ହଠାତ୍ ଅଟକିଗଲା ରାମ ଦୋଳି, ୪୦ ଫୁଟ୍‌ ଉପରେ ଲୋକଙ୍କ ଛାତି ଧଡ଼ ଧଡ଼..!

ପାର୍ବଣରେ ବୁଲିବା ସହ ରାମଦୋଳିରେ ଖେଳିବାର ମଜା ନିଆରା । କିନ୍ତୁ ଯଦି ରାମଦୋଳିରେ ବସିଥିବା ବେଳେ ହଠାତ୍ ଅଟକି ଯାଏ ତେବେ କ’ଣ ହେବ ଟିକିଏ ଭାବନ୍ତୁ । ଦିଲ୍ଲୀର ନରେଲା ଅଂଚଳରେ ରାମଦୋଳିରେ ୫୦ରୁ ଅଧିକ ଲୋକ ବସିଥିବା ବେଳେ ହଠାତ୍ ରହିଯାଇଥିଲା । ତାକୁ ଘୁରାଇବା ପାଇଁ ଯେତେ ଚେଷ୍ଟା କଲେ ମଧ୍ୟ ସଫଳ ହୋଇନଥିଲେ । ଆଉ ଏଭଳି ଅବସ୍ଥାରେ ୩୦ରୁ ୪୦ ଫୁଟ ଉଚ୍ଚତାରେ କିଛି ବ୍ୟକ୍ତି ଫସି ରହିଥିଲେ । ସେମାନେ ଉଦ୍ଧାର ପାଇଁ ଉପସ୍ଥିତ ଲୋକଙ୍କ ସହାୟତା ଲୋଡିଥିଲେ । ଏହାପରେ ସ୍ଥାନୀୟ ଲୋକ ଓ ପ୍ରଶାସନର ସହାୟତାରେ ସମସ୍ତଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲା । ସେପଟେ ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି।