ସାଧାରଣତଃ ଟ୍ରେନରେ ସମସ୍ତେ ଯାତ୍ରା କରନ୍ତି । ଏଥିପାଇଁ ଯାତ୍ରୀଙ୍କୁ ଟ୍ରେନ୍ ଟିକେଟ୍ କରିବାକୁ ପଡ଼ିଥାଏ । ହେଲେ ନିକଟରେ ଏପରି ଏକ ବିଚିତ୍ର ଘଟଣା ସାମ୍ନାକୁ ଆସିଛି ଯାହା ଜାଣିଲେ ହୁଏତ ଆପଣଙ୍କୁ ଟିକେ ଆଶ୍ଚର୍ଯ୍ୟ ଲାଗିବ । ଜଣେ ବ୍ୟକ୍ତି ଟ୍ରେନ୍ର ଇଞ୍ଜିନ୍ ତଳେ ଲୁଚି ପ୍ରାୟ ୧୯୦ କିଲୋମିଟର ଯାତ୍ରା କରିଛନ୍ତି । ଏବେ ଆପଣ ଭାବୁଥିବେ ଏହା କିପରି ସମ୍ଭବ ହୋଇପାରିବ ? ତେବେ ଆସନ୍ତୁ ଜାଣିବା କ’ଣ ଥିଲା ପ୍ରକୃତ ଘଟଣା...
ଗତ ମଙ୍ଗଳବାର ଦିନ ବିହାରର ଗୟା ଷ୍ଟେସନରେ ସାରନାଥ ବୁଦ୍ଧ ପୂର୍ଣ୍ଣିମା ଏକ୍ସପ୍ରେସ ଟ୍ରେନର ଇଞ୍ଜିନ୍ରେ ଏକ ଯୁବକ ଲୁଚି ବସିଥିଲେ । ଯୁବକଟି ପ୍ରାୟ ୧୯୦ କିଲୋମିଟର ଏହିପରି ଲୁଚି ଯାତ୍ରା କରୁଥିଲେ । ହେଲେ ହାସ୍ୟଜନକ କଥା ହେଉଛି ଯୁବକ ଜଣକଙ୍କୁ ଶୋଷ ଲାଗୁଥିବାରୁ ସେ ପାଣି ପାଇଁ ଚିତ୍କାର କଲେ । ଯାହା ଶୁଣି ଆରପିଏଫ୍ ଅଧିକାରୀମାନେ ଇଞ୍ଜିନ ଭିତରେ ବସିଥିବା ଜଣେ ବ୍ୟକ୍ତିଙ୍କୁ ଠାବ କରିଥିଲେ ।
Also Read
ଦେଖନ୍ତୁ ସେହି ସମୟର ଭିଡ଼ିଓ :-
ଏନେଇ ଟ୍ରେନ୍ ଚାଳକ ଜଣକ କହିଛନ୍ତି ଯେ, ‘ଇଞ୍ଜିନ୍ ତଳେ ଯୁବକ ଲୁଚିଥିବା ଖବର ଜାଣି ଉଦ୍ଧାର କରିବା ପାଇଁ ମୁଁ ସଙ୍ଗେ ସଙ୍ଗେ ରେଲୱେ ପ୍ରୋଟେକସନ ଫୋର୍ସ କର୍ମଚାରୀଙ୍କୁ ଯୋଗାଯୋଗ କରିଥିଲି । ଯୁବକଙ୍କ ମାନସିକ ଅବସ୍ଥା ଅସ୍ଥିର ଥିବା ଜଣାପଡୁଥିଲା । ଇଞ୍ଜିନରୁ ଉତ୍ପନ୍ନ ଅତ୍ୟଧିକ ଉତ୍ତାପ ହେତୁ ତାଙ୍କ ସ୍ୱାସ୍ଥ୍ୟ ଅବସ୍ଥା ଆହୁରି ବିଗିଡି ଯାଇଥିଲା। ଆରପିଏଫ କର୍ମଚାରୀମାନେ ତାଙ୍କୁ ବାହାରକୁ ଆଣିବାବେଳେ ସେ ପାଣି ମାଗୁଥିଲେ। ’
ହେଲେ ସବୁଠୁ ଆଶ୍ଚର୍ଯ୍ୟର କଥା ହେଉଛି ଆରପିଏଫ୍ କର୍ମଚାରୀମାନେ ତାଙ୍କୁ ଧରିବା ପୂର୍ବରୁ କିମ୍ବା ତାଙ୍କ ସ୍ଥାନ,ଠିକଣା ଚିହ୍ନଟ କରିବା ପୂର୍ବରୁ ହିଁ ସେ ଘଟଣାସ୍ଥଳରୁ ଚମ୍ପଟ୍ ମାରିଥିଲେ । ଆରପିଏଫ୍ ଅଧିକାରୀ ବହୁ ଖୋଜାଖୋଜି କରିବା ପରେ ମଧ୍ୟ ଯୁବକଙ୍କୁ ପାଇନଥିଲେ ।
କେଉଁଠାରେ ଓ କିପରି ଇଞ୍ଜିନ୍ ଭିତରକୁ ପ୍ରବେଶ କଲେ?
ତେବେ ଯୁବକ ଜଣକ କେଉଁଠୁ ଏବଂ କିପରି ଇଞ୍ଜିନ ଭିତରକୁ ଚଢ଼ିଛନ୍ତି ସେନେଇ ରେଳ ଅଧିକାରୀମାନେ ମଧ୍ୟ ଏପର୍ଯ୍ୟନ୍ତ ସ୍ପଷ୍ଟ ଜାଣିପାରି ନାହାଁନ୍ତି । ହେଲେ ହୁଏତ ଯୁବକ ଜଣକ ପ୍ରାୟ ୧୯୦ କିଲୋମିଟର ଯାତ୍ରା କରି ଇଞ୍ଜିନ ତଳେ ରହିଥିବାର ସେମାନେ ଆକଳନ କରିଛନ୍ତି ।