ଯାତ୍ରୀଙ୍କୁ ବଞ୍ଚାଇବା ପାଇଁ କରାଚୀରେ ଇଣ୍ତିଗୋ ବିମାନର ଜରୁରୀ ଅବତରଣ

ପାକିସ୍ତାନରେ ଜରୁରୀକାଳୀନ ଅବତରଣ କଲା ଇଣ୍ତିଗୋ ବିମାନ । ଦିଲ୍ଲୀରୁ ଦୋହା ଯାଉଥିବା ଇଣ୍ତିଗୋ ବିମାନଟି ପାକିସ୍ତାନର କରାଚୀରେ ଏମରଜେନ୍ସି ଲ୍ୟାଣ୍ତିଂ କରିଛି । ଇଣ୍ତିଗୋ ପକ୍ଷରୁ କୁହାଯାଇଛି ଯେ ବିମାନରେ ଯାତ୍ରା କରୁଥିବା ଜଣେ ଯାତ୍ରୀଙ୍କ ସ୍ୱାସ୍ଥ୍ୟ ହଠାତ୍‌ ଗୁରୁତର ହୋଇପଡ଼ିବାରୁ ବିମାନକୁ କରାଚୀରେ ଲ୍ୟାଣ୍ତ କରିବାକୁ ବାଧ୍ୟ ହୋଇଥିଲେ । ପାକିସ୍ତାନ ସରକାରଙ୍କ ଅନୁମତିରେ ବିମାନକୁ ଅବତରଣ କରାଯାଇଥିଲା ।

ବିମାନ ଅବତରଣ ପରେ ମେଡ଼ିକାଲ ଟିମ୍‌ ଯାତ୍ରୀର ସ୍ୱାସ୍ଥ୍ୟାବସ୍ଥା ଯାଞ୍ଚ କରିବା ପରେ ତାଙ୍କୁ ମୃତ ଘୋଷଣା କରିଥିଲେ । ଯାତ୍ରୀ ଜଣକ ନାଇଜେରିଆର ବାସିନ୍ଦା ଥିଲେ । ଇଣ୍ତିଗୋ ବିମାନ ମୃତଶରୀରକୁ ନେଇ ଦିଲ୍ଲୀ ଫେରି ଆସିଥିଲା । ଏହି ଘଟଣାକୁ ନେଇ ଇଣ୍ତିଗୋ ପକ୍ଷରୁ ଦୁଃଖ ପ୍ରକାଶ କରାଯାଇଛି ।