ଦୀପାବଳି ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଯୁବଗୋଷ୍ଠୀଙ୍କୁ ଏକ ବଡ଼ ଉପହାର ଦେବାକୁ ଯାଉଛନ୍ତି । ଗୋଟିଏ ପଟେ ଦେଶରେ ବେକାରୀ ସମସ୍ୟା ନେଇ ବିରୋଧୀ କେନ୍ଦ୍ର ସରକାରଙ୍କୁ ବାରମ୍ବାର ଟାର୍ଗେଟ୍ କରୁଥିବା ବେଳେ ୧୦ ଲକ୍ଷ ଯୁବକଙ୍କୁ ଚାକିରି ଦେବା ପାଇଁ ଏକ ଚାକିରି ମେଳା ଆରମ୍ଭ କରିବାକୁ ଯାଉଛନ୍ତି ମୋଦି । ବିରୋଧୀଙ୍କ ମୁହଁ ବନ୍ଦ କରିବାକୁ ପ୍ରଧାନମନ୍ତ୍ରୀ ମୋଦି ରୋଜଗାର ମେଳା ଆୟୋଜନ ହେବାକୁ ଯାଉଛି । ଅକ୍ଟୋବର ୨୨ରେ ଭିଡିଓ କନଫରେନ୍ସିଂ ମାଧ୍ୟମରେ ଏହି ମେଳା ଆରମ୍ଭ ହେବ ।
୧୦ଲକ୍ଷ କର୍ମଚାରୀଙ୍କ ପାଇଁ ଆରମ୍ଭ ହେବାକୁ ଥିବା ଏହି ନିଯୁକ୍ତି ଅଭିଯାନର ପ୍ରଥମ ପର୍ଯ୍ୟାୟରେ ଅକ୍ଟୋବର ୨୨ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ ଦେଶର ୭୫୦୦୦ ଯୁବକଙ୍କୁ ନିଯୁକ୍ତି ପତ୍ର ପ୍ରଦାନ କରିବେ । ନିଯୁକ୍ତି ମେଳାରେ ଏହା ହେଉଛି ପ୍ରଥମ ପର୍ଯ୍ୟାୟ । ଦେଶର ବିଭିନ୍ନ ମନ୍ତ୍ରଣାଳୟ, ବିଭାଗ ଏବଂ ସଂଗଠନରେ ଖାଲିଥିବା ପଦବୀ ପୂରଣ ପାଇଁ ଯୋଗ୍ୟ ପ୍ରାର୍ଥୀ ଚୟନ କରାଯିବ । ଚାକିରି ଖୋଜୁଥିବା ଯୁବକମାନଙ୍କ ପାଇଁ ଏହା ଏକ ଅପୂର୍ବ ନିଯୁକ୍ତି ସୁଯୋଗ ।
Also Read
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତାର ଭାବେ କହୁଛନ୍ତି, ଆମ ଦେଶ ଯୁବକଙ୍କ ଦେଶ । ଦେଶର ଯୁବକମାନଙ୍କୁ ଆତ୍ମନିର୍ଭରଶୀଳ କରିବା ପାଇଁ ସରକାର ନିରନ୍ତର କାର୍ଯ୍ୟ କରୁଛନ୍ତି । ଆଉ ନିଜ ଦେଶର ନାଗରିକଙ୍କ କଲ୍ୟାଣ ପ୍ରତି ନିରନ୍ତର ପ୍ରତିବଦ୍ଧତା ପ୍ରଦର୍ଶନ କରୁଛି କେନ୍ଦ୍ର ସରକାର । ଏହି କ୍ରମରେ ପ୍ରଧାନମନ୍ତ୍ରୀ ମୋଦିଙ୍କ ଏହା ବଡ ପଦକ୍ଷେପ ବୋଲି କୁହାଯାଉଛି । ଯୁବକମାନଙ୍କୁ ରୋଜଗାରର ସୁଯୋଗ ଯୋଗାଇବା ଏବଂ ନାଗରିକଙ୍କ କଲ୍ୟାଣ ସୁନିଶ୍ଚିତ କରିବା ପାଇଁ ପ୍ରଧାନମନ୍ତ୍ରୀଙ୍କ ଅବିରତ ପ୍ରତିବଦ୍ଧତାକୁ ପୂରଣ କରିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ । ଅନ୍ୟପଟେ ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ ଅନୁସାରେ ସମସ୍ତ ମନ୍ତ୍ରଣାଳୟ ଏବଂ ବିଭାଗ ମିଶନ ମୋଡରେ ଥିବା ଖାଲିଥିବା ପଦବୀ ପୂରଣ ଦିଗରେ କାର୍ଯ୍ୟ କରୁଥିବା ସୂଚନା ମିଳିଛି ।
ଏହାପୂର୍ବରୁ ଜୁନ୍ ମାସରେ ପ୍ରଧାନମନ୍ତ୍ରୀ ମୋଦି ସମସ୍ତ କେନ୍ଦ୍ରୀୟ ବିଭାଗ ଏବଂ ମନ୍ତ୍ରଣାଳୟରେ ମାନବ ସମ୍ବଳ ସ୍ଥିତିର ସମୀକ୍ଷା କରିଥିଲେ ଏବଂ ଆସନ୍ତା ୧.୫ ବର୍ଷରେ ସରକାର ମିଶନ ମୋଡରେ ୧୦ ଲକ୍ଷ ଲୋକଙ୍କୁ ନିଯୁକ୍ତି ଦେବା ପାଇଁ ନିର୍ଦ୍ଦେଶ ଦେଇଥିଲେ । ଗ୍ରୁପ୍ ଏ (ଗେଜେଟେଡ୍)ରେ ବର୍ଗରେ ୨୩୩,୫୮୪ ପଦବୀ, ଗ୍ରୁପ୍ ବି(ଗେଜେଟେଡ୍)ରେ ୨୬,୨୮୨, ଗ୍ରୁପ୍ ବିରେ ୯୨,୫୨୫ ଏବଂ ଗ୍ରୁପ୍ ସି (ଅଣ-ଗେଜେଟେଡ୍) ରେ ୮.୩୬ ଲକ୍ଷ ପଦବୀ ଖାଲି ଅଛି । କେବଳ ପ୍ରତିରକ୍ଷା ମନ୍ତ୍ରଣାଳୟରେ ୩୯,୩୬୬ ଗ୍ରୁପ୍ ବି (ଅଣ-ଗେଜେଟେଡ୍) ପୋଷ୍ଟ ଏବଂ ୨.୧୪ ଲକ୍ଷ ଗ୍ରୁପ୍ ସି ପଦବୀ ଖାଲି ଅଛି । ସେହିପରି ରେଳବାଇରେ ୨.୯୧ ଲକ୍ଷ ଗ୍ରୁପ୍ ସି ଏବଂ MHA ରେ ୧.୨୧ ଲକ୍ଷ ଗ୍ରୁପ୍ ସି (ଅଣ-ଗେଜେଟେଡ୍) ପୋଷ୍ଟ ଅଛି ଖାଲି ପୋଷ୍ଟ ରହିଛି । ଏଥିରେ ଯୁବଗୋଷ୍ଠୀଙ୍କୁ ଚାକିରି ମିଳିବ ବୋଲି ଆଶା କରାଯାଉଛି ।