ବିମାନବନ୍ଦର ଚଟାଣରେ ବସିଲେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବଘେଲ

ଲକ୍ଷ୍ନୌ :  ବିମାନବନ୍ଦରର ତଳେ ବସିଲେ ଛତିଶଗଡର ମୁଖ୍ୟ ଭୁପେଶ ବଘେଲ୍ । ଲଖିମ୍‌ପୁର ଖିରିରେ କୃଷକଙ୍କ ମୃତ୍ୟୁ ପରେ ଛତିଶଗଡର ମୁଖ୍ୟ ଭୁପେଶ ବାଗେଲ ଲକ୍ଷ୍ନୌ ବିମାନ ବନ୍ଦରରେ ପହଞ୍ଚିଥିଲେ ।  ସେଠାରେ ପହଞ୍ଚିବା ପରେ ପୋଲିସ୍‌ ସୁରକ୍ଷା କର୍ମଚାରୀମାନେ ତାଙ୍କୁ ବାହାରକୁ ଯିବାକୁ ଅଟକାଇ ଥିଲେ । ଯାହାକୁ ନେଇ ମୁଖ୍ୟମନ୍ତ୍ରୀ ଏୟାରପୋର୍ଟରେ ହିଁ ଧାରଣାରେ ବସିଗଲେ । ଯାହାକୁ ନେଇ ସେ ଏକ ଟ୍ୱିଟ୍‌ ମଧ୍ୟ କରିଛନ୍ତି । ଯେଉଁଥିରେ ସେ ଲେଖିଛନ୍ତି ଯେ, ବିନା କୌଣସି ଆଦେଶରେ ପୋଲିସ୍‌ ର୍ମଚାରୀ ମାନେ ତାଙ୍କୁ ବାହାରକୁ ଯିବାକୁ ରୋକିଛନ୍ତି । ଏହାସହ ସେ ଏକ ଫଟୋ ମଧ୍ୟ ସେୟାର କରିଛନ୍ତି । ଯୋଉଁଥିରେ ସେ ବିମାନବନ୍ଦରର ଭୂମିରେ ବସିଥିବାବେଳେ ତାଙ୍କ ପାଖଆଖରେ ପୋଲିସ୍‌ କର୍ମଚୀରୀ ଏବଂ ସୁରକ୍ଷା କର୍ମୀମାନେ ଠିଆ ହୋଇଛନ୍ତି ।

ନିଜ ଫଟୋ ସେୟାର କରି ସେ ଲେଖିଛନ୍ତି, ‘ବିନା କୌଣସି ନିର୍ଦ୍ଦେଶାଦେଶରେ ମୋତେ ଲକ୍ଷ୍ନୌ ଏୟାରପୋର୍ଟରୁ ବାହାରକୁ ଯିବା ପାଇଁ ପ୍ରତିବନ୍ଧକ ଲଗାଉଛନ୍ତି’ । ଏହାସହ ମୁଖ୍ୟମନ୍ତ୍ରୀ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସୁରକ୍ଷା କର୍ମୀମାନେ ତାଙ୍କୁ ବିମାନବନ୍ଦରରୁ ବାହାରିବାରେ ଅଟକାଉଥିବାର ଦେଥଖିବାକୁ ମିଳିଛି । ଏହି ସମୟରେ ସୁରକ୍ଷା କର୍ମୀଙ୍କ ପ୍ରଶ୍ନର ଉତ୍ତର ମଧ୍ୟ ଦିଆଯାଉଛି। ଭିଡିଓରେ ସିଏମ ବାଗେଲ ସୁରକ୍ଷା କର୍ମୀଙ୍କୁ ପ୍ରଶ୍ନ ପଚାରୁଛନ୍ତି। ଏହି ସମୟରେ ସେ ସୁରକ୍ଷା କର୍ମୀଙ୍କୁ ପ୍ରଶ୍ନ କରିଛନ୍ତି ଯେ ମୋତେ କାହିଁକି ଅଟକାଯାଉଛ?