ଲେମ୍ବୁରେ ଲାଗିଛି ନିଆଁ, ଗୋଟାକୁ ୧୦ ଟଙ୍କା

ଗ୍ରୀଷ୍ମଋତୁ ପାଖେଇ ଆସିଲେ କିଛି ସତେଜ ପାନୀୟର ଆନନ୍ଦ ନେବାକୁ ମନ କହିଥାଏ। ଏହା ଉଭୟ ମନ ଓ ଶରୀରକୁ ଥଣ୍ଡା ରଖେ। ବାହାରେ ବୁଲିବା ବେଳେ ଆମେ ପ୍ରାୟତଃ କମ୍ପାନୀ ପ୍ରସ୍ତୁତ ଥଣ୍ଡା ପାନୀୟ ହେଉ ବା ବିଭିନ୍ନ ଠେଲାରେ ମିଳୁଥିବା ହାତ ତିଆରି ପାନୀୟ ଉପରେ ଗୁରୁତ୍ୱ ଦେଇଥାଉ। କିନ୍ତୁ ଯେତେବେଳେ ବି ଆମେ ଘରେ କିଛି ଥଣ୍ଡା ପିଇବାକୁ ମନସ୍ଥ କରିଥାଉ, ଆମ ମନକୁ ପ୍ରଥମେ ଯେଉଁ ଜିନିଷ ଆସିଥାଏ, ତାହା ହେଉଛି ଲେମ୍ବୁ। ଲେମ୍ବୁ ପାଣି ଠାରୁ ଆରମ୍ଭ କରି ତାଜା ଲେମ୍ବୁ ସୋଡା ପର୍ଯ୍ୟନ୍ତ ଏହି ଗରମ ଗ୍ରୀଷ୍ମ ସମୟରେ ଲେମ୍ବୁ ହିଁ ଏକ ତ୍ରାଣକର୍ତ୍ତା ହୋଇଥାଏ।

ଅବଶ୍ୟ, ଚଳିତ ସପ୍ତାହ ପୂର୍ବରୁ ଫଳ ଏବଂ ପନିପରିବାର ମୂଲ୍ୟ ବହୁଗୁଣିତ ହୋଇଥିଲା। ଯଦି ଆମେ ଗତ ୧୫ ଦିନ ମଧ୍ୟରେ ମୂଲ୍ୟ ବିଷୟରେ ଆଲୋଚନା କରିବା, ତେବେ ଏହା ପୂର୍ବରୁ ଲେମ୍ବୁ ଏକ କିଲୋଗ୍ରାମକୁ ୫୦-୧୦୦ ଟଙ୍କା ଥିଲା, ଯାହା ବର୍ତ୍ତମାନ ୨୦୦ରୁ ୩୦୦ କିଲୋଗ୍ରାମରେ ପହଞ୍ଚିଛି। ଏହା ବ୍ୟତୀତ ଗୁଜୁରାଟରେ କିଲୋଗ୍ରାମ ପିଛା ଲେମ୍ବୁ ୨୪୦ ଟଙ୍କା ହୋଇଥିବା ବେଳେ କର୍ଣ୍ଣାଟକରେ ୧୬୦ ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି।

ଦେଖିବାକୁ ଗଲେ ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ଉନ୍ନତମାନର ଗୋଟିଏ ଲେମ୍ବୁକୁ ୧୫ ଟଙ୍କାରେ ବିକ୍ରି ହେଉଥିବା ବେଳେ ଓଡିଶାର ବିଭିନ୍ନ ସ୍ଥାନରେ ଏହା ୮ରୁ ୧୦ ଟଙ୍କାରେ ବିକ୍ରି ହେଉଛି।

ଲେମ୍ବୁର ମୂଲ୍ୟ ବୃଦ୍ଧି ହେବା ଦେଖି ଟ୍ୱିଟରରେ ଜନମତ ସୃଷ୍ଟି ହୋଇଛି। କିଛି ଲୋକ ମେମ୍ ଶେୟାର କରୁଥିବାବେଳେ, କେତେକ ଏମିତି ଥଟ୍ଟାମଜ୍ଜା ପୋଷ୍ଟ୍‌ କରିଛନ୍ତି ଯାହା ଆପଣଙ୍କୁ ହସାଇବାକୁ ବାଧ୍ୟ କରିବ। କେହି କେହି ମଜ୍ଜାରେ କହିଛନ୍ତି ଯେ, କିଛି ଦିନ ପରେ ଲେମ୍ବୁ ସୁନା ଦୋକାନରେ ବିକ୍ରି ହେବ। ସେହିପରି ଅନ୍ୟମାନେ ମଧ୍ୟ କହିଛନ୍ତି ଯେ କମ୍ ଲେମ୍ବୁ ପାଣି ପିଅନ୍ତୁ ବିଶ୍ୱକୁ ରକ୍ଷା କରନ୍ତୁ। ଜଣେ ବ୍ୟକ୍ତି କହିଛନ୍ତି ଯେ ଲେମ୍ବୁ ପାଣି ନ ପିଇ ପଇଡ ପାଣି ପିଇବା ହିଁ ଭଲ।

ତେବେ ଆସନ୍ତୁ ଏମିତି କିଛି ମଜାଳିଆ ମେମ୍‌ଗୁଡ଼ିକ ଉପରେ ନଜର ପକାଇବ।