ପଞ୍ଜାବ AG ଓ DGP ଙ୍କୁ ହଟାଇବା ଜିଦ୍‌ରେ ସିଦ୍ଧୁ

ଚଣ୍ଡୀଗଡ଼: ପଂଜାବ ରାଜନୀତିକୁ ନେଇ ଥମିବାରେ ନା ନେଉନାହିଁ ଚର୍ଚ୍ଚା। ପୁଣି ଥରେ ନିଜର ମନ୍ତବ୍ୟ ପାଇଁ ଚର୍ଚ୍ଚିତ ହୋଇ ପଡ଼ିଛନ୍ତି ସିଦ୍ଧୁ। କଂଗ୍ରେସ ନେତା ନବଜୋତ ସିଂ ସିଦ୍ଧୁ ପୁଣି ଥରେ ପଞ୍ଜାବ ସରକାର ଉପରେ ଆକ୍ରମଣ କରିଛନ୍ତି। ଏହା ସହିତ ସେ ପୂର୍ବତନ ସିଏମ ଅମରିନ୍ଦର ସିଂଙ୍କୁ ମଧ୍ୟ ଟାର୍ଗେଟ କରିଥିଲେ। ୨୦୧୫ ମସିହାର ଏକ ମାମଲାରେ ଆଟର୍ଣ୍ଣି ଜେନେରାଲ ଏବଂ ଡିଜିପିଙ୍କୁ ହଟାଇବାକୁ ସେ ସରକାରଙ୍କ ପାଖରେ ଦାବି କରିଛନ୍ତି। ସିଦ୍ଧୁ କହିଛନ୍ତି, ଆମ ସରକାର ୨୦୧୭ରେ ଏକ ମାମଲାରେ ନ୍ୟାୟ ଦାବି କରିବାକୁ ତଥା ଡ୍ରଗ୍ କାରବାରର ମୁଖ୍ୟ ଅପରାଧୀଙ୍କୁ ଗିରଫ କରିବାକୁ ଆସିଥିଲେ ଏବଂ ସେମାନଙ୍କର ବିଫଳତା ହେତୁ ଲୋକମାନେ ପୂର୍ବ ସିଏମଙ୍କୁ ଅପସାରଣ କରିଥିଲେ। ବର୍ତ୍ତମାନ ଏଜି / ଡିଜି ନିଯୁକ୍ତି କ୍ଷତ ଉପରେ ଲୁଣ ଛିଞ୍ଚୁଛନ୍ତି। ତେଣୁ ସେମାନଙ୍କୁ ତାଙ୍କ କାର୍ଯ୍ୟରୁ ଅପସାରଣ କରାଯାଉ ନଚେତ୍‌ ଦଳର ଚେହେରା ରାଜ୍ୟରେ ଖରାପ ହେବ ବୋଲି ସିଦ୍ଧୁ କହିଛନ୍ତି।

navjot-singh-sidhu

୨୦୧୫ ମସିହାରେ ପଂଜାବର ଫରିଦକୋଟରେ ଶିଖ ଧାର୍ମିକ ଶାସ୍ତ୍ରର ବଳିଦାନ ପର୍ବରେ ପୋଲିସ ଗୁଳିରେ ଦୁଇ ଜଣଙ୍କର ମୃତ୍ୟୁ ହୋଇଥିଲା। ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଏବଂ ନବଜୋତ ସିଦ୍ଧୁଙ୍କ ମଧ୍ୟରେ ବିବାଦ ଦେଖାଦେଇଥିବା ଏହା ଅନ୍ୟତମ କାରଣ ବୋଲି କୁହାଯାଉଛି। ପଞ୍ଜାବ କଂଗ୍ରେସ ମୁଖ୍ୟ ପଦରୁ ହଠାତ୍ ଇସ୍ତଫା ଦେବାର ଗୋଟିଏ ଦିନ ପରେ ସିଦ୍ଧୁ ପୋଲିସ୍ ମହାନିର୍ଦ୍ଦେଶକ, ଆଟର୍ଣ୍ଣି ଜେନେରାଲ୍ ଏବଂ "କଳଙ୍କିତ" ନେତାଙ୍କ ନିଯୁକ୍ତି ଉପରେ ପ୍ରଶ୍ନ କରିଥିଲେ।

Also Read

ପୁନର୍ଜନ୍ମରେ ବିଶ୍ୱାସ କରୁଛି ଚାଇନା !

ଟେଲିଗ୍ରାମ ବ୍ୟବହାର କରୁଥିଲେ ସାବଧାନ, ବ୍ୟାଙ୍କ ଆକାଉଣ୍ଟ ଖାଲି କରୁଛନ୍ତି ହ୍ୟାକର...

ସିଲିଣ୍ଡରରେ ଥିବା ଗ୍ୟାସ କେତେ ଦିନରେ ସରିବ! ଘରେ ରହି ଜାଣନ୍ତୁ ଉପାୟ

ଏହାସହ ସିଦ୍ଧୁ କହିଛନ୍ତି ଯେ ସେ ଯେକୌଣସି ପ୍ରକାରର ବଳିଦାନ ଦେବାକୁ ସେ ପ୍ରସ୍ତୁତ, କିନ୍ତୁ ତାଙ୍କ ନୀତି ଉପରେ ସେ ସର୍ବଦା ଦୃଢ ରହିବେ। ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନି ଦାୟିତ୍ୱ ଗ୍ରହଣ କରିବା ପରେ ସିଦ୍ଧୁ ଇସ୍ତଫା ଦେଇଥିଲେ। ସିଦ୍ଧୁଙ୍କୁ ମନାଇବା ପାଇଁ ଚେଷ୍ଟା କରାଯାଇଥିଲା, କିନ୍ତୁ ତାଙ୍କ ଇସ୍ତଫା ଗ୍ରହଣ କରାଯାଇଛି କି ନାହିଁ ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ।

ଗତକାଲି ସିଦ୍ଧୁ କହିଥିଲେ କି ଦଳରେ କୌଣସି ପଦରେ ରୁହେ କି ନରୁହେ କିନ୍ତୁ ପ୍ରିୟଙ୍କା ଗାନ୍ଧୀ ଓ ରାହୁଲ ଗାନ୍ଧୀଙ୍କ ସହ ରହିବି। ଦଳର ଆଦର୍ଶରେ କାମ କରିବି। କେବଳ ଏତିକି ନୁହେଁ ପଞ୍ଜାବର କେମିତି ଉନ୍ନତି ହେବ କଂଗ୍ରେସକୁ ନେଇ ସ୍ୱପ୍ନ ଦେଖୁଥିବା ପଞ୍ଜାବୀଙ୍କ ଆଶା କେମିତି ପୂରଣ ହେବ ସେନଇ କାମ କରିବି ବୋଲି ସିଦ୍ଧୁ ଟ୍ୱିଟ କରି କହିଥିଲେ। ଆଉ ଆଜି ପୁଣି ଥରେ ନିଜର ମନ୍ତବ୍ୟକୁ ନେଇ ଚର୍ଚ୍ଚାରେ ଅଛନ୍ତି ସିଦ୍ଧୁ।