ପୋଲିସକୁ ବଡ଼ ସଫଳତା; ଦାନ୍ତେୱାଡା ଏନକାଉଣ୍ଟରରେ ୩୬ ମାଓବାଦୀଙ୍କ ମୃତଦେହ ଉଦ୍ଧାର

ନକ୍ସଲ ନିପାତ ଅଭିଯାନରେ ଛତିଶଗଡ଼ ପୋଲିସକୁ ମିଳିଛି ବଡ଼ ସଫଳତା। ଦନ୍ତେୱାଡା ଏନକାଉଣ୍ଟରରେ ବର୍ତ୍ତମାନ ସୁଦ୍ଧା ୩୬ ନକ୍ସଲଙ୍କ ମୃତଦେହ ଉଦ୍ଧାର ହେଲାଣି। ନାରାୟଣପୁର-ଦନ୍ତେୱାଡା ସୀମାନ୍ତ ମାଦ୍ ଜଙ୍ଗଲରୁ ମୃତଦେହ ଉଦ୍ଧାର କରି ଅଣାଯାଉଛି ହେଡକ୍ବାର୍ଟର।

ଏନକାଉଣ୍ଟର ସ୍ଥଳରୁ ମିଳିଛି LMG ରାଇଫଲ୍, AK 47, SLR ଓ INSAS ରାଇଫଲ ସମେତ ଅନେକ ଅତ୍ୟାଧୁନିକ ବନ୍ଧୁକ। ଏନକାଉଣ୍ଟର ସ୍ଥଳକୁ CRPF ଓ DRGର ଅତିରିକ୍ତ ସୁରକ୍ଷାବାହିନୀକୁ ପଠାଯାଇଛି। ଗୁଳି ବିନିମୟରେ DRGର ଜଣେ ଯବାନ ଆହତ ହୋଇଛନ୍ତି। ତାଙ୍କୁ ଏୟାରଲିଫ୍ଟ କରି ରାୟପୁର ପଠାଯାଇଛି। 

ଏବେ ବି ଏନକାଉଣ୍ଟର ସ୍ଥଳରେ ସର୍ଚ୍ଚ ଅପରେସନ୍ ଜାରି ରହିଛି। ଦନ୍ତେୱାଡା ଓ ନାରାୟଣପୁର ଜିଲ୍ଲା ସୀମାନ୍ତ ଜଙ୍ଗଲରେ ଟପ୍ ନକ୍ସଲ ମେଳି ବାନ୍ଧିଥିବା ନେଇ ପୋଲିସକୁ ସୂଚନା ମିଳିଥିଲା। ଏହାପରେ ଆରମ୍ଭ ହୋଇଥିଲା ମାଓ ନିପାତ ଅଭିଯାନ। ଗତକାଲି ମଧ୍ୟାହ୍ନରୁ ବିଳମ୍ବିତ ରାତି ଯାଏ ଚାଲିଥିଲା ଏନକାଉଣ୍ଟର।