ଆମେରିକାନ୍ ଡ୍ୟାନ୍ସର ଗର୍‌ବା ନାଚି ହୃଦୟ ଜିତିଲେ

ନୂଆଦିଲ୍ଲୀ : ଇଣ୍ଟରନେଟ୍ ଦୁନିଆରେ ଅନେକ ଡ୍ୟାନ୍ସ ଭିଡିଓ ଦିନକୁ ଦିନ ଭାଇରାଲ୍ ହେବାରେ ଲାଗିଛି। ଏହି ଭିଡିଓଗୁଡିକ ମଧ୍ୟରୁ କିଛି ଦେଖିବା ପରେ ପୂରା ଦିନ ଖୁସି ହୋଇଯାଏ। ଏବେ ଗୋଟିଏ ଆଶ୍ଚର୍ଯ୍ୟଜନକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଚର୍ଚ୍ଚା ସୃଷ୍ଟି କରୁଛି। ଏହି ଭିଡିଓ ଦେଖିବା ପରେ, ସମସ୍ତଙ୍କ ମୁହଁରେ ଖୁସି ଆସିବ। ଭାଇରାଲ ହେଉଥିବା ଏହି ଭିଡିଓରେ ଜଣେ ଆମେରିକୀୟ ବ୍ୟକ୍ତି ଲଭ୍‌ରାତ୍ରୀ ଫିଲ୍ମର ଗୀତରେ ଗର୍‌ବା କରୁଥିବା ଦେଖିବାକୁ ମିଳେ।

ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଆମେରିକୀୟ ଡ୍ୟାନ୍ସର୍‌ ରିକି ପଣ୍ଡ୍‌ ନବରାତ୍ରୀ ଅବସରରେ ଗରବା କରୁଥିବା ନଜର ଆସନ୍ତି। ରିକି ପଣ୍ଡ୍‌ଙ୍କ ଏହି ଡ୍ୟାନ୍ସ ଭିଡିଓକୁ ଲୋକମାନେ ବହୁତ ପସନ୍ଦ କରୁଥିବା ଦେଖାଯାଏ। ସେ ଏହି ଭିଡିଓକୁ ନିଜ ଇନଷ୍ଟାଗ୍ରାମ ଆକାଉଣ୍ଟରୁ ସେୟାର କରିଛନ୍ତି ଯେଉଁଥିରେ ସେ ‘ଲଭ୍‌ରାତ୍ରୀ’ ଫିଲ୍ମର ଗୀତରେ ଭିନ୍ନ ଶୈଳୀରେ ନାଚୁଥିବାର ନଜର ଆସିଛନ୍ତି। ତାଙ୍କର ଜବରଦସ୍ତ ଡ୍ୟାନ୍ସ ଷ୍ଟେପ୍ ଯୋଗୁଁ 'ଡ୍ୟାନ୍ସିଂ ଡେଡ୍' ଭାବରେ ଜଣାଶୁଣା ରିକି ପଣ୍ଡ୍‌ଙ୍କ ସୋସିଆଲ ମିଡିଆରେ ଅନେକ ପ୍ରଶଂସକ ଅଛନ୍ତି।

Also Read

ଜେଲ୍‌ରେ କେମିତି ରହିବେ, କ’ଣ ଖାଇବେ ଆର୍ଯ୍ୟନ?

ଅଭିନୟ ଦୁନିଆକୁ ଫେରିବେ ଈଶା, କରିବେ ଡିଜିଟାଲ୍ ଡେବ୍ୟୁ

ଭାଇରାଲ ହେଲା ସନ୍ନୀ ଲିଓନଙ୍କ ନୂଆ ଭିଡିଓ

ଏହି ଭିଡିଓରେ ରିକି ତାଙ୍କ ପିଲାମାନଙ୍କ ସହିତ ନାଚୁଥିବା ମଧ୍ୟ ଦେଖିବାକୁ ମିଳେ। ରିକି ଏବଂ ତାଙ୍କ ପିଲାମାନେ ପାରମ୍ପରିକ ଭାରତୀୟ ପୋଷାକ ପିନ୍ଧିଛନ୍ତି। ଅକ୍ଟୋବର ୮ରେ ସୋସିଆଲ ମିଡିଆରେ ଏହି ଡ୍ୟାନ୍ସ ଭିଡିଓ ପୋଷ୍ଟ୍‌ କରାଯାଇଥିଲା ଏବଂ ଏପର୍ଯ୍ୟନ୍ତ ୨୫k ରୁ ଅଧିକ ଥର ଦେଖାଯାଇଛି। ଏହା ସହିତ ଲୋକମାନେ ମଧ୍ୟ ଏହା ଉପରେ ଜମେଇକି ମନ୍ତବ୍ୟ ଦେଉଛନ୍ତି। ଏହା ସହିତ କିଛି ଲୋକ ମଧ୍ୟ ଏହି ଭିଡିଓକୁ ସେୟାର କରୁଛନ୍ତି।

ଯେତେବେଳେ ବି ରିକି ପଣ୍ଡ ତାଙ୍କର କୌଣସି ଡ୍ୟାନ୍ସ ଭିଡିଓ ସେୟାର କରନ୍ତି, ଲୋକମାନେ ଏହା ଉପରେ ଢେର ସାରା ମନ୍ତବ୍ୟ ଦିଅନ୍ତି। ତାଙ୍କର ଏହି ନୂଆ ଭିଡିଓ ଦେଖିବା ପରେ ଜଣେ ଉପଭୋକ୍ତା ଲେଖିଛନ୍ତି ଯେ ତୁମର ନୃତ୍ୟ ସମସ୍ତଙ୍କ ହୃଦୟକୁ ଖୁସି କରିପାରିବ। ସେହିପରି ଅନ୍ୟ ଜଣେ ଉପଭୋକ୍ତା କହିଛନ୍ତି ଯେ ଯେତେବେଳେ ବି ତୁମେ ଖୁସି ହେବାକୁ ଚାହୁଁଛ, ରିକି ପଣ୍ଡର ଡ୍ୟାନ୍ସ ଦେଖ, ନିଶ୍ଚିତ ଭାବରେ ତୁମକୁ ଆନନ୍ଦ ମିଳିବ। ଅନେକ ଲୋକ ରିକି ପଣ୍ଡ୍‌ଙ୍କ ଏହି ଡ୍ୟାନ୍ସକୁ ପ୍ରଶଂସା କରିଛନ୍ତି।