେଇଛି।

ସୋଭିଏତ୍ ବିରୋଧୀ ପ୍ରତିରୋଧରେ ହତ୍ୟା ହୋଇଥିବା ନାୟକ ଅହମ୍ମଦ ଶାହା ମାସୁଦଙ୍କ ପୁତ୍ର ଅହମ୍ମଦ ମାସୁଦ ପଞ୍ଜଶୀରରେ ତାଲିବାନ ବିରୋଧୀ ମିଳିତ ମଞ୍ଚର ନେତୃତ୍ୱ କରୁଛି। ୨୦୦୧ରେ ତାଲିବାନକୁ ହଟାଇବା ପାଇଁ ଆମେରିକାକୁ ସମର୍ଥନ କରୁଥିବା ଉତ୍ତର ଗଠବନ୍ଧନ ସଂଗଠନର ସ୍ୱର୍ଗତ କମାଣ୍ଡର ଅହମ୍ମଦ ଶାହ ମାସୁଦଙ୍କ ପୁଅ ଅହମ୍ମଦ ମାସୁଦ କହିଛନ୍ତି ଯେ ପଞ୍ଜଶୀରରେ ତାଙ୍କର ସଂଗ୍ରାମୀମାନେ ମଧ୍ୟ ଉପସ୍ଥିତ ଥିଲେ। ସେ କହିଛନ୍ତି ଯେ ବଳପୂର୍ବକ ପ୍ରଦେଶକୁ ଦଖଲ କରିବା ନେଇ କୌଣସି ବି ପ୍ରତିରୋଧକୁ ତାଙ୍କର ଯୋଦ୍ଧାମାନେ ମୁକାବିଲା କରିବେ, କିନ୍ତୁ ତାଲିବାନ ସହ ଆଲୋଚନାର ରାସ୍ତା ଖୋଲା ଅଛି।

ତାଲିବାନ ବିରୋଧରେ ଲଢେଇରେ ବହିଷ୍କୃତ ଆଫଗାନିସ୍ତାନ ସରକାରର ପ୍ରଥମ ଉପରାଷ୍ଟ୍ରପତି ଅମରୁଲ୍ଲା ସାଲେହ ଏହି ମିଳିତ ମଞ୍ଚକୁ ସମର୍ଥନ କରିଛନ୍ତି। ବିଫଳ ଆଲୋଚନା ପାଇଁ ତାଲିବାନର ଜଣେ ବରିଷ୍ଠ ଅଧିକାରୀ ପଞ୍ଜଶୀର ନେତାଙ୍କୁ ଦାୟୀ କରିଛନ୍ତି ଏବଂ କହିଛନ୍ତି ଯେ ଘାଟିରେ କିଛି ଲୋକ ଅଛନ୍ତି ଯେଉଁମାନେ ଶାନ୍ତିପୂର୍ଣ୍ଣ ଭାବରେ ସମସ୍ୟାର ସମାଧାନ କରିବାକୁ ଚାହୁଁ ନାହାଁନ୍ତି।

ମୁତ୍ତକୀ ପଞ୍ଜଶୀର ଲୋକଙ୍କୁ ଏକ ସନ୍ଦେଶରେ କହିଛନ୍ତି ଯେ “ଯିଏ ଲଢିବାକୁ ଚାହୁଛି, ସେମାନଙ୍କୁ କହିଦିଅ ଯେ ଏବେ ବହୁତ ହୋଇଗଲା, ଏବେ ଏହା ଆପଣଙ୍କ ଉପରେ ନିର୍ଭର କରେ, ଆପଣମାନେ ତାଙ୍କ ସହ ଆଲୋଚନା କରନ୍ତୁ।”