ବିହାରର ରାଜନୈତିକ ପରିସ୍ଥିତି ଏପଟ ସେପଟ ହୋଇଯାଇଛି। ଜେଡିୟୁ ଏବଂ ବିଜେପି ମଧ୍ୟରେ ବ୍ରେକଅପ୍ ହୋଇଛି। ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ରାଜ୍ୟପାଳ ଫାଗୁ ଚୌହାନଙ୍କୁ ଭେଟି ତାଙ୍କ ଇସ୍ତଫା ପତ୍ର ଦାଖଲ କରିଛନ୍ତି। ବର୍ତ୍ତମାନ ନୀତୀଶ କୁମାର ଆର୍ଜେଡି ଏବଂ ଅନ୍ୟ ଦଳର ସହଯୋଗରେ ସରକାର ଗଠନ କରିବେ। ନୀତୀଶ କୁମାର କହିଛନ୍ତି ଯେ ସମସ୍ତ ସାଂସଦ ଏବଂ ବିଧାୟକଙ୍କ ସହମତି ପ୍ରକାଶ ପାଇଛି ଯେ ବର୍ତ୍ତମାନ ଏନ୍ଡିଏ ଛାଡିଦେବା ଉଚିତ।
ସମସ୍ତଙ୍କ ସହମତି ପରେ ହିଁ ବିଜେପି ସହ ମେଣ୍ଟ ଭାଙ୍ଗିବାକୁ ନିଷ୍ପତ୍ତି ନିଆଯାଇଛି ବୋଲି ନୀତୀଶ କୁମାର କହିଛନ୍ତି। ରିପୋର୍ଟ ଅନୁଯାୟୀ, ସରକାର ଚଳାଇବା ପାଇଁ ନୀତୀଶ କୁମାର ଏବଂ ତେଜସ୍ୱୀ ଯାଦବଙ୍କ ମଧ୍ୟରେ ଏକ ଚୁକ୍ତି ହୋଇଛି। ଖୁବ୍ ଶୀଘ୍ର ନୀତୀଶ କୁମାର ବିହାରରେ ଏକ ନୂଆ ସରକାର ଗଠନ କରିପାରିବେ। ସୋସିଆଲ ମିଡିଆରେ ଉପଭୋକ୍ତାମାନେ କଡ଼ା ମନ୍ତବ୍ୟ ଦେଉଛନ୍ତି।
ଏହି ଖବର ପରେ ଏବେ ସୋସିଆଲ ମିଡିଆ ମୀମ୍ସରେ ଛାଇ ହୋଇଯାଇଛି। ନୀତୀଶ କୁମାରଙ୍କୁ ନେଟିଜେନ୍ସମାନେ ବ୍ୟଙ୍ଗ କରୁଥିବା ଦେଖାଯାଏ। ଆସନ୍ତୁ ଦେଖିବା କିଏ କ’ଣ କହୁଛନ୍ତି।
ଜଣେ କହିଛନ୍ତି, “ଦେଖିଲ ତ ବିନୋଦ! ନୀତୀଶ କୁମାର ପୁଣି ଗାଦି ପାଇଁ ଖେଳ ଖେଳିଦେଲେ”। ଆଉ ଜଣେ କହିଛନ୍ତି, ତେରା ପ୍ୟାର୍, ପ୍ୟାର୍, ପ୍ୟାର୍ …. ପଲଟିମାର୍।