LIVE TV
ସାତ ଜନମ ଲାଗି ସାଥୀ ହୋଇଥିଲେ । ହେଲେ ବିବାହର ତିନିମାସ ନ ଯାଉଣୁ ଆରପାରିକୁ ଚାଲିଗଲେ ନବଦମ୍ପତି । ସ୍ୱାମୀର ମୃତ୍ୟୁପରେ ଜୀବନ ହାରିଦେଲା ସ୍ତ୍ରୀ । ଗାଜିଆବାଦର ଏହି ନବଦମ୍ପତି ପ୍ରାଣୀ ଉଦ୍ୟାନ ବୁଲି ଯାଇଥିଲେ । ସେଠାରେ ୨୫ ବର୍ଷୀୟ ଅଭିଷେକଙ୍କୁ ହାର୍ଟ ଆଟାକ୍ ହୋଇଥିଲା, ଚିକିତ୍ସାଧୀନ ଅବସ୍ଥାରେ ଅଭିଷେକଙ୍କ ମୃତ୍ୟୁ ହୋଇଥିଲା । ଯାହାଫଳରେ ଏହାକୁ ସହି ନପାରି ସାତ ମହଲାରୁ ଡେଇଁ ପଡ଼ିଥିଲେ ସ୍ତ୍ରୀ ଅଞ୍ଜଳି । ଅଞ୍ଜଳି ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ତାଙ୍କର ଆଜି ସକାଳେ ମୃତ୍ୟୁ ହୋଇଛି । ତିନିମାସ ପୂର୍ବରୁ ସମ୍ପର୍କୀୟଙ୍କ ସହମତିରେ ହୋଇଥିଲା ପ୍ରେମ ବିବାହ ।
ପ୍ରାଣୀ ଉଦ୍ୟାନ ବୁଲିବାବେଳେ ଅଭିଷେକଙ୍କର ସ୍ୱାସ୍ଥ୍ୟ ଖରାପ ହୋଇଥିଲା...
Also Read
ପୋଲିସର ସୂଚନାନୁସାରେ ଅଭିଷେକ ଓ ଅଞ୍ଜଳି ସେମାନଙ୍କ ପରିବାର ସହିତ ଦିଲ୍ଲୀର ବୈଷ୍ଣବ ନଗରର ଏକ ସୋସାଇଟିରେ ରହୁଥିଲେ। ସୋମବାର ଦୁହେଁ ଦିଲ୍ଲୀର ପ୍ରାଣୀ ଉଦ୍ୟାନ ବୁଲିବାକୁ ଯାଇଥିଲେ । ବୁଲିବା ସମୟରେ ଅଭିଷେକଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଯାଇଥିଲା । ଯାହାଫଳରେ ତାଙ୍କୁ ଦିଲ୍ଲୀର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସନ୍ଧ୍ୟାରେ ତାଙ୍କ ସମ୍ପର୍କୀୟମାନେ ପହଞ୍ଚିବା ପରେ ଅଞ୍ଜଳି ଫ୍ଲାଟ୍କୁ ପଳାଇ ଆସିଥିଲେ...
ये हैं अभिषेक और अंजलि। 3 महीने पहले लव मैरिज हुई। कल दोनों दिल्ली चिड़ियाघर घूमने गए। वहां अभिषेक के सीने में दर्द हुआ। सफदरजंग हॉस्पिटल में मौत हो गई। पति की बॉडी जैसे ही घर पर आई तो पत्नी सदमा नहीं झेल पाई और 7वीं मंजिल से कूदकर जान दे दी।
— Sachin Gupta (@SachinGuptaUP) February 27, 2024
📍गाजियाबाद, उत्तर प्रदेश pic.twitter.com/yCouMhJLk0
ଅଭିଷେକଙ୍କ ମୃତ୍ୟୁ ବିଷୟରେ ଜାଣି ନଥିଲେ ଅଞ୍ଜଳି...
ବିଳମ୍ବିତ ରାତିରେ ଡାକ୍ତରଖାନାରେ ଅଭିଷେକଙ୍କର ମୃତ୍ୟୁ ହୋଇଥିଲା । କିନ୍ତୁ ସେ ତାଙ୍କ ସ୍ୱାମୀଙ୍କ ମୃତ୍ୟୁ ବିଷୟରେ ଜାଣି ନଥିଲେ। ବିଳମ୍ବିତ ରାତିରେ ଅଭିଷେକଙ୍କର ମୃତଦେହ ଫ୍ଲାଟରେ ପହଞ୍ଚିଥିଲା । ସ୍ୱାମୀଙ୍କ ମୃତଦେହ ଦେଖି ସପ୍ତମ ମହଲାରୁ ଡେଇଁପଡ଼ିଥିଲେ ଅଞ୍ଜଳି । ତଳେ ପାର୍କିଂ ହୋଇଥିବା କାର ଉପରେ ପଡ଼ିଯାଇଥିଲେ ଅଞ୍ଜଳି । ସାଙ୍ଗେ ସାଙ୍ଗେ ତାଙ୍କୁ ନିକଟସ୍ଥ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ମଙ୍ଗଳବାର ସକାଳେ ତାଙ୍କର ମୃତ୍ୟୁ ହୋଇଥିଲା ।
ଅଭିଷେକଙ୍କ ସମ୍ପର୍କୀୟ କହିଛନ୍ତି ଯେ, "ଅଭିଷେକଙ୍କ ମୃତଦେହ ଘରେ ପହଞ୍ଜିବା ପରେ ସେ ପ୍ରବଳ କାନ୍ଦୁଥିଲେ । ତା’ପରେ ସେ ହଠାତ୍ ଉଠି ବାଲକୋନୀ ଆଡକୁ ଦୌଡ଼ି ପଳାଇଥିଲେ । ମୁଁ ତାଙ୍କ ପଛେ ପଛେ ଦୌଡ଼ିକି ଯାଇଥିଲି କିନ୍ତୁ ତାଙ୍କ ଅଟକାଇବାରେ ସମ୍ଭବ ହୋଇନଥିଲି, ସେ ଡେଇଁପଡିଥିଲେ ।"
