ଦିଲ୍ଲୀର ରୋହିଣୀ କୋର୍ଟ ପାଖରେ ଗୁଳିକାଣ୍ଡ । ଆଜି ସକାଳେ କୋର୍ଟ ଚାଲିଥିବାବେଳେ ରୋହିଣୀ କୋର୍ଟ ନିକଟରେ ଗୁଳିକାଣ୍ଡ ହୋଇଛି । ଏଥିରେ କାହାର କିଛି କ୍ଷତି ହେବାର ସୂଚନା ମିଳିନାହିଁ ।
Also Read
ସୂଚନା ଅନୁସାରେ, କୋର୍ଟ ଗେଟ୍ ପାଖରେ ମୁତୟନ ଥିବା ପୋଲିସ କର୍ମଚାରୀ ଏକାଧିକ ବାର ଗୁଳି ଚଳାଇଛନ୍ତି । ହେଲେ କାହିଁକି ଓ କେଉଁ ପରିସ୍ଥିତିରେ ପୋଲିସ କର୍ମଚାରୀ ଗୁଳି ଚଳାଇଲେ, ସେନେଇ କିଛି ସ୍ପଷ୍ଟ ସୂଚନା ମିଳିପାରିନାହିଁ ।
ଏନେଇ ଜଣେ ସ୍ଥାନୀୟ ଓକିଲ କହିଛନ୍ତି ଯେ, ଗେଟ୍ରେ ଥିବା ସୁରକ୍ଷାକର୍ମୀ ଓ ଅନ୍ୟ ଜଣେ ଓକିଲଙ୍କ ମଧ୍ୟରେ କୌଣସି କାରଣରୁ ଯୁକ୍ତିତର୍କ ହୋଇଥିଲା ଏବଂ ଏହା ଉଗ୍ରରୂପ ନେଇଥିଲା । ଯୁକ୍ତିତର୍କରେ ଆଉ ୨ ଜଣ ଓକିଲ ମଧ୍ୟ ଯୋଡ଼ି ହୋଇଥିଲେ। ପରେ ପରେ ସୁରକ୍ଷାକର୍ମୀ ଜଣକ ନିଜ ବନ୍ଧୁକରୁ ଏକାଧିକ ଗୁଳି ଫୁଟାଇଥିଲେ ।