ଲାଲକିଲ୍ଲାରେ 'ଯୋଗ ଉତ୍ସବ' ପାଳନ; ସାମିଲ ହେଲେ ଲୋକସଭା ବାଚସ୍ପତି ଓ କେନ୍ଦ୍ରମନ୍ତ୍ରୀ

ଆଜି ହେଉଛି ବିଶ୍ୱ ସ୍ୱାସ୍ଥ୍ୟ ଦିବସ । ଏହି ଅବସରରେ ନୂଆଦିଲ୍ଲୀର ଲାଲକିଲ୍ଲାରେ ଯୋଗ ଉତ୍ସବ ଆୟୋଜିତ ହୋଇଛି । ଏଥିରେ ଲୋକସଭା ବାଚସ୍ପତି ଓମ ବିର୍ଲା କେନ୍ଦ୍ରମନ୍ତ୍ରୀ ସର୍ବାନନ୍ଦ ସୋନୋଓ୍ୱାଲ ମଧ୍ୟ ଉତ୍ସବରେ ସାମିଲ ହୋଇଥିଲେ । ଲାଲକିଲ୍ଲାରେ ଆୟୋଜିତ ଯୋଗ ଉତ୍ସବରେ ଶତାଧିକ ସଂଖ୍ୟାରେ ଲୋକ ଯୋଗ ଦେଇ ଏକାଠି ଯୋଗ କରିଥିଲେ ।

ଆୟୁଷ ମନ୍ତ୍ରାଳୟ ପକ୍ଷରୁ ଏହି ଯୋଗ ଉତ୍ସବର ଆୟୋଜନ ହୋଇଥିଲା । ଆନ୍ତର୍ଜାତିକ ଯୋଗ ଦିବସର ୭୫ ଦିନ ପୂର୍ବରୁ ଏହି ଯୋଗ ଉତ୍ସବର ପାଳନ କରାଯାଇଥିଲା । ଆଜାଦୀ କା ଅମୃତ ମହୋତ୍ସବ ଅବସରରେ ଏହି ଯୋଗ ଉତ୍ସବର ଆୟୋଜନ ହୋଇଥିଲା ।

 (ଲାଲକିଲ୍ଲାରେ ‘ଯୋଗ ଉତ୍ସବ’ ପାଳନ)

ଅନ୍ୟପକ୍ଷେ, ଆଜି ବିଶ୍ୱ ସ୍ୱାସ୍ଥ୍ୟ ଦିବସ । ଏହି ଅବସରରେ ଲୋକମାନେ ସ୍ୱାସ୍ଥ୍ୟପ୍ରତି ସଚେତନ ରହିବାକୁ ଅନେକ କାର୍ଯ୍ୟକ୍ରମ ହାତକୁ ନିଆଯାଇଛି । ଚଳିତ ବର୍ଷର ଶ୍ଳୋଗାନ ରହିଛି ‘ଆମ ପୃଥିବୀ, ଆମର ସ୍ୱାସ୍ଥ୍ୟ’ । ଦେଶର ସମ୍ପତ୍ତି ଦେଶର ପ୍ରଗତି ଓ ବିକାଶ ପାଇଁ ସୁସ୍ଥ ମଣିଷ ମାନଙ୍କର ଗୁରୁତ୍ୱପୂର୍ଣ୍ଣ ଅବଦାନ ରହିଛି । ୧୯୪୮ ଆଜିର ଦିନରେ ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରତିଷ୍ଠା ହୋଇଥିଲା । ଏହି ଅବସରରେ ପ୍ରତିବର୍ଷ ଆଜିର ଦିନକୁ ବିଶ୍ୱ ସ୍ୱାସ୍ଥ୍ୟ ଦିବସ ଭାବେ ପାଳନ କରାଯାଉଛି ।