/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
Follow Us/odishatv-khabar/media/post_attachments/uploadimage/library/16_9/16_9_0/IMAGE_1629025822.jpg)
Ola Scooter
ନୂଆଦିଲ୍ଲୀ : ଦେଶରେ ପ୍ରଥମ ବୈଦ୍ୟୁତିକ ସ୍କୁଟର ଲଞ୍ଚ କରିଛି ଓଲା। ଯାହାର ନାମ S1 ରହିଛି। କମ୍ପାନୀ ବହୁ ପୂର୍ବରୁ ଏହି ସ୍କୁଟରର ବୁକିଂ ଖୋଲିଥିଲା । ଯାହାଦ୍ୱାରା ଆପଣ କେବଳ ୪୯୯ ଟଙ୍କା ଦେଇ ଏହି ଇଲେକ୍ଟ୍ରିକ୍ ସ୍କୁଟର ବୁକ୍ କରିପାରିଥାନ୍ତେ।
ଓଲାର ଇଲେକ୍ଟ୍ରିକ୍ ସ୍କୁଟର ୧୦ଟି ରଙ୍ଗରେ ଉପଲବ୍ଧ ହେବ। ଯେଉଁଥିରୁ ଆପଣ ନିଜ ପସନ୍ଦର ରଙ୍ଗ ବାଛିପାରିବେ। ଓଲା S1 ଇଲେକ୍ଟ୍ରିକ୍ ସ୍କୁଟର ନିୟମିତ ଘର ସକେଟ୍ରୁ ଚାର୍ଜ କରିବାକୁ ୬ ଘଣ୍ଟା ଲାଗିବ । ଅତିରିକ୍ତ ଭାବରେ, ଓଲା ଫାଷ୍ଟ ଚାର୍ଜର ମାଧ୍ୟମରେ ମାତ୍ର ୧୮ ମିନିଟ୍ରେ ଇଲେକ୍ଟ୍ରିକ୍ ସ୍କୁଟରକୁ ୫୦ ପ୍ରତିଶତ ପର୍ଯ୍ୟନ୍ତ ଚାର୍ଜ କରାଯାଇପାରିବ। ସେହିଭଳି, ଏହି ସ୍କୁଟର ଥରେ ଚାର୍ଜ ହେଲେ ୧୮୦ କିଲୋମିଟର ପର୍ଯ୍ୟନ୍ତ ଯାଇ ପାରିବ।
/odishatv-khabar/media/post_attachments/uploadimage/library/16_9/16_9_0/IMAGE_1629025924.jpg)
ଲଞ୍ଚ ହେଲା ଓଲାର ବୈଦ୍ୟୁତିକ ସ୍କୁଟର୍Also Read
ଓଲା S1 ଇଲେକ୍ଟ୍ରିକ୍ ସ୍କୁଟରର ମୂଳ ଭାରିଆଣ୍ଟର ମୂଲ୍ୟ ୯୯,୯୯୯ ଟଙ୍କା ରଖାଯାଇଛି। ଓଲା S1 ଇଲେକ୍ଟ୍ରିକ୍ ସ୍କୁଟରରେ ଓଲା S1 ପ୍ରୋ ନାମକ ଏକ ଟପ୍ ଭାରିଆଣ୍ଟ୍ ରହିବ ଏବଂ ଏହାର ମୂଲ୍ୟ ୧,୨୯,୯୯୯ ଟଙ୍କା ରଖାଯାଇଛି। ଏହା ସହିତ, ଆପଣ ଏହି ସ୍କୁଟର କିଣୁଥିବା ରାଜ୍ୟ ଅନୁଯାୟୀ ମୂଲ୍ୟରେ ସାମାନ୍ୟ ପରିବର୍ତ୍ତନ ହୋଇପାରେ।
ଓଲା ଇଲେକ୍ଟ୍ରିକ୍ ସ୍କୁଟରରେ ପ୍ରଥମ ଥର ପାଇଁ, ଆପଣ ଏକ 'କୀଲେସ୍ ଏକ୍ସପେରିଏନ୍ସ' ପାଇବେ ଯାହାର ଅର୍ଥ, ସ୍ମାର୍ଟଫୋନରେ ଏକ ଆପ୍ଲିକେସନ୍ ସାହାଯ୍ୟରେ ସ୍କୁଟର ବିନା ଚାବିରେ ବି ଷ୍ଟାର୍ଟ ହୋଇପାରିବ। କମ୍ପାନୀ ଦାବି କରିଛି ଯେ ସ୍କୁଟରକୁ ସର୍ବୋତ୍ତମ-ଇନ୍-ସେଗ୍ମେଣ୍ଟ ବୁଟ୍ ସ୍ପେସ୍ ମିଳିବ। ସ୍କୁଟରରେ ଏକ ସ୍ୱତନ୍ତ୍ର ବୈଶିଷ୍ଟ୍ୟ ରହିବ ତାହା ହେଉଛି "ରିଭର୍ସ ମୋଡ୍"। ପୂର୍ବରୁ ଏହି ବିକଳ୍ପ ଅନ୍ୟ କୌଣସି ସ୍କୁଟରରେ ଦେଖାଯାଇ ନ ଥିଲା।
ଏହା ମଧ୍ୟ ବିଲ୍ଟ-ଇନ୍ ସ୍ପିକର ସହିତ ଆସିବ। ଯାହା ମ୍ୟୁଜିକ୍ ବଜାଇବା ପାଇଁ ମଧ୍ୟ ବ୍ୟବହୃତ ହୋଇପାରେ। ଏହି ସ୍ପିକର ଦ୍ୱାରା ଫୋନ୍ କଲ୍ ମଧ୍ୟ ରିସିଭ୍ କରାଯାଇ ପାରିବ। ଅନ୍ୟପକ୍ଷରେ ଏହି ସ୍କୁଟରର ବୁଟ୍ ସ୍ପେସ୍ରେ ଆପଣ ସିଟ୍ ତଳେ ସହଜରେ ଦୁଇଟି ହେଲମେଟ୍ ରଖିପାରିବେ।