ଦମ୍ପତିଙ୍କୁ ଧକ୍କା ଦେଲା କନ୍ନଡ଼ ଅଭିନେତା ନାଗଭୂଷଣଙ୍କ କାର୍‌; ସ୍ତ୍ରୀ ମୃତ

କନ୍ନଡ ଫିଲ୍ମ ଷ୍ଟାର ନାଗଭୂଷଣଙ୍କ ନାମରେ ଅଭିଯୋଗ । ଏକ ଦମ୍ପତିଙ୍କ କାରକୁ ନାଗାଭୂଷଣଙ୍କ ଗାଡି ଧକ୍କା ଦେଇଥିବା ଅଭିଯୋଗ ହୋଇଛି । ଏଥିରେ ପତ୍ନୀଙ୍କ ମୃତ୍ୟୁ ଘଟିଥିବା ବେଳେ ସ୍ୱାମୀ ଗୁରୁତର ଆହତ ହୋଇ ମୃତ୍ୟୁ ସହ ଲଢେଇ କରୁଛନ୍ତି ।

Nagabhushana Kannada Actor

କନ୍ନଡ଼ ଚଳଚ୍ଚିତ୍ର ଅଭିନେତା ନାଗଭୂଷଣଙ୍କ କାର୍‌ ଶନିବାର ରାତିରେ ବେଙ୍ଗାଲୁରୁରେ ଏକ ଦମ୍ପତିଙ୍କୁ ଧକ୍କା ଦେଇଥିବା କଥା ପୋଲିସ ସୂଚନା ଦେଇଛି । ଏହି ଦୁର୍ଘଟଣାରେ ସ୍ତ୍ରୀର ମୃତ୍ୟୁ ଘଟିଥିବା ବ‌େଳେ ଆହତ ସ୍ୱାମୀ ଚିକିତ୍ସାଧୀନ ଅଛନ୍ତି ।

ସୂଚନାନୁଯାୟୀ ଗତକାଲି ରାତି ପ୍ରାୟ ୯ଟା ୪୫ ମିନିଟ୍‌ ବେଳକୁ ଫିଲ୍ମ ତେଗାରୁ ପାଲ୍ୟର ସୁଟିଂ ସାରି ଫେରିବା ବେଳେ ରାସ୍ତାକଡ଼ ଫୁଟପାଥ୍‌ରେ ଚାଲୁଥିବା ଜଣେ ଦମ୍ପତ୍ତିଙ୍କ ଉପରେ ଗାଡ଼ି ଚଡ଼ାଇ ଦେଇଥିଲେ । ଘଟଣାରେ ସ୍ତ୍ରୀ ପ୍ରାଣ ହରାଇଥିବା ବେଳେ ସ୍ୱାମୀ ଏବେବି ଚିକିତ୍ସାଧିନ ରହିଛନ୍ତି ।

ଦୁର୍ଘଟଣା ପରେ ନାଗଭୂଷଣ ନିଜେ ଦମ୍ପତିଙ୍କୁ ଉଦ୍ଧାର କରି ଡାକ୍ତରଖାନା ନେଇଥିବା ପୋଲିସ କହିଛି । ଏନେଇ ବେଙ୍ଗାଲୁରୁର କୁମାରସ୍ୱାମୀ ଟ୍ରାଫିକ ପୋଲିସ ଷ୍ଟେସନରେ ଏକ ମାମଲା ଦାଖଲ କରାଯାଇଛି । ନାଗଭୂଷଣ ଅତି ବେପରୁଆ ଏବଂ ଦ୍ରୁତଗତିରେ ଗାଡି ଚାଳନା କରୁଥିବାରୁ ଏପରି ଦୁର୍ଘଟଣା ଘଟିଥିବା FIR ରେ ଉଲ୍ଲେଖ କରାଯାଇଛି ।