କ୍ରିକେଟ୍ ବିଶ୍ୱକପ୍ କ୍ରେଜ୍‌: ଦିନକ ପାଇଁ ହୋଟେଲ ରୁମ୍‌ ଭଡ଼ା ଲକ୍ଷେ, ବିମାନ ଟିକେଟ୍‌ ୩୩ ହଜାର ଟଙ୍କା...

କାଲି ଅହମଦାବାଦରେ ବିଶ୍ୱକପ୍ କ୍ରିକେଟ୍ ଫାଇନାଲ ମ୍ୟାଚ୍‌ । ଏହାକୁ ନେଇ ଅବିଶ୍ୱସନୀୟ କ୍ରେଜ୍ । ଗୁଜରାଟ ଅହମଦାବାଦରେ ହୋଟେଲ୍ ରୁମ୍ ଭଡ଼ା ଲକ୍ଷେ ଟଙ୍କାରେ ପହଞ୍ଚିଛି । ଆସନ୍ତାକାଲି ଅହମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ-ଅଷ୍ଟ୍ରେଲିଆ ଫାଇନାଲ ମ୍ୟାଚ୍‌ ଖେଳାଯିବ । 

ଭାରତ ସମେତ ସାରା ବିଶ୍ୱରୁ ଲକ୍ଷାଧିକ ଫ୍ୟାନଙ୍କ ସମାଗମ ହେବ । ଏହାକୁ ଦୃଷ୍ଟିରେ ରଖି ହୋଟେଲ୍ ରୁମ୍ ଗୁଡିକର ଭଡ଼ା ବହୁତ ବଢ଼ି ଯାଇଛି। ଫୋର୍ ଷ୍ଟାର୍, ଫାଇଭ୍ ଷ୍ଟାର୍ ହୋଟେଲରେ ଗୋଟିଏ ଦିନ ପାଇଁ ରୁମ୍ ଭଡ଼ା ୧ ଲକ୍ଷ ୨୦ ହଜାର ଟଙ୍କା ପର୍ଯ୍ୟନ୍ତ ହୋଇଯାଇଛି । ଏପରିକି ଛୋଟ ଛୋଟ ହୋଟେଲରେ ଦିନକ ପାଇଁ ଭଡ଼ା ୧୦ ହଜାର ତଳକୁ ନାହିଁ । ସେପଟେ ବିମାନ ଭଡ଼ା ମଧ୍ୟ ବଢ଼ିଛି । ଅହମଦାବାଦରେ ଏବେ ସବୁ ଦର ଆକାଶ ଛୁଆଁ । ପ୍ରାୟ ୫ ଗୁଣା ବଢିଛି ଅହମଦାବାଦକୁ ଯିବା ଓ ରହିବା ଦର । ବେଙ୍ଗାଲୁରୁରୁ ଅହମଦାବାଦକୁ କେବଳ ଯିବାକୁ ବିମାନ ଭଡ଼ା ୩୩ ହଜାର ଟଙ୍କା ।

ୱାନ୍ ୱେ ବିମାନ ଭଡ଼ା ୫,୭୦୦ ଟଙ୍କା ବଦଳରେ ୩୩ ହଜାର ଟଙ୍କା ହୋଇଛି ।