ଅନେକ ଥର ଅନେକ ସ୍ଥାନରେ ବିମାନ ଦୁର୍ଘଟଣା ଘଟିଥାଏ । ଦୁର୍ଘଟଣାରେ ଅନେକ ଲୋକ ପ୍ରାଣ ବି ହରାଇଥାନ୍ତି । ଠିକ୍ ଏହିପରି ଏକ ଘଟଣା ସାମ୍ନାକୁ ଆସିଛି । ମୁମ୍ବାଇ ସହରରେ ଏପରି ଏକ ଭୟାନକ୍ ଘଟଣା ଘଟିଛି । ଉଡ଼ାଣ ଭରିବା ପରେ ପରେ କାଳବୈଶାଖୀର ପ୍ରଭାବରେ ମଝି ଆକାଶରେ ଏକ ବିମାନ ଥରି ଉଠିଥିଲା । ପଳରେ ଏଥିରେ ୪୦ ଜଣ ଯାତ୍ରୀ ଆହତ ହୋଇଥିବା ବେଳେ ୧୨ ଜଣ ଗୁରୁତର ଆହତ ହୋଇଛନ୍ତି । ତେବେ ଏହି ଅଘଟଣ ପରେ ଲୋକେ ଭୟଭୀତ ହୋଇପଡ଼ିଥିଲେ ।
Also Read
ଗତକାଲି ରାତିରେ ସ୍ପାଇସଜେଟର ବୋଇଂ ବି ୭୩୭ ବିମାନ ମୁମ୍ବାଇରୁ ଦୁର୍ଗାପୁର ଆସୁଥିବା ବେଳେ ହଠାତ୍ ଭୟଙ୍କର ଭାବେ ଥରି ଉଠିଥିଲା । ମଝି ଆକାଶରେ ଥିବା ସମୟରେ ବିମାନଟି କାଳବୈଶାଖୀ ପ୍ରଭାବରେ ଜୋରରେ ଥରିବାକୁ ଲାଗିଥିଲା । ଯାହା କାରଣରୁ ବିମାନରେ ଥିବା ଯାତ୍ରୀମାନଙ୍କ ଉପରେ ସେମାନଙ୍କ ଜିନିଷପତ୍ର ଖସି ପଡିଥିଲା । ଏଥିରେ ୪୦ ଜଣ ଯାତ୍ରୀ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୨ ଜଣ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ଅନ୍ୟପକ୍ଷେ, ମଝି ଆକାଶରେ ବିମାନଟି କିଛି ସମୟ ଥରିବା ପରେ ଶେଷରେ ଦୁର୍ଗାପୁର ବିମାନବନ୍ଦରରେ ବିମାନଟି ସୁରକ୍ଷିତ ଭାବେ ଅବତରଣ କରିଥିବାବେଳେ ବିମାନରେ ମୋଟ ୧୮୮ଜଣ ଯାତ୍ରୀ ଥିବାର ସୂଚନା ମିଳିଛି ।