ପାଟନା : ମୌସୁମୀ ଅଧିବେଶନ ଆରମ୍ଭ ହେବାର ଠିକ୍ ପୂର୍ବରୁ ନୀତୀଶ କୁମାରଙ୍କ ଉପସ୍ଥିତି ଯୋଗୁଁ ବିହାର ରାଜନୀତିରେ ଉତ୍ତେଜନା ତୀବ୍ର ହୋଇଛି। ଜନସଂଖ୍ୟା ନିୟନ୍ତ୍ରଣ ଏବଂ ଜାତି ଜନଗଣନା ପ୍ରସଙ୍ଗରେ ନୀତୀଶ କୁମାରଙ୍କ ବିବୃତ୍ତି ପରେ ବିରୋଧୀ ଦଳରେ ଆଶା ସଂଞ୍ଚାର ହୋଇଛି ଯେ ଏହି ବିବୃତ୍ତି ପରେ ଭବିଷ୍ୟତରେ କିଛି ନୂତନ ରାଜନୈତିକ ସଙ୍କେତ ଆସିପାରେ।
ଜନସଂଖ୍ୟା ନିୟନ୍ତ୍ରଣ ତଥା ଜନଗଣନା ପ୍ରସଙ୍ଗରେ ନୀତୀଶ କୁମାରଙ୍କ ଭିନ୍ନ ମତ ଉପରେ କଂଗ୍ରେସ ଏମ୍ଏଲ୍ସି ପ୍ରେମଚନ୍ଦ୍ର ମିଶ୍ର ଉତ୍ସାହ ପ୍ରକାଶ କରି କହିଛନ୍ତି ଯେ ଏହା ଆଗାମୀ ରାଜନୀତି ପାଇଁ ଏକ ବଡ଼ ସଙ୍କେତ ହୋଇପାରେ। ଏହି କାରଣରୁ, ନୂତନ ରାଜନୈତିକ ସମୀକରଣ ମଧ୍ୟ ଗଠନ ହୋଇପାରେ। ନୀତୀଶ କୁମାରଙ୍କ ଏହି ବିବୃତ୍ତିରୁ ଏହା ସ୍ପଷ୍ଟ ଭାବରେ ବୁଝାପଡୁଛି ଯେ ନୀତୀଶ କୁମାର ଏବଂ ବିଜେପି ମଧ୍ୟରେ ସମ୍ପର୍କ ଭଲ ନୁହେଁ ଏବଂ ଏହି ସମ୍ପର୍କ ଅଧିକ ଦିନ ରହିବ ନାହିଁ।
Also Read
ଏଥିସହିତ କଂଗ୍ରେସର ସ୍ୱରରେ ସ୍ୱର ମିଶେଇ ନୀତୀଶ କୁମାରଙ୍କ ମତକୁ ମଧ୍ୟ ଆର୍ଜେଡି ପ୍ରଶଂସା କରିଥିଲା ଏବଂ ମହାଗଠବନ୍ଧନକୁ ଆସିବାକୁ ମଧ୍ୟ ପ୍ରସ୍ତାବ ଦେଇଥିଲା। ଆର୍ଜେଡି ବିଧାୟକ ମୁକେଶ ରୋଶନ କହିଛନ୍ତି ଯେ ଜନସଂଖ୍ୟା ନିୟନ୍ତ୍ରଣ ଏବଂ ଜାତି ଜନଗଣନା ଉପରେ ନୀତୀଶ କୁମାରଙ୍କ ବିବୃତିରୁ ଏହା ସ୍ପଷ୍ଟ ହୋଇଛି ଯେ ଲାଲୁ ଜୀ ଏବଂ ତେଜସ୍ୱୀ ଉଠାଇଥିବା ପ୍ରସଙ୍ଗଟି ଠିକ। ଆର୍ଜେଡି ବିଧାୟକ କହିଛନ୍ତି ଯେ ନୀତୀଶ କୁମାରଙ୍କ ବିବୃତ୍ତିରୁ ଏହା ଜଣାପଡୁଛି ଯେ ସେ ଏହାକୁ ଗ୍ରହଣ କରିଛନ୍ତି ଏବଂ ସେ ଆର୍ଜେଡିର ମତ ସହିତ ଠିଆ ହୋଇଥିବା ଦେଖାଯାଉଛି। ଆମେ ତାଙ୍କ ମତକୁ ସ୍ୱାଗତ କରୁଛୁ, ଯଦି ନୀତୀଶ କୁମାର ଆମ ସହିତ ଆସନ୍ତି, ଆମେ ତାଙ୍କୁ ସ୍ୱାଗତ କରିବୁ।
ଏଥି ସହିତ ଜେଡିୟୁ ନେତା ତଥା ଏମ୍ଏଲ୍ସି ନୀରଜ କୁମାର ସ୍ପଷ୍ଟ କରିଛନ୍ତି ଯେ ଉଭୟ ପ୍ରସଙ୍ଗରେ ଜେଡିୟୁର ଆଭିମୁଖ୍ୟ ସ୍ପଷ୍ଟ ଏବଂ ସେ ଏଥିରୁ ପଛଘୁଞ୍ଚା ଦେବ ନାହିଁ। ବିହାରର ଏନ୍ଡିଏ ସରକାର ପ୍ରସଙ୍ଗ ସହିତ ୭ ନିର୍ଣ୍ଣୟ ଆଧାରରେ ଚାଲିଛି ଏବଂ ଏନେଇ କୌଣସି ସ୍ଥାନରୁ କିଛି ବି ଅସୁବିଧା ନାହିଁ।
ଏଥି ସହିତ, ବିଜେପି ଏମ୍ଏଲ୍ସି ନାଭାଲ କିଶୋର ଯାଦବ ସ୍ୱୀକାର କରିଛନ୍ତି ଯେ ଜେଡିୟୁ ଏବଂ ବିଜେପି ଭିନ୍ନ ଦଳ ଏବଂ ପ୍ରତ୍ୟେକ ଦଳର ଆଭିମୁଖ୍ୟ ଅଲଗା ହୋଇଥାଏ। କିନ୍ତୁ ଯେଉଁମାନେ କ୍ଷମତାର ଲୋଭରେ ଅଫର୍ ଦେଉଛନ୍ତି, ସେମାନଙ୍କର ସ୍ୱପ୍ନ ମାଟିରେ ମିଶିଯିବ। ବିହାରରେ ଏନଡିଏ ସରକାର ଚାଲିଛି ଏବଂ ସମ୍ପୂର୍ଣ୍ଣ ଶକ୍ତି ସହିତ ଚାଲିବ।