କୋଣାର୍କ ଗଣନାଟ୍ୟର ନାଟକ ‘କହଲୋ ବଉଳ କିଏ ତୋ ବର’। ଏ କାହାଣୀର ସଂଳାପ ଯାହା, ଆମେ ଆପଣଙ୍କୁ ଯେଉଁ ଖବର କହିବାକୁ ଯାଉଛୁ, ସେ ଖବରର କାହାଣୀ ବି ସମାନ । ଖାଲି ଫରକ ଏତିକି ସିଏ ମଞ୍ଚସ୍ଥ ନାଟକ । ଇଏ ଅସଲ ଜୀବନର କାହାଣୀ । ଯେଉଁଠି ଦୁଇ ସଉତୁଣୀଙ୍କ ମଧ୍ୟରେ ଭାଗ ହୋଇଛି ସ୍ୱାମୀ । ତିନି ଦିନ ତୋର ଆଉ ତିନି ଦିନ ମୋର । ଏଭଳି ଅଜବ ଘଟଣା ଘଟିଛି ବିହାରରେ ।
Also Read
ଅଧିକ ପଢ଼ନ୍ତୁ: ଜ୍ଞାନେଶ କୁମାର ଦେଶର ନୂଆ ମୁଖ୍ୟ ନିର୍ବାଚନ କମିଶନର, ରାମ ମନ୍ଦିର ସହ ରହିଛି ଏମିତି ସମ୍ପର୍କ
ବିହାରର ପୂର୍ଣ୍ଣଆ ଅଞ୍ଚଳ। ଏଠାକାର ଜଣେ ବ୍ୟକ୍ତି ଘରେ ପ୍ରଥମ ସ୍ତ୍ରୀ ଥାଉ ଥାଉ କରିଥିଲେ ଦ୍ୱିତୀୟ ବିବାହ । ସାତ ବର୍ଷ ପୂର୍ବେ ପୁଣି ବେଦିରେ ବସି ପକାଇଥିଲେ ହାତ ଗଣ୍ଠି । ଏହା ଜାଣିବା ପରେ ଚିହିଁକି ଉଠିଥିଲେ ପ୍ରଥମ ସ୍ତ୍ରୀ । ସହି ପାରିନଥିଲେ ସଉତୁଣୀକୁ । ସ୍ୱାମୀକୁ ଅନ୍ୟ କାହା ସହ ଦେଖି ସେ ବରଦାସ୍ତ କରିପାରିନଥିଲା । ଏହାପରେ କଥା ଯାଇ ଥାନାରେ ପହଞ୍ଚିଥିଲା । ସମସ୍ତ ତିନି ଜଣଙ୍କୁ ବୁଝାସୁଝା କରିବା ପରେ ପୋଲିସ ମାମଲାଟିକୁ ପରିବାର ପରାମର୍ଶ କେନ୍ଦ୍ରକୁ ହସ୍ତାନ୍ତର କରିଦେଇଥିଲା ।
କାଉନସିଲିଂ ପରେ ଉକ୍ତ ବ୍ୟକ୍ତିଙ୍କୁ ଏବେ ସପ୍ତାହକୁ ତିନି ଦିନ ପ୍ରଥମ ସ୍ତ୍ରୀ ସହ ଓ ବାକି ତିନି ଦିନ ଦ୍ୱିତୀୟ ସ୍ତ୍ରୀ ସହ ରହିବାକୁ ନିର୍ଦ୍ଦେଶ ଦିଆଯାଇଛି । ଗୋଟିଏ ଦିନ ପାଇଁ ମିଳିଛି ଅଫ୍ । ନିଜ ଖୁସି ଅନୁସାରେ ସମୟ ବିତାଇବକୁ ତାଙ୍କୁ ରହିଛି ଅନୁମତି । ପ୍ରଥମ ସ୍ତ୍ରୀ ଏବଂ ତାଙ୍କ ଦୁଇ ପିଲାଙ୍କ ପାଠପଢା ଏବଂ ଖାଇବା ଖର୍ଚ୍ଚ ପାଇଁ ପ୍ରତି ମାସରେ ୪ ହଜାର ଟଙ୍କା ଦେବାକୁ କୁହାଯାଇଛି । ତେବେ ବିହାରର ଏହି ମାମଲା ଏବେ ପୂରା ଦେଶରେ ଚର୍ଚ୍ଚାର ବିଷୟ ପାଲଟିଛି । ଏମିତି କି ସୋସିଆଲ ମିଡିଆରେ ଏହି ଘଟଣା ଏବେ ବେଶ୍ ଭାଇରାଲ ହେବାରେ ଲାଗିଛି ।
