ପୁଣି ତେଜିଲା ପେଗାସସ୍ ମାମଲା; ୪ ସପ୍ତାହ ମଧ୍ୟରେ ରିପୋର୍ଟ ଦାଖଲ ପାଇଁ ନିର୍ଦ୍ଦେଶ

ପୁଣି ତେଜିଲା ପେଗାସସ୍‌ ମାମଲା । ଆସନ୍ତା ୪ ସପ୍ତାହ ମଧ୍ୟରେ ତଦନ୍ତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଲେ ସୁପ୍ରିମ କୋର୍ଟ । ସୁପ୍ରିମରକୋର୍ଟଙ୍କ ତତ୍ୱାବଧାନରେ ୩ ଜଣିଆ କମିଟିଙ୍କ ଦ୍ୱାରା ପେଗାସସ୍ ସ୍ପାଏେୱର ମାମଲାର ତଦନ୍ତ ଚାଲିଥିବାବେଳେ ତଦନ୍ତ ପାଇଁ ଆହୁରି ୪ ସପ୍ତାହ ସମୟ ଦେବାକୁ ତଦନ୍ତ କମିଟି କୋର୍ଟରେ ଅପିଲ୍‌ କରିଥିଲେ । ଯାହାର ଶୁଣାଣି କରି ତଦନ୍ତ ପାଇଁ କୋର୍ଟଙ୍କ ପକ୍ଷରୁ ଆହୁରି ୪ ସପ୍ତାହ ସମୟ ଦିଆଯାଇଛି । 

ଏସଂପର୍କୀତ ମାମଲାର ଶୁଣାଣି କରି ସୁପ୍ରିମକୋର୍ଟ ପ୍ରଧାନ ବିଚାରପତି ଏନଭି. ରମନ୍ନାଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠରେ ଏହି ନିର୍ଦ୍ଦେଶ ଦେଇଛନ୍ତି। ଯେଉଁଥିରେ ଜଷ୍ଟିସ୍ ଏନ୍‌ବି ରମଣା, ଜଷ୍ଟିସ୍ ସୁର୍ଯକାନ୍ତ ଓ ଜଷ୍ଟିସ୍ ହିମା କୋହିଲି ମଧ୍ୟ ଉପସ୍ଥିତ ଥିଲେ । ଏନେଇ କୋର୍ଟଙ୍କ ପକ୍ଷରୁ କୁହାଯାଇଛି ଯେ, ସୁପ୍ରିମକୋର୍ଟ ବିଚାରପତି ଟେକ୍‌ନିକାଲ୍‌ ଟିମ୍‌ର ରିପୋର୍ଟ ଯାଂଚ କରି ଜୁନ୍‌ ଶେଷ ସୁଦ୍ଧା ତଦନ୍ତ ରିପୋର୍ଟ ଦାଖଲ କରିବେ ।

ଖଣ୍ଡପୀଠରେ ଶୁଣାଣି ଆରମ୍ଭ ହେବା ମାତ୍ରେ ସିଜିଆଇ ଟେକ୍‌ନିକାଲ୍‌ କମିଟିର ରିପୋର୍ଟକୁ ନେଇ କହିଛନ୍ତି ଯେ, ତଦନ୍ତକାରୀ ସଂସ୍ଥା ଅନେକ ଟେକ୍‌ନିକାଲ ମାମଲାର ଯାଂଚ କରିଛନ୍ତି । ଘଟଣାର ଯାଂଚ ସମୟରେ ତଦନ୍ତକାରୀ ସଂସ୍ଥା କିଛି ମାମଲାରେ ଜନସାଧାରଣଙ୍କ ରାୟ ମଧ୍ୟ ସଂଗ୍ରହ କରିଛି । ଏଥିରେ ଅନେକ ଲୋକ ନିଜ ମନ୍ତବ ମଧ୍ୟ ଦେଇଛନ୍ତି ।

ମେ ମାସ ଶେଷ ସୁଦ୍ଧା ବିଚାରପତି ଏନଭି. ରମନ୍ନାଙ୍କୁ ତଦନ୍ତ ରିପୋର୍ଟ ଦାଖଲ କରିବେ । ଯାହାର ପ୍ରାୟ ଏକ ମାସ ତଥା ଜୁନ୍‌ ୨୦ ତାରିଖରେ ବିଚାରପତି ଆର୍‌ ଭି ରବିନ୍ଦ୍ରନ୍‌ ଫାଇନାଲ୍‌ ରିପୋର୍ଟ କୋର୍ଟରେ ଦାଖଲ କରିବେ ବୋଲି ସିଜିଆଇ ପକ୍ଷରୁ କୁହାଯାଇଛି ।

ସୂଚନା ଅନୁସାରେ, ପେଗାସସ୍‌ ବିବାଦର ଯାଂଚ ପରେ ଏହାକୁ ଅନେକ ମାନ୍ୟଗଣ୍ୟ ବ୍ୟକ୍ତି ଏହାକୁ ବ୍ୟବହାର କରୁଥିବାର ଜଣାପଡ଼ିଥିଲା । । ଯେଉଁଥିରେ ଅନେକ ମନ୍ତ୍ରୀ, ବିରୋଧି ଦଳ ନେତା, ଦଳୀୟ କର୍ମୀ,ସାମ୍ୱାଦିକ, ଅନୁସୂଚିତ ଜାତିର ବିଚାରପତି ଓ କେନ୍ଦ୍ରୀୟ ଯାଂଚ ବୁରୋର ମୁଖ ମଧ୍ୟ ସାମିଲ୍‌ ଥିଲେ ।