ପୁରା ଫିଲ୍ମ ଷ୍ଟାଇଲ୍‌ ! ବରଯାତ୍ରୀଙ୍କ ସହ ବର ଏମିତି ନାଚିଲା ଯେ, ରିଜେକ୍ଟ କରିଦେଲା କନ୍ୟା

ବାହା ହେବାକୁ ଆସି ମଦ ପିଇ ନାଚରେ ମାତିଲା ବର । ସମୟ ଗଡ଼ିବାରୁ ଅନ୍ୟ ଜଣଙ୍କୁ ବାହା ହୋଇଗଲା କନିଆ । ଏମିତି କିଛି ଘଟଣା ରାଜସ୍ଥାନର ଚୁରୁ ଜିଲ୍ଲା ରାଜଗଡ଼ ତହସିଲର ଚେଲନା ଗାଁରେ ଦେଖିବାକୁ ମିଳିଛି ।

ରବିବାର ଦିନ ଗାଁରେ ବାହାଘର ଚାଲିଥିଲା ବେଳେ ବର ଆସି ରାତି ୯ଟା ବେଳକୁ ଗାଁରେ ପହଞ୍ଚି ଯାଇଥିଲା । ଅଳ୍ପ ସମୟ ପରେ ବାହାଘର ପାଇଁ ଶୁଭ ମୁହୂର୍ତ୍ତ ଥିଲା ବେଳେ ବରଯାତ୍ରୀଙ୍କ ସହ ଘଣ୍ଟା ଘଣ୍ଟା ଧରି ମଦ ପିଇ ବର ନାଚିଥିବାର ଦେଖିବାକୁ ମିଳିଥିଲା । ବର ମାତିଥିବାବେଳେ ଏଣେ ଶୁଭ ମୁହୂର୍ତ୍ତି ଗଡ଼ି ଯାଉଥିଲା । ଆଉ ଶେଷରେ ବାହା ହେବାକୁ ଅପେକ୍ଷା କରିଥିବା ଯୁବତୀ ଓ ତାଙ୍କ ପରିବାର ଏଥିରେ ରାଗିଯାଇ ବର ଓ ବରପକ୍ଷଙ୍କୁ ପାନେ ଦେବା ଲାଗି ଅନ୍ୟ ଜଣଙ୍କ ସହ ବାହାଘର କରିବାକୁ ନିଷ୍ପତ୍ତି ନେଇଥିଲେ ।

ବରପକ୍ଷଙ୍କୁ ଫେରାଇ ଦେଇଥିଲେ କନ୍ୟାପକ୍ଷର ଲୋକ । ପରେ ଏନେଇ ବରପକ୍ଷ ରାଜଗଡ଼ ଥାନାରେ ଅଭିଯୋଗ କରିଥିଲେ । ପରେ ପୋଲିସ ମଧ୍ୟସ୍ଥତାରେ ସମାଧାନ ହୋଇଥିଲା । ଏ ବାହାଘର ଭାଙ୍ଗିଗଲା ବୋଲି ଉଭୟ ପକ୍ଷ ଥାନାରେ ଲିଖିତ ଭାବେ ଜଣାଇଥିଲେ ।