ଲାଞ୍ଚ ନେଇଥିଲେ ରେଳ କର୍ମଚାରୀ; ୩୨ ବର୍ଷ ପରେ ମିଳିଲା ଦଣ୍ଡ 

ଅଭିଯୋଗର ୩୨ ବର୍ଷ ପରେ ରେଳ କର୍ମଚାରୀଙ୍କୁ ମିଳିଲା ଦଣ୍ଡ ।  ଅବସରପ୍ରାପ୍ତ ରେଳ କର୍ମଚାରୀଙ୍କୁ ଜେଲ ଦଣ୍ଡାଦେଶ ଶୁଣାଇଲେ ଲକ୍ଷ୍ନୌର ସ୍ୱତନ୍ତ୍ର ଅଦାଲତ । ଅଦାଲତଙ୍କ ପକ୍ଷରୁ ଏହି ରାୟ ଶୁଣାଯାଇଥିବା ବେଳେ ଏକ ଲାଞ୍ଚ ମାମଲାରେ ପୂର୍ବତନ ରେଳ କର୍ମଚାରୀଙ୍କୁ ଦଣ୍ଡ ଦିଆଯାଇଛି। ଅବସରପ୍ରାପ୍ତ ରେଳ କର୍ମଚାରୀ ଜଣଙ୍କୁ ଜେଲ୍‌ ଦଣ୍ତ ସହ ଆର୍ଥିକ ଦଣ୍ଡ ଦେଇଛନ୍ତି କୋର୍ଟ । 

ସୂଚନା ମୁତାବକ ରେଳ କର୍ମଚାରୀ ଜଣକ ୩୨ ବର୍ଷ ପୂର୍ବରୁ ୧୦୦ ଟଙ୍କା ଲାଞ୍ଚ ନେଇଥିଲେ। ୧୯୯୧ ମସିହାରେ ଲାଞ୍ଚ ନେଇଥିବା ନେଇ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ତଦନ୍ତ ହେବା ସହ ଲକ୍ଷ୍ନୌର ସ୍ୱତନ୍ତ୍ର ଅଦାଲତ ଅବସରପ୍ରାପ୍ତ ରେଳ କର୍ମଚାରୀଙ୍କୁ ଦଣ୍ଡିତ କରିଛନ୍ତି।

ସ୍ପେଶାଲ ସିବିଆଇ ଜଜ୍‌ଙ୍କ ଦ୍ୱାରା ଏହି ରାୟ ପ୍ରକାଶ ପାଇଥିବା ବେଳେ ଏହା ସମାଜକୁ ଭୁଲ୍ ଶିକ୍ଷା ଦେଇଥିବା କୁହାଯାଇଛି । ଯେଉଁଥିପାଇଁ ଅବସରପ୍ରାପ୍ତ ରେଳ କର୍ମଚାରୀ ରାମ ନାରାୟଣ ବର୍ମାଙ୍କୁ ଏକ ବର୍ଷ ଜେଲ୍‌ଦଣ୍ତ ସହ ୧୫ ହଜାର ଟଙ୍କା ଜରିମାନା କରାଯାଇଛି ।

ଘଟଣାକୁ ୩୨ ବର୍ଷ ବିତି ଯାଇଥିବାରୁ ଅଭିଯୁକ୍ତ ରେଳ କର୍ମଚାରୀ ରାମ ନାରାୟଣ ବର୍ମା ବର୍ତ୍ତମାନ ପରିଣତ ବୟସରେ ପହଞ୍ଚିଛନ୍ତି । ତାଙ୍କ ବୟସ ୮୦ ଅତିକ୍ରମ କରିଛି । ସୂଚନା ଅନୁସାରେ ସେହି ସମୟରେ ସବିଆଇ ରାମ ନାରାୟଣଙ୍କୁ ଲାଞ୍ଚ ଟଙ୍କା ସହ ଧରିଥିଲା ।